لاياصديقي

بارت الرابع عشر

اسعد الله مساء متابعيني بكل خير

🌹🌹🌹🌹🌹🌹🌹🌹🌹🌹🌹🌹

#لا_ياصديقي

#المحطة_الرابعة_عشر

#بقلمي_سارة_المجيد

علاء ...تستاهل حبيبة قلبي كل هاي التضحية .. حياتي جوه رجليها اذا تطلبها ...
المهم كدرت اخلي اهلي يقبلون ع غرور ويوافقون ع زواجنه 😍😍

في مكان اخر

شاهين ..من التحقت لبغداد كمت ادور ع بيت اشتري بمنطقة قريبة ع وحدتي حتى من نتزوج اني وشهولة نسكن بي ..

وفعلا كلفت دلال صديقي يشوفلي بيت مناسب بمنطقة زينة وره كم يوم دك تلفوني الخصوصي
طلع الدلال كال لكيتلك بيت حلو ومرتب شوكت متريد تعال شوفو

كتلو تمام العصر اني يمك ..والله رحت للدلال صديقي ..
وداني ع البيت شفتو والله البيت تحفه عجبني چثير ..
جان كبير طابقين وبي حديقة كبيرة وكراج ..
كلت اكيد هسه يعجب شهولتي ..

كتلو هاي هيه اتفقت ويا ع يوم نكتب العقد وادزلو الفلوس ...نطيتو عربون
وراها بكم يوم كملت المبلغ ورحنه سوينه العقد واشتريت البيت وسجلتو بأسمي ..
وشوية شوية اثثتو بقه غرفة النوم والمطبخ كلت شهلة ع ذوقها تشتري ...

ان شاءالله من اخابرها اكولها ع المفاجئة ..
وفعلا دكيت عليها خبرتها بس صدمتني بأبن عمي جليل رايح خاطبها من اهلها اني انجنيت ...
كلت لازم اوضع حد لهذا النذل اول مارجع اعلن خطوبتنه حتى محد يتجرأ يفتح حلكو بكلمة بعد ...

والله رحت بنزولي لبيت عمي ابراهيم وحددنه يوم لقراية الفاتحه وعلنه الخطبة حتى وره السنة مال جديتي نسوي حفلة عقد القران والزواج ..

شهلاء ..جنت كاعدة بالحديقه اجه شاهين كعد يمي وشافني اكتب بالدفتر مالتي سئلني شدتكتبين غزالتي

كتلو قصة رومانسية 🙄

شاهين ..اهاا ومنو البطل يمه😡

شهلاء ..بطل من خيالي شاب وسيم 🙄ومتعجرف وغني شايف نفسو ماكدرت اي بنت توكعو بالحب بس وحدة شافها حبها وعشكها بنت فقيرة وحالتهم تعبانه ...وتستمر الاحداث

شاهين ...اي كملي احجي خلي اشوف مريتي شلون تكتب قصص

شهلاء ..لا خليها من اكملها عود انطيها الك اقراها هههههه

شاهين ...ههههه ماشي ..ذاك اليوم شفت صورة الج بالالبوم مالتكم جنتي بأول ابتدائي واكفه ع المسرح شجنتي تسوي ولج ..

شهلاء ..اهااا هههههههه
هاي مرة من جنه بالهند بالسفارة صادف عيدميلاد الريس وسووا حفلة منظم الحفل يعرف بابا والسفير صديقهم يعني ..

ف هذا صديق بابا كلو لابوية خلي شهلاء تغني اغنية وطنية بالمناسبة هاي لان جنت جريئة ووكحة 😂