لاياصديقي

بارت الاول

#لا_ياصديقي

#المحطة_الاولى

#بقلمي_سارة_المجيد

سأرسل من أريج المسك عطراً.. يفوح إلى الأحباب بكل وادي.. وأنثر بين قافيتي وروداً 🌸 لأكرم من أحبهم فؤادي واقول لهم مساءكم مسك وعنبر

بين الأصدقاء هناك صديق واحد يشبه البحر تزوره
كلما ضاق صدرك.“
أنا صديقك ، إذا ڪنت تعتقد أنك أڪثر وحدة من اللازم ، أنا يدك تجمعُ شعثك بي إذا فقدت من الحياة توازنك ، أنا صديقك لن تعرف عني غير أني ڪذلك "و لن تعرفني بغير ذلك♥️.

#تنويه ..الي يقراء هل قصة ويريد يفهمها لازم يكون قارئ قصة #العنودية_والنقيب_الشرس لانها الجانب الاخر من القصة
احداث مامذكورة بالقصة راح اذكرها هنا فلابد من قراءة القصة السابقه ...

شلونكم يالعمر  ...بعد ما اخذت استراحة رجعتلكم بقصة جديد
وحقيقية100%

يمكن اكون هل مرة راح اخذ مسار غير عن المألوف بقصصي يعني مو بس قصة رومانسية وكذا ..لاكن عجبني اتطرق لموضوع يعيشوا البعض بالمجتمع وحبيت اسلط الضوء ع هل ثلة منهم ..القصة تتكلم عن الصداقة وعن شاب ضعيف البُنية والشخصية ميكدر يتخذ قرارات حازمة ..يمكن راح تنصدمون من تعرفون هل شباب من يكون ..

وراح اتكولون شلون وكيف وليش ..احب اكولكم هل شاب يكون #علاء صديق احمد المعروف بشاهين بقصة
#العنودية_والنقيب_الشرس

الي اغلبكم قراها واتعرف ع شخصياتها اذا تتذكرون علاء من اخذ جليل للمزرعة بيوم عرس شاهين ..

هل قصة راح تكون قصة حياتو ويه شاهين قصة صداقة رغم قوتها وعشرة العمر راح انشوف الخذلان من احد الطرفين بمرور السنين راح انشوف صداقة العمر والطفولة كيف راح اتكون بالنهاية

..وطبعا شاهين هم الو البطولة بحكم صداقتهم من الطفولة ...واني الي دور بسيط بهل قصة مو مثل قصة شهلاء يعني شي بسيط ههههه ...خلونه نتعرف ع الابطال هسه ...

علاء ..مواليد 1985 .. طولو متوسط يعني تقريباً 165 سم .. اسمر .. ضعيف البنية هزيل .. لان عندو من الولادة ضعف بلاعصاب شخصيتو مهزوزة وماعندو ثقه بنفسو ..دارس الى صف سادس اعدادي وبطل ..تقريبا يشبه الي بالصورة ..

كان صديق شاهين من همه اطفال بحكم همه جانوا يم جدي يشتغلون فلح بمزرعتنا .. من اب وجد .. اما البطلة ..ف اسمها غرور .. مواليد 1987 .. بيضاء .. طولها زين يطلع طولها 160سم .. عيونها زرك .. شعرها مائل للشقار .. دارسة الى المتوسطة ومبطلة ..نفس مواصفات الي بالصورة شي تقريبي

شاهين بطل قصة العنودية والنقيب الشرس اغلبكم تعرفوا والي مايعرفو خلوني اعرفكم علي ...
النقيب شاهين المجيد صديق علاء منذ الطفولة ..شاب ذو شخصية حادة وقوي وشرس عكس شخصية علاء بالضبط ... كمل دراستو الاعدادية والتحق بالجيش لان قدم ع الكلية العسكرية اتخرج منها ضابط بجيش العراقي السابق ..طولو 180 جسمو ضخم معضل حنطي البشرة عيونو عسلية طبعه عنيف جدا ومايتفاهم 🙄 ..