لاياصديقي

بارت الثالث

اسعد الله مساء متابعيني بكل خير
⚘⚘⚘⚘⚘⚘⚘⚘⚘⚘⚘⚘

#لا_ياصديقي    

#المحطة_الثالثة

#بقلمي_سارة_المجيد

شاهين ..واستمرت تتصل بيه وتشغل اغاني يوم يومين .. ثالث يوم خابرت وهم على نفس المنوال .. كتلها يا صارت تره ماصخة .. لو تكولين انتي منو .. لو اروح اشتكي عليكم بلبدالة واطلع رقمكم زين ..

سما ..مرحبا

شاهين ..اي هسه تمام .. كل الهلا ..

سما ..شلون عرفت اني بنت ..

شاهين ..عرفت من تتنهدين سمعت صوتج .. بس اكدر اعرف انتي منو ؟..

سما ..اني شمس اسمي ..

شاهين ..منو شمس يمه ..

سما ..اني الي شمرتلي رقمك ذاك اليوم بشارع الاطباء ..

شاهين ..هنا اني طكيت ضحك ..كلتلها اسمعي تا اكولج .. اني ما شامر رقمي لبنية بحياتي هاي وحده .. اثنين اني صار جثير ما نازل على شارع الاطباء .. ف بطلي هاي السوالف وجيبي الزبدة .. منو انتي ومنين تعرفين رقمي ..

سما ..اذا اكولك ما تضوج

شاهين ..يمعوده داحجي شنو هل ماطل شبيج انتي ترا اسدو ضجت ..

سما ..اووك اووك .. سمعتك سابقتك ما تتفاهم .. عبالي بس ويا الزلم طلعت حتى ويا النسوان ..

شاهين ..طكت مرارتي وضجت ..كتلها والله اذا ما تحجين عاد الا اجي اكسر التلفون على راسج ..

سما ..اني سما سما اني بس على كيفك .. هاي من بدايتها تكسر التلفون على راسي ..

شاهين ..سما منو ..

سما ..اني بنت ابو فلان جيرانكم ..

شاهين ..اهااا .. انتي الي جنتي على الشاطي ذاك اليوم ..

سما ..اي عفية .. واكيد جليل حجالك الي كلتو ..

شاهين ..ما حجالي شي جليل .. وحتى اذا حجه احب اسمع منج ..

سما .. احم اني ما اعرف شلون احجي استحي ..

شاهين ..على كيفج لا تخافين احجي الي تردي ..

سما ..اني من اني زغيرة اباوعلك واحلم بيك فارس احلامي .. وكل يوم يمشي واشوفك بي اتعلق بيك اكثر .. وصار موقف اعتقد انت ناسي ..

شاهين ..موقف شنو ..

سما ..مره طبوا 3 شباب بفرعنه .. وانت جنت واكف ويا واحد من كرايبك .. واني جنت داغسل بلحوش وذبولي حجاية وانت سمعتها ..

وصحت بيه بصوت عالي كتلي طبي جوه .. صوتك الى هسه بأذني حسيت مثل زئير اسد بوجهي ..

حتى لوني انخطف من صوتك اني ركضت سديت الباب وطبيت بس بقيت ادحج من الفتحة مال الباب  .. و انت ركضت عليهم .. سويت بيهم عمل الله ..3 زلم كسرتهم .. سبحان الله الي منطيك هل هيبة ..