جرحنى ولكنى احببته...بقلم فاطمة البربرى

الحلقة الثالثة

الحلقة الثالثة

جرحنى ولكنى أحببته بقلم فاطمة البربرى

حسام:انتى الظاهر مجنونه بقى جنان رسمى

سلمى وكادت أن تبتسم ولكن سرعان ما أخفت هذا: أنا بتكلم جد على فكره

حسام: وأنا موافق يا سلمى انا أساسا استحالة أقرب منك إلا برضاكى أنا هاخد هدومى وحاجتى وهانام دائما في الاوضة التانية بس هاطلب منك طلب

سلمى:اتفضل

حسام:نعيش مع بعض كاصدقاء يعني اتكلم معاكي براحتي وناكل سوا

سلمى:اوك موافقة

حسام قام ودخل اوضته التانية ونام

وفضلوا اسبوع الاجازه كله من غير اى تغيير في حياتهم وبعد الاسبوع راحو مع بعض المستشفى وكل واحد دخل على مكتبه واستقبل حالاته وبعد أن انتهى الجميع من عمله ذهب ابراهيم لسلمى

ابراهيم: حبيبتي ازيك وحشتيني اوي

سلمى: وأنت كمان ياحبيبى

ابراهيم: أنا خلاص ماعدتش قادر اتحمل اللى حصل ده انتى ترفعى ع الكلب ده قضية خلع واخلعيه ومنى اللى كنتى خايفة عليها خلاص اتجوزته يعني ماعدش عنده لنا حاجة

سلمى: شوية كدة يابراهيم وأطلق منه عشان حتى ماحدش يتكلم عنى وبعدين ما تخافش أنا ماخلتهوش يلمسنى

ابراهيم بفرحه: بجد طمنتينى يا قلبي

-حسام راح لسلمى عشان ياخدها ويروحوا بيتهم ولقى ابراهيم هناك واتضايق جدا من وجوده بس كتم غيظه

حسام:يالا ياسلمى عشان نمشى

سلمى: حاضر سلام يا ابراهيم

-وهما في طريقهم

حسام: سلمى انتى حكيتى لابراهيم ع اتفاقنا

سلمى بقلق وخوف:ايوة

حسام:وده ينفع يعني يا سلمى

سلمى: لأ ماينفعش أنا آسفة مااخدتش بالى

-حسام سكت طول الطريق لحد ما وصلوا البيت

-عدى ٣شهور والايام بتعدى زى ما هي يروحوا مع بعض الشغل ويجوا يتغدو وحسام يريح شوية ويرجع تاني ينزل عيادته بعد العصر بشوية ويخلص يسهر مع أصحابه ويرجع يتعشى وينام

_كان بيحاول ع قد مايقدر ما يشوفش سلمى كتير

_وبالنسبة لسلمى بقى الوقت القصير اللى كان حسام بيقعد معاها فيه قربت منه شوية وحبت تتكلم وتهزر معاه وحست أنه إنسان طيب جدا

_وفى يوم من الايام الباب خبط وكان حسام نايم

سلمى فتحت الباب وكانت اميره

سلمى:انتى بنت عم حسام مش كدة؟

اميره: أيوة

سلمى: أهلا وسهلا اتفضلي

اميره:ميرسى امال حسام فين عايزاه

سلمى: حاضر هابلغه أنك هنا

وراحت صحته وعرفته

حسام: ازيك يا اميره

اميره:ازيك يا حسام وحشتني اوي

_سلمى حست انها متضايقه أوى من وجود اميره بس بتكابر مع نفسها

حسام: خير يا اميره

اميره:عايزة اتكلم معاك لوحدنا

حسام: سلمى معلش ممكن كوبايتين نسكافيه

سلمى: حاضر'وقامت بس كانت زعلانة جدا وكانت مستغربه من نفسها معقولة دى غيره'لا لا استحالة وهاغير عليه ليه أنا كدة كدة عايزاه يطلقنى لا اكيد ده وهم

اميره: حسام انا بحبك اوي احنا لازم نتجوز

حسام:اتكلمى كلام معقول يااميرة وبعدين انا بحب مراتى

اميره:مراتك ايه دى بنت لوكال جدا ومعفنة

حسام قام وقف وبعصبية: مراتى دى احسن منك مليون مره

اميره: احسن منى في ايه دى حتى شكلها وحش ولابسة طرحة كمان في البيت ههههه يعني معفنه عالاخر عجباك كدة بلا ارف

حسام: اميره اخرجى برة وياريت ماتجيش هنا تانى وانسينى خالص

اميره:اوك ياحسام أنا ماشية

_سلمى جابت النسكافيه

سلمى:ايه ده هى راحت فين

حسام:مشت

سلمى: احسن برده نشربه إحنا بقى

_وبعد دقيقتين من الصمت

سلمى: حسام هى بنت عمك كانت عايزة منك ايه

حسام بابتسامة باردة:طب وانتى شاغلة بالك ليه غيرانة منها

سلمى:غيرانة منها على ايه دى حتى مش حلوه

حسام بتريقة: اميره مش حلوه يمكن

سلمى: أيوة هى بيضة وعنيها خضرة وشعرها ناعم بس مش حلوه مش كده برده ولا ايه

حسام حس ان سلمى غيرانة بس كان مبسوط جدا بكدة:طبعا ياحبيبتي انتي اللي عسل ه‍ههه قال أميرة وحشة قال دى كلها انوثه يابنتى مش زى ناس قاعدين بطرحة وعباية في البيت

سلمى: طب اتلم بقى وأقفل ع الموضوع ده

_وسكتو شوية وبعدها

سلمى:يعنى انت شايفها حلوه

حسام: ههههه بقولك ايه سيبك منها بقى أنا رايح انام عشان اقدر اصحى بدري عندي عملية مهمة ومحتاجة تركيز

_وبعد ما وقف رجع تاني:اه صحيح انتى ماعدتيش هاتنزلى الشغل تانى اوك

سلمى:لا طبعا انا استحالة أوافق على كدة

حسام:مش بمزاجك ده خلاص قرار أنا اخدته أنا مش عايزك تشوفى ابراهيم ده تاني

سلمى: ابراهيم ده يبقى خطيبي وحبيبي ولما نطلق هتجوزه

_حسام ضربها كف على وشها وبصوت عالي جدا:اخرسى خالص مادام انتى لسه على ذمتى مش عايزه اسمع اسم الواد ده تاني فاهمة

وخلصت حلقتنا النهاردة يا ترى ايه اللي هيحصل وهل سلمى هتسيب الشغل والايه

توقعاتكم