جرحنى ولكنى احببته...بقلم فاطمة البربرى

الحلقة السابعة عشر

الحلقه السابعه عشر
رواية جرحني ولكنى أحببته بقلم فاطمة البربرى
سلمى: فتحت الباب لقيت منى ومعاها احمد جوز داليا اختك في السرير
حسام:ايه؟؟!احمد!! يعني احمد هو ابو الولد
سلمى:ايوة هو،لما سألتها قالت إنه هو ابو ابنها وهو اللى اقترح عليها فكره انها تتجوزك
حسام:يااااه تصدقى انا ماسالتش نفسى ولا مرة هى منى عرفت منين أساسا انى بحبك،بس بردو احمد ما كانش يعرف اكيد عرف من عادل،هه وبعدين ايه اللي حصل
سلمى:انا لما شفتهم خرجت برة في الصالة وهما جم ورايا
**فلاش باك**
منى بصوت عالي: سلمى انتى ايه اللي جابك هنا
سلمى:ياااه ده انتى بجحة اوى يعنى بعد اللى شفته ده بدل ما تترجينى ما اقولش لحد بتعلى صوتك على كمان،ماكفاية خدعتينى وعملتى نفسك الست شهيدة الحب وانتى أساسا انسانه غير شريفة،وبعدين ايه كمية الفلوس دي كلها
احمد: بقولك ايه يا سلمى اللى شفتيه ده اكيد طبعا مش هتقوليه لحد
سلمى:يا سلام وايه اللى خلاك متاكد اوى كده يا استاذ يا محترم انى مش هقول حاجه،دى اول واحده هتعرف هى داليا،الله يكون في عونها مخدوعة فيك
احمد شدها من دراعها وبعصبية شديدة:قلت مش هتقولى حاجة،انتى عايزة تعرفى دى فلوس ايه،انا ومنى تجار مخدرات وكمان بنتاجر في الاعضاء البشريه والفلوس دى بقى جزء بسيط من اللي بنكسبه
سلمى بصوت عالي:انت حيوان
احمد بهدوء شديد:اه صحيح نسيت اقلك ان اكتر ناس بناخد منهم اعضائهم هم الاطفال يا أم....اه صحيح انتى حامل في واد ولابت
*منى دخلت اوضتها جابت ورقة وجت ومعاها مسدس: امضى على الورقة دى بدل ما تموتى حالا انتى واللى في بطنك
سلمى بذهول شديد:انتى بتهددينى يا منى يا صاحبتى،انتى اوطى انسانه شفتها في حياتي
منى بعصبية:قلت امضى
سلمى تحت التهديد وخوفها الشديد على اللى فى بطنها وخوفها من احمد انه يأذيها اويعمل فيها حاجه تمس شرفها فاضطرت تمضى
منى: عارفه الورقة دى بقى فيها ايه،الورقة دى تثبت انك المسئولة عن كل حاجة في تجارتنا يعني اى كلام هتقوليه يبقى بتضرى نفسك انتى واحنا كده مفيش حاجه علينا
سلمى بعد ما كانت خلاص هتمشى
احمد:اه صحيح يا امورة علاقتك بحسام لازم تنتهي وقريب جدا
منى:ايوة عشان اتجوزه انا واعيش في الفيلا واشوف حمادة حبيبى علطول،مش كده يا بيبى
احمد بغمزة مجرمين:كدة يا روح الروح
سلمى:انتو زبالة
منى واحمد بصوت عالي:ههههه ههههه
_نرجع تاني بقى للحاضر_
سلمى: هو ده كل اللي حصل ولما ولدت فرح خفت عليها منهم وعشان كده سبتها معاك عشان تبقى في امان اكتر لانه عمره ما هيفكر يضرها وهى معاك وخصوصا أن منى كانت كل شوية تقولى احنا معظم شغلنا على الأطفال
حسام الكلب الواطى،(وبعدين خبط بايده على راسه):ياربى دي داليا زمانها قالتله انى معاكي دى تبقى مصيبة،ساعتها ممكن يتوقع انك قلتيلى ويعمل حاجة فى فرح
سلمى بلهفة ام:طب كلم داليا بسرعة،استرها يارب
-حسام يرن على داليا
داليا: حسام أنت فين يا ابنى كل ده
حسام:مفيش انا هبات في الشقة القديمه بقى عشان الوقت اتاخر
داليا طب وسلمى
حسام:ماعرفش حاجة عنها،ماتجبيش سيرتها
داليا:ليه كده بس ده انا فرحت لما شفتها وقلت هتتصالحوا
حسام:انتى متوقعة من واحدة اتنازلت عن بنتها انها ممكن تقبل الصلح اصلا،انا خلاص هتجوز اميره هى بتحبنى واكيد هبقى مبسوط معاها
يالا سلام
-داليا لاحمد:مفيش فايده بردو،والله سلمى دي غبية فى واحدة تلاقى حد يحبها الحب ده كله وتسيبه
احمد: عبيطة بقى هنعمل ايه
داليا:تغور في داهية بقى،يالا يا حبيبي تصبح على خير
احمد :وانتى من أهله
احمد لنفسه:جدعة يا سلمى انك قفلتى الطريق فى وشه،ده انا ميت من القلق من ساعة ماداليا قالت ان حسام معاكي،اما انام بقى
**في بيت حسام
سلمى: كويس انك قلتلها انى مش معاك
حسام: أنا مش عارف افكر في اى حاجه خالص،انا خايف على فرح اوى
سلمى:احنا نفضل زى ماحنا بعاد عن بعض وهما هيطمنو ومش هياذوها
حسام:لا يا سلمى انا ماعدتش قادر اعيش بعيد عنك وكمان فرح محتاجاكى جنبها ده غير ان بابا مصمم اتجوز أميرة بحجة ان فرح محتاجه لام،ده غير كمان داليا اللى عايشة مع مجرم بيخدعنا كلنا
سلمى:طب وايه الحل
حسام بقلة حيلة:مش عارف،ربنا ييسر الامور باذن الله
-تانى يوم في الشغل
(حسام وعادل مع بعض)
حسام:عادل انت مش كنت بتقول في حاجة غامضة فى موضوع اصرار سلمى على طلاقنا
عادل:ايوة،ايه عرفت تحل اللغز ولا ايه
حسام:ايوة،وحكاله كل حاجة حصلت
عادل: معقولة احمد،ده مش باين عليه حاجة خالص
حسام:انا محتار اوى يا عادل ومش عارف اعمل ايه
عادل: تبلغ البوليس طبعا،هى دى حاجة محتاجه تفكير
حسام:بس انا خايف اوى على فرح،انا مش عايزه يعرف انى عرفت حاجة
عادل:سيب الموضوع ده على يا صاحبي
حسام: هتعمل ايه
عادل:آدم صاحب ابن خالتي وكيل نيابة هاحكيله كل حاجة وهو يشوف شغله بقى
حسام:استرها يارب
وخلصت حلقتنا النهاردة يا ترى ايه اللي هيحصل
توقعاتكم
#فاطمة_البربرى