لاياصديقي

بارت السابع عشر

#لا_ياصديقي

#المحطة_السابعة_عشر

#بقلمي_سارة_المجيد

يسعد مساء الغالين
⚘🍃⚘🍃⚘🍃⚘

علاء ..طلعت ورحت على الحويجة على عمي ابو خليل .. وصلت بيتهم .. دكيت الباب طلعت مرت عمي .. رحبت بيه خطية .. كتلها وين عمي ..

مرت عمي ..اسكت .. صار يومين لايب مشروب ما عندو ومفلس وحاير بنفسو يفتر بلبيت كسرو تكسر ..

علاء ...كلت بكلبي اييييييه هذا المطلوب
طبيت شفتو كاعد وجها مكلوب
كتلو شلونك عمي

ابو خليل .. ها علاء شجابك

علاء .. هههههه بما ان انت كبل طبيت بلموضوع .. كومي عمه سويلنه جاي .. كامت المراة .. كتلو عمي جايك بموضوع بي خرجية
ابو خليل تعدل بكعدتو .

ابو خليل ..ها يول احجي شنو الموضوع

علاء .. عمي اني اريدك تجي وياي اريد اسير على ناس اريد بتهم .. واخوك ما يقبل ..اريدك انت بمكان ابويا خطبة ومع السلامه .. ومن عندي تجيك 250 الف شكلت 😉

ابو خليل .. امممممممم ولك مو ابوك ما ينجرع اخاف يدري اني جاي وياك ويفضحني

علاء .. هسه يا عمي رزالة وفايته .. حالها حال غيرها .. وبعدين هاي بيها 250 الف .. يعني خوش كعده بيها وانت بكيفك

ابو خليل ..ماشي ماشي .. شوكت الخطوبة ..

علاء .. اتفق واجي اخذك .. يعني هل شكم يوم ..

ابو خليل .. اي خووووش .. بس جيب هسه 50 الف ولك .. عربون

علاء .. هههههه اي عمو تستاهل ليش لا
وسلمتو 50 الف .. وركبت ورجعت على تكريت ورجعت على بيت الجزيرة وحسيت ان الدنيا بدت تفتح الي ايدها واخيرا راح اتزوج حبيبتي واحضنها وانيمها ع جربايتي اااااخ شكد مفرفحه روحي ع حضنتها وشمتها

في سجن بوكا

شاهين ..جنت كاعد ويه جماعتي بالسجن وشرد بالي اتذكرت علاء كلت هسه شنو وضعو شديسوي والسر انحبس ويايه بهل سجن ماكدر اوصلو ولا اكدر امنعو من الي راح يسوي اوووف خررب بالوكت الي بهذلنه هيج ..
ادري صديقي ع نيتو وبكل بساطة ينضحك علي ااااااخخخخ ياعلاء منو يوصلني يمك حتى اطيح حظ هل خبيثه غرور واكطع راس الحية المسمومة

بهل لحظة نزار صديقي بنفس المكان الي ننام بي حط ايدو ع كتفي كال ها خيي شبيك سارح بالك وين وصلت
كتلو والله ياخيي دافكر بصديق عمري اسمو علاء

نزار ..خير شبي

شاهين ..هذا انسان فقير وماعندو اذيه ع احد واني ويا رابين سوه ..بس للاسف بأخر ايامنه جان ناوي ع شغلة راح اتودي بتهلكه

نزار ..لاحول ولاقوة الا بالله شبي ميعرف يتصرف

شاهين ..والله مدري شغلتو غريبه وعجيبه مصمم ياخذ بنت استغفر الله من ذنبها مو خوش وهذا لاطش يريدها وحارب كل اهلها ..والاضرب من شفتها طلعت صاحبتي ..