جرحنى ولكنى احببته...بقلم فاطمة البربرى

الحلقة الخامسة عشر

الحلقه الخامسه عشر
رواية جرحني ولكنى أحببته بقلم فاطمة البربرى
حسام: سلمى ردى على أنا لازم افهم فيه ايه وليه اللى انتى عملتيه ده
سلمى بدموع:ابوس ايدك يا حسام ابعد عني انا مش هاقدر ارجعلك تاني
حسام:ليه يا سلمى ايه اللي صدر منى زعلك اوى كده
سلمى: آسفة يا حسام مش هاقدر اتكلم في حاجة دلوقتى بس كل اللي اقدر اقولهولك ان انا وانت مش هينفع نكمل مع بعض
حسام:اوك براحتك بس فرح هتعيش معايا انا
سلمى بكل استسلام: موافقة
حسام بذهول:انا مش مصدق...كمان بتتنازلى عن بنتك طب ليه هاه ليه كل ده يا سلمى
-سلمى صمت رهيب
*حسام اخد بنته وسلمى رجعت من المستشفى ع بيت اهلها تانى وكل يوم تروح الشغل وماتتكلمش مع حد نهائي
_اما ابراهيم خطيبته رجعت له بعد ما عرفت الحقيقة
_منى حاولت كتير ترجع لحسام بس فشلت واميرة كمان حاولت كتير تستغل احتياج حسام لام تربى بنته وتخليه يتجوزها ولكن حسام رفض الارتباط باى واحدة تانية مدعيا أنه اتعقد من الستات
_زياد نجح في الثانويه ودخل كلية الهندسة
*عدت الايام والسنين والبنوتة كبرت وبقى عندها٣سنين ولما بتسأل على مامتها بيقولولها أنها مسافرةوللاسف الاحوال زى ما هى ومفيش تغيير في حال سلمى
-فى يوم حسام قاعد في الجنينه بيلعب مع فرح وعادل صاحبه كان معاهم جه خالد
خالد باس فرح وقالها:ادخلى ياحبيبتي العبى جوة عاوز اتكلم مع بابا شوية
_فرح دخلت جوة
حسام: خير يا بابا
خالد:انت ياابنى عاجبك نفسك كده يعني
حسام: كده اللى هو ازاى يعنى ماانا كويس اهو
خالد:بنتك يا حبيبي محتاجه حد ياخد باله منها ويهتم بيها انت معظم الوقت في شغلك وامك خلاص كبرت ماعدتش تقدر ع التربية واختك كمان ليها عيالها وجوزها
حسام:وانا في ايدى ايه يعني اعمله يا بابا
خالد: في ايدك كتير يا حسام،فى ايدك انك تتجوز،اميرة بنت عمك لسة شارياك وبتحبك
حسام: مفيش حاجه اسمها حب يا بابا،ما سلمى كانت بتحبني وسابتنى
عادل: ماينفعش يا حسام تحكم على كل الستات من تجربة واحدة انت عشتها وفشلت فيها
خالد:بص بقى انا مش عاوز كلام كتير في الموضوع ده فرحك انت واميره الخميس الجاي.. سلام
خالد مشى وفضل حسام وعادل
عادل: مبروك يا عم
حسام: مبروك ايه يا زفت انت كمان،ده استحالة يحصل
عادل:ليه؟؟؟عشان لسة بتحب سلمى اوعى تكون فاكر ان انا مصدق موضوع أنك اتعقدت من الستات ده،انا يا ابنى اكتر واحد فاهمك دى عشرة سنين يا صاحبي
حسام:ايوة لسة بحبها سلمى حب عمري ومش هاقدر انساها ابدا ومش هارتبط بغيرها مهما كان التمن
عادل:انت عارف يا حسام موضوع جوازك من سلمى وطلاقك منها الاتنين فيهم غموض،انا نفسى افهم ازاى سلمى سابت ابراهيم،وازاى انت اتجوزت منى وطلقتها،واتجوزت سلمى وطلقتها،حوارات غريبه كده حصلت كلها فيها غموض،يالا ماعلينا بقى
**ابراهيم وملك حددوا ميعاد الفرح وعزمو الجميع وكان الفرح فى قاعة كبيرة
_حسام راح الفرح وكان معاه فرح بنته وسلمى كمان راحت وكانت لاول مره تشوف بنتها من يوم ولادتها،حسام شاف سلمى لكن تجاهلها بس سلمى ماقدرتش تستحمل تشوف بنتها من غير ما تكلمها حتى فقررت تقوم تسلم على حسام وراحت ناحيته
سلمى: دكتور حسام ازيك اخبارك ايه (وسلمت عليه)
حسام:اهلا بيك الحمد لله تمام
سلمى:دى بنوتك
حسام:ايوة
سلمى: ماشاء الله عسولة ازيك يا قمر
فرح:انا اسمى فرح مش قمر
سلمى:انا أقصد قمر يعني عسل
فرح:انا كويسة
-سلمى اديتها شيكولاته
فرح: شكرا،انتى مين
سلمى:انا زميله بابا في الشغل،ماتجيبى حضن لى
*سلمى حصنت فرح اوى والدموع نزلت من عنيها وحسام شاهد الموقف وعنيه اتملت بالدموع
فرح: ايه ده ياطنط انتى بتعيطى
سلمى: لا ياحبيبتي فيه حاجه تقريبا دخلت في عيني،انا همشى انا بقى سلام
فرح: لا خليكى قاعدة معايا شويه
حسام:عيب كده يا فرح
سلمى: لا عادي سيبها معايا شويه انا هاقعد انا وهى على التربيزة اللى قصادك دى شوية وهاجبهالك
حسام:اوكى
-فرح كانت مبسوطه جدا مع سلمى وهى معاها وقعدت شوية وبعدين راحت لباباها وسلمى مشيت
*في يوم حسام كان رايح يفسح فرح في حديقة قريبه من بيتهم القديم اللى كان فيه هو وسلمى وكان لاول مرة ياخد فرح للحديقة دى وكان معاه اخوه زياد وداليا, فرح كانت مبسوطه اوى فى اليوم ده ولعبت كتير،وهما هناك حسام لمح سلمى جنب شجره بعيدة وحس أنه نفسه يتكلم معاها،عرف داليا وقام وسابهم من غير ما فرح تحس بحاجة
_ حسام حط ايده على كتف سلمى ووقتها سلمى حست انه حسام ومن غير ما تبص حتى في وشه رمت نفسها في حضنه وقعدت تعيط بصوت وكانت بترتعش جدا
_حسام ماتكلمش خالص وسابها في حضنه شوية وفجأة حس انه مش سامع ليها صوت لقاها مغمضة عنيها وتقريبا راحت في النوم حاول يصحيها بس للاسف بلا جدوى فسند على الشجرة اللى وراه ونيمها على رجليه وكلم داليا في التليفون وقالها تاخد فرح وزياد ويروحوا بالعربيه وهو هيبقى يحصلهم
*سلمى صحيت بعد ساعة تقريبا ورجعت تاني لحضن حسام
حسام:ماتيجى نروح شقتنا
وخلصت حلقتنا النهاردة يا ترى سلمى هتوافق تروح معاه الشقة وايه اللى هيحصل توقعاتكم
#فاطمة_البربرى