لاياصديقي

تكملة البارت

#لا_ياصديقي

#تكمممممممملة_محطة_26

#بقلمي_سارة_المجيد

اسعد الله مساءكم حبايب گلبي

🌻🌻🌻🌻🌻🌻🌻🌻🌻🌻🌻🌻

علاء ..كمت ابحوش بالكنتور وجان اصعد فوك الكنتور .. وجانت الصدمة الي خلتني انصرع ماصدكت الي شفتو معقولة غرور  ..

شفت تلفون موبايل يرج على الصامت ..

اخذت التلفون دحجت بس رقم بي .. بهاي الاثناء دخلت غرور للغرفة شافت الموبايل بأيدي ..

طلعت ركض شالت مريم وركضت بره .. صيحت عليها يا خاينه ياكلبة بنت الكلب ياطيحة الحظ اوكفي كمت اصارخ

اليوم اله اجنزج .. ولج يا خاينه ما تجوزين انتي الغدر بدمج ياساقطة .. هيه شالت مريم وركضت وراها طلعت من باب الشقة ..

شقتنه طبعا بلطابق الثالث .. طلعت اركض وراها هيه بدت تنزل ع الدرج وشايلة الطفلة .. صيحت عليها والله الا اذبحج وين تريدن تروحين اوكفي بنت الكلب جنت اصرخ بعلو صوتي فقدت بدون وعي كمت انزل الدرج وراها ..

ركعتها بالتلفون مدت ايدها تريد تصد التلفون و وخرت راسها وشمرت نفسها على المحجر مال الدرج .. فلتت مريم من ايدها ..

حاولت تلزمها ما تلاحكت الها .. وجان توكع من فتحت المحجر من فوك للكاع على راسها ..

اني انوب انجنيت بنتي وكعت من ايدها من ثالث طابق للكاع كمت اصيح وادك ع وجهي زردومي اتشكك من الصراخ بنتي راحت يالله سترك لايصير بيها شي نزلت عسريع ردت الحك عليها اشوفها شصار بيها يالله ..

غرور نزلت وركضت واني ركضت على مريم .. شفت بنتي على راسها واكعة ولا تشيل ايد ولا تشيل رجل .. والدم انترست الكاع ..

شلتها وعلى المستشفى ..فتت للطوارئ ..اخذوها مني بقيت ارجف اعصابي اتدمرت وكعت بالكاع مكدرت اشيل روحي كلبي كام يوجعني نفسيتي اتحطمت من شفت بنتي دمها بطولها ..

دموعي صارت مطر حركن خدي عبالك تيزاب دينزلن صرت اشهك وغصيت من البجي بقيت انتظر الاطباء يطلعون شوف شيكولون ع حالة بنتي اووووف ياكلبي اتشعوط اتشعوط ..

مداكدر اتحمل الوجع البيه .. المنظر من شفتو بنتي بلا حراك امدده ودمها بطولها خلاني احترك بنار دعيت كون مابيها شي ياربي فدواتك انقذ بنتي 😭😭

وبعد ما فحصوها وجيكوها  طلع الدكتور ركضت عليه كتلو ها دكتور فدوة بشرني شلونها بنتي

الدكتور ... الطفلة صاير بيها نزف بالدماغ وكسر بالرقبة مكدرنه ننقذها ...شد حيلك والبقية بحياتك .. الطفلة ماتت ..

علاء .. 😳😳اني بهل لحظة ما اكدر اوصفلكم الصدمة الي صارتلي صوت الدكتور من نطق كلمة مااااااتت ماتت ماتت مثل الصدى صار بأذاني زرفو زرف ..