جرحنى ولكنى احببته...بقلم فاطمة البربرى

الحلقة الرابعة عشر

الحلقه الرابعه عشر
رواية جرحني ولكنى أحببته بقلم فاطمة البربرى
سلمى بالفعل اخدت هدومها وراحت بيت اهلها وحسام رجع بيته بس ماقدرش يقعد فيه كتير كل ركن في البيت بيفكره بسلمى فقرر يروح يعيش في الفيلا مع والده
*ابراهيم فسخ خطوبته وحاول كتير يتصل بسلمى يعرف منها هى ايه اللي خلاها تقول لخطيبته الكلام ده لكنها كانت قافلة تليفونها فاضطر يستناها لما يقابلها في الشغل
*داليا اعتذرت لزياد عن اللى حصل منها واتفقت معاه انهم يفتحو مع بعض صفحه جديده ووعدته أنها هتتغير ومش هتخصع تاني لكلام والدتها ضد حسام
**في الشغل
_ابراهيم دخل لسلمى مكتبها
ابراهيم: ممكن افهم بقى انتى قافلة تليفونك ليه وايه اللى انتى قلتيه لملك ده
سلمى:لوسمحت يا ابراهيم انا تعبانة ومش عاوزه اتكلم في حاجة خالص دلوقتى
ابراهيم لسة ماتكلمش ودخل حسام زق ابراهيم جامد وخبط دماغه في الحيط وقعد يضرب فيه
سلمى بصوت عالي:سيبه انت مالكش علاقة بيه نهائى
**حسام تجاهل كلام سلمى وهنا عادل دخل وحاول يفك الشجار ده قبل ما حد يلاحظ حاجة
عادل:سيبه يا حسام ده مش مكان للخناق, كدة الكل هيتكلم ويقولوا كلام مالوش لازمه
*حسام ادرك فعلا ان اللى بيعمله ده ممكن يعمل فضايح لسلمى وهو ما يرضاش بكدة لانها مازالت حبيبته فاضطر انه يسيب ابراهيم ويمشي
ابراهيم لسلمى: ليه يا سلمى كدة ليه؟؟؟
سلمى صمت ودموع غزيرة فقط
ابراهيم: سلمى ردى على
سلمى نفس الصمت
ابراهيم:انا ماشي براحتك ما تتكلميش
**عادل وحسام في بيت عادل بعد الانتهاء من العمل
عادل: حسام هى سلمى لسة بتحب ابراهيم
حسام:لا طبعا سلمى بتحبني بس احنا مش متفقين
عادل: والله وتفسر باايه اللى انت عملته مع ابراهيم النهاردة ده
حسام:انا ماشي ياعم مش ناقص وجع دماغ سلام
***في الفيلا
داليا تخبط على باب اوضة حسام
حسام: ادخل
داليا:اخبارك ايه
حسام: الحمد لله تمام
داليا: ممكن اعرف ايه اللي حصل بينك وبين سلمى وصلكو لمرحلة الطلاق دى
حسام: معلشى يا داليا اعفينى من الجواب على السؤال ده أنا مش حابب اتكلم في الموضوع ده خالص
داليا: براحتك يا حسام وانا مش هاضغط عليك بس وقت ما تحب تتكلم انا موجوده
*عدت شهور حمل سلمى وجه يوم الولادة وجابت بنوته جميله وكان لازم حسام يحضر عشان يسجل المولودة ويعملها شهادة ميلاد
حسام لسلمى: ازيك يا دكتوره مبروك
سلمى:الله يبارك فيك هتسميها ايه
حسام شال الطفلة وحس بحنان كبير جواه ليها وشعور غريب ناحيتها أكد له انها بنته هو:هسميها فرح...فرح حسام خالد
انا هامشى أنا خلصت كل الإجراءات اللازمة سلام
-حسام راح لابراهيم البيت
ابراهيم بذهول: حسام اتفضل
حسام: شكرا،ابراهيم انا جاي اسالك سؤال وعاوزك تجاوبنى بصراحة وانا اوعدك مهما كانت اجابتك هتقبلها
ابراهيم:اوك اتفضل
حسام:هى صحيح البنت اللي ولدتها سلمى تبقى بنتك
ابراهيم:هو انت شاكك لسة بعد الكلام اللي سمعته بصوت سلمى واعترافها ليك انها بنتى
حسام:جاوب يا ابراهيم ب أيوة او لا
ابراهيم:وانا هقولك الحقيقة..لا ياحسام مش بنتى دى بنتك انت سلمى عمرها ما خانتك الخيانة مش من طبع سلمى انا اكتر واحد عارفها هى حبتك بجد واعترفتلى بحبها ليك
حسام: طب وليه سلمى قالت انها كانت حامل منك انت
ابراهيم: والله مااعرف يا حسام انا حاولت اتكلم معاها كتير بس هي كانت بترفض تتكلم
حسام: متشكر اوي يا ابراهيم استأذن انا سلام
*في اليوم التالي حسام راح لسلمى المستشفى
حسام: ازيك يا سلمى كنت جاى اشوف البنت واطمن عليها (شال الطفلة وباسها من جبينها):الله ايه الحلاوه دي طالعة عسل زى مامى يالا نامى كدة على ما اتكلم مع ماما شوية
سلمى: خير يادكتور
حسام: سلمى انا بحبك اوي وماعدتش قادر اعيش من غيرك ايه رايك نرجع لبعض
سلمى:اسفة يا حسام انت تستاهل واحدة احسن منى انا ست خاينة
حسام:ولا حتى عشان خاطر بنتنا تتربى في وسطينا
سلمى:بس دي مش بنتك يا دكتور
حسام:لأ بنتى يا سلمى وع فكره انا جاتلى رسايل كتير قبل ما نطلق من مجهولين بيقولولى انك ماكنتيش حامل منى وما صدقتش كل الكلام ده حتى لما سمعتك وانتى بتقولى الكلام ده بصوتك ماصدقتش بس اصرارك انه حقيقي صدمني وعشان كده طلقتك انا عملت تحليل الدى ان اى للبنت واتاكدت أنها بنتى ممكن افهم بقى انتى ليه عملتى كل ده
وخلصت حلقتنا النهاردة
ياترى ليه سلمى عملت كدة
توقعاتكم
#فاطمة_البربرى