جرحنى ولكنى احببته...بقلم فاطمة البربرى

الحلقة الثالثة عشر

الحلقه الثالثه عشر
رواية جرحني ولكنى أحببته بقلم فاطمة البربرى
حسام راح المستشفى يطمن على زياد وعرف أن حالته اتدهورت خالص ومفيش امل انه يعيش بس حسام مافقدش الامل وقعد يدعى ربنا كتير ان زياد يقوم بالسلامه وبعد دعاء حسام الصادق لربه ودموعه الصادقة استجاب له رب العالمين وحصلت معجزه وفاق زياد من الغيبوبة ولما عرف حسام اصر انه يصلي ركعتين شكر لله الاول قبل ما يشوف اخوه وبعدين دخل له وزياد فرح اوى اول ما شافه
*في بيت سلمى
ملك: ساكتة ليه يا سلمى يعنى الكلام ده حقيقي فعلا
سلمى:انتى جايبة الكلام ده منين
ملك:شوفى كده الرسالة دى
سلمى قرات الرسالة:اممم وانا مش هكدب عليكي ياملك الكلام ده فعلا صحيح
ملك بحسرة:وجوزك يعرف الكلام ده
سلمى:لا طبعا اكيد ما يعرفش حاجة
ملك وقفت
سلمى:رايحة فين
ملك: خلاص ماعدش فيه كلام ينفع يتقال,انا ماشية
-حسام اتصل بداليا وطمنها على زياد وطلب منها تيجي تقعد معاه لحد ما يبقى كويس خالص وطلب منها ما تعرفش حد وروح هو بيته
*في بيت حسام
سلمى: حبيبي كنت فين طول النهار كده,وباسته من خده: وحشتني اوي,هاحضرلك العشا بسرعة ع ما تغير هدومك
حسام:هاتيلى العشا جوة يا حبيبتي لانى تعبان اوي ومش قادر اتحرك
سلمى:من عنية يا غالي
*وهما بيتعشو
سلمى: مالك يا حبيبي،انت كنت فين كدة طول النهار ماقلتش يعني
حسام:حكالها كل اللي حصل
سلمى:يا حبيبي يا زياد انا هاقوم اكلمه اطمن عليه
حسام:لا لا بلاش انتى دلوقتى خالص داليا عنده وانتى أساسا كنتى السبب في اللى حصل ده معلشى يا حبيبتي ابعدى شوية عنهم لغاية ما داليا ترجع لعقلها وربنا يهديها
سلمى: حاضر يا قلبي هاقوم أنا أعمل كوبايتين شاى وجاية
حسام بغمزة: طب ما تغيبيش عشان عاوزك في موضوع سرى كدة
سلمى ماشية بدلع:ههههه هوا واكون عندك
_حسام جاتله رساله فجأة ع الواتس لقاها رسالة صوتية ولما فتحها سمع صوت سلمى وهى بتعترف ان اللى فى بطنها من ابراهيم وكانت وقتها صدمه عمره والدموع ملت وشه ومش مصدق ان الكلام ده حقيقي ده كان واثق فيها ثقة عمياء معقولة كل الثقة دى تضيع هباء كان حاسس انه خلاص اتجنن
_سلمى دخلت عليه وكانت بتضحك فجأة لفته بالمنظر ده وبيكلم نفسه
سلمى: فيه ايه يا حبيبي زياد حصله حاجة
حسام ضربها بالقلم ع وشها: اخرسى يا خاينة عملتلك إيه عشان تعملى في كدة
سلمى ادركت ان ملك عرفته بكل اللى قالته ليها
سلمى وبكل برود اعصاب:عملتلى ايه؟؟!انت حطمت حياتي انت اخدت منى كل حاجة حلوة اظن انت عارف كويس انت جرحتنى قد ايه
حسام وكله حسرة وحزن: يعني انتى فعلا خنتينى ده انا كان عندي امل اخير انك تقوليلي لأ ماحصلش الكلام ده وانا بحبك
أنا.... أنا فعلا ظلمتك بس مش ده الانتقام مش ده...ليه كده... ليه انتقام البشر بقى صعب اوى كده
سلمى بدموع:طلقنى يا حسام
حسام:انتى طالق يا... يا دكتوره
-حسام سابلها الاوضة وراح الاوضة التانيه زى زمان
*كل واحد في اوضة والاتنين الحزن والجرح كبير في قلبهم
*بعد نص الليل سلمى خبطت ع باب الاوضة اللى فيها حسام ودخلت علطول لقته لسة صاحى
حسام:انتى ايه اللي دخلك هنا مش عاوز اشوف خلقتك غورى يالا اطلعى برة ومن الصبح ماشوفش وشك في البيت ده تاني ابدا
سلمى:أنا كنت جاية اتكلم معاك في موضوع الجنين اللى فى بطنى هتعمل فيه ايه مش هينفع غير انك تنسبه ليك عشان بس الناس
حسام:انتى اتجننتى في عقلك ولا ايه انسب عيل لى مش من صلبى ليه يعني
قومى من قدامى عشان انا ممكن ارتكب جريمة حالا انا كل ماافتكر اللى حصل ببقى عاوز اقتلك غورى يالا من هنا أنا ماسك نفسي بالعافيه
سلمى: يعني يرضيك انى اتفضح
حسام بنفاذ صبر:اكتمى بقى اما انتى عارفة انها فضيحة عملتى كدة ليه
سلمى:ماشى انا قايمة بس برده هتنسبه ليك زى مانسبت الأول ليك وهو مش ابنك
حسام:انتى بتقولى ايه
سلمى: اللى سمعته انا عارفه ان ابن منى مش ابنك
حسام:عرفتى الكلام ده منين
سلمى: شفت الرسايل اللى فى التليفون القديم اللى كان في درج مكتبك
حسام:امم بس أنا مش هاعمل كدة معاكي وامشى من قدامى بقى ولا اقولك انا ماشي وسايبلك الشقة خالص وبكرة بقى تاخدى حاجتك وتغورى
وقرر انه يروح لصاحبه عادل يبات عنده لحد الصبح
عادل:اهلا حسام اخيرا افتكرت ان ليك صاحب تسأل عليه
حسام:ياعم ريحنى مش ناقص وجع دماغ انا جاي ابات عندك الليله دى اقعد ولا اروح اشوف حتة تانية
عادل:انت عبيط ياد انت ده بيتك انا بس عايز اطمن خير ولا ايه
حسام:ولاخير ولا زفت
عادل: ايه اللي حصل
حسام: مفيش حاجه أنا وسلمى خلاص اتفقنا على الطلاق
عادل:ليه كده بس ده انت بتعشقها
حسام:بعشقها اه بس احنا مش متفقين خالص مع بعض عيشتها غير عيشتى هى من قرية وأسلوبها وطريقتها بجد مش عارف اتكيف معاها ولا هي عارفه تغير من نفسها وتعيش زيى الموضوع صعب اوى هى انسانه كويسة جدا وتستاهل حد احسن منى بكتير
عادل:طب حاولو تاني يا حسام انا شايفك مش مبسوط بخطوه الطلاق دى وبعدين ماتنساش أنها حامل
حسام: وحياتك يا عادل انا مش عاوز اتكلم في الموضوع ده تاني تصبح على خير
***ابراهيم راح يزور خطيبته
ابراهيم: ايه يا بنتي رنيت عليكي كتير مش بتردى ليه قلقتينى عليكي
ملك قلعت دبلتها: اتفضل يا دكتور دبلتك اهى انا خلاص ماعدتش قادرة اكمل
ابراهيم:انتى بتقولى ايه جاية تقولى الكلام ده بعد ما خلاص اتعلقت بيكى
ملك بدموع: اتعلقت بى انت فاكرني زى حسام هتضحك على وتمثل على الحب زى ما سلمى عملت معاه خلاص سركم انكشف يا دكتور
ابراهيم:سر ايه وزفت ايه اللى بتتكلمى عنه ماتقولى علطول فيه ايه اخلصى
ملك: اتفضل اسمع وانت تعرف كل حاجة
ابراهيم:ايه ده سلمى قالت كدة مجنونة دى ولا ايه
وخلصت حلقتنا النهاردة يا ترى ايه اللي هيحصل
توقعاتكم