لاياصديقي

بارت السابع وعشرون

اسعد الله مساء متابعيني بكل خير
🌹🌹🌹🌹🌹🌹🌹🌹🌹🌹🌹
#لا_ياصديقي

#المحطة_السابعة_والعشرين

#بقلمي_سارة_المجيد

هناك صديق يضعه الله في طريقك ، مع مرور ڪل يوم تڪتشف في داخله صديق جديد. لا ينتهي عدد الأصدقاء فيه ، في الحقيقة هو مجموعة أصدقاء لا حصْرَ لهم”💕

علاء ..طلعنه ورحنه على المستشفى سوينه الاجرائات مال الاستلام .. واستلمنه الطفلة واخذنها على التغسيل .. وغسلوها لبنتي ..

وراح شاهين افتر على الجوامع .. بلغهم ان يذيعون اسم الطفلة والدفنه بعد صلاة العصر .. وراح حظر مكانها وجاب ناس تحفر القبر مالتها وكملوا كلشي ..

ورجع عليه .. وكفنوها للطفلة وضلينه ننتظر الناس تجي وره صلاة العصر جنت رايح لغير عالم حسيت بروحي خنكة وغصة مال موت دمار بنفسي وكسرة بگلبي بليلة ويوم حياتي اتحطمت وصارت جحيم ..
اوووووف يا غرور شسويتي بيه ..اووويلي بس الزمج اله اطلع روحج بيدي 

صار العصر والتمت الناس واخذناها للمصلى وصلينه عليها .. وشيعناها .. وجينه حتى ندفنها ... كالوا لازم ابوها ينزل ينزلها ..

اني من نار كلبي ما اعرف شصار بيه .. وكعت وتخربطت ولزموني الناس تصحي بيه انوب كمت اتلوة بلكاع وادافر بلتراب وجع فضيييييع صار بطني ..

كال الشيخ لازم اذا مو ابوها .. عمها او احد من اقاربها .. اخوية كاللهم اني عمها .. صحتلهم .. عمها شاهين ينزل .. يدفنها .. انت من شوكت عمها وانت اصلا ما شايفها ..

ونزل شاهين نزلها بقبرها .. وطلعنه بقى شاهين يمي بلشقة وما راح لبيتو .. يوسيني وجابنه عشة طبعا ما اكلت .. اني مضروب براسي ضربتين .. خسرت كل حياتي ..

هم مرتي وهم بنتي وما ظل عندي امل حتى بلحياة .. كل ما اريد افتح موضوع غرور ويا شاهين .. يسكتني .. يكولي مو هسه علاء مو هسه .. بعدين نحجي بهذا الموضوع .. وبات يمي ..

وثاني يوم طلع من الصبح حظر القاعة .. وجاب كهوجي واشترى كهوة .. وجاب جكاير ومي وكلينكس وترسها للقاعة .. ورجع عليه ..

كالي علاء العزة مال النسوان وين راح يصير .. كتلو ما اعرف ومنو يكعد بعزه بنتي .. امها الحقيرة ..

شاهين ..هم امها هاي ..ميخالف خليها توكف تاخذ عزة بنتها
وكتلك هل موضوع هسه مو وكتو ..

علاء ..مسحت وجهي حتى اهدأ اتنفست بعمق كتلو ماشي .. وين برأيك .. يم اهلي وين يحطون الناس ..

شاهين ..دحج .. خابر امها .. وكوللها عزة البنية مال النسوان سوي بيتكم .. واني اتحمل المصاريف كلها .. من الدرهم لل 100 مليون ..  ..

علاء ..انداريت على شاهين اريد اشكرو بس حاير شلون .. هوه افتهمني ..

شاهين ..علاء .. احنه اهل ومصيبتنه وحده .. لا تفكر بشي ابد ..