رقصات شيطان علي اوتار كمان

الفصل الاول

في شهر اذار عام 2018 ..

في شركه الهاشمي للتلحين والتوزيع

تجلس مهاد تفرك يديها لبروده الجو .. وهي تمسك بكمانها منتظرة دورها .. كانت هي اخر من تعزف .. نادت احدي السيدات بإسمها ..
لتنتفض من الكرسي ثم تذهب الي المسرح .. وقفت علي المسرح لتجد المدير التنفيذي  الي جواره نائب رئيس مجلس الادارة .. يتوسطهما رئيس الشركه ومالكها .. " اياس الهاشمي " صاحب الثلاث والعشرين ربيعا .. ورث شركاته عن والده وقام بتنميتها الي ان اصبحت من اكبر شركات التوزيع ..

بدأت مهاد برفع الكمان علي كتفها لتنطلق في عزف مقطوعتها الفريده والتي اندمج معها الجميع .. حتي توقفت عن العزف .. تمني الجميع لو تعزف حتي نهاية العمر .. وقف اياس ثم عرف لمهاد من جواره قائلا : دي استاذ عدي النقيب  .. نائب رئيس مجلس الادارة .. ودا طارق الشريعي المدير التنفيذي للشركه .. وانا اياس الهاشمي رئيس مجلس الادارة ..

اومأت برأسها ليقول اياس : لسه احنا هنعلم حضرتك بقبولك او رفضك .. ممكن تيجي معايا المكتب  اتفق معاكي علي شويه حاجات ..

خطت مهاد خطوات متباطئه وراء اياس .. ليدخل المكتب ويغلق الباب ويحاصرها بين ذراعيه قائلا : جايبه الحلاوه دي منين ..

مهاد وهي تتلوي بين يديه : من السوبر ماركت .. روح هات لنفسك وسيبني ..

اياس : لا ظريفه يا بت .. طب ما تيجي تشاركيني حزنك .. يمكن اعرف افكك

مهاد : حزني مبارك .. ابعد عني ..

اياس وهو يمسكها من شعرها : مش ناقصه استظراف امك هي ..

لتنتهز فرصه ارتخاء يديه قليلا .. فتتضربه علي صدرة ليبتعد .. ثم قامت بصفعه علي وجنته لتقول بغضب : انت حيوان .. انا سيبالك الشركه كلها وماشيه

خرجت مهاد بغضب .. لينظر اياس مكانها .. ليجد كمانها يصرخ جريحا وقد نست مهاد امره .. نظر له اياس بخبث .. وقد علم نقطه ضعف مهاد ..

دخل عدي الي المكتب ليقول لاياس : ايه يا عم .. مش كدا .. خدها واحده واحده .. دول مش بيتاخدو كدا !

اياس : هتجنني .. انا عمر ما فيه بنت فكرت بس تبعد عني .. فما بالك لو انا اللي قربت .. غريبه البنت دي ..

عدي : لا مش غريبه .. بس بتحاول ترسملك في مخك صورة الطاهره العفيفه الشريفه عشان تتقل عليك .. سيبك منها انا مجهزلك سهرة انهارده للصبح .. هتعجبك جدا ..

اياس : اما نشوف .. كل مرة بتقول كدا وبيطلعو خرعين ..
لينطلق الاثنان معا فينغمسا في المحرمات .. متناسيين حق الله تعالي .. وعقابه ..