رقصات شيطان علي اوتار كمان

الفصل الرابع والعشرين والاخير

وقف ايان في مكتب الامن الخاص بالمطار .. بينما يجلس امامه مؤمن وضابط الامن الخاص بالمول .. ليقول ايان : مفكرين هتعملو العمله وتخلعو صح ؟! ثم صاح باحد امناء الشرطه : خدهم علي البوكس يابني ..

ليكبلو بالاصفاد في ايديهم .. ووضعوهم في البوكس .. ليتجهو الي المديريه ..

اتصل ايان بأياس ليخبره بما حدث .. ليقول بعجله : خلاص تمام انا جايلك حالا ..

وصل اياس وايان الي المديريه .. ليجلس اياس في مكتبه امامه مؤمن وضابط السيكيورتي .. ومقابلهم ايات التي كانت تنظر لهم بكره .. والمحامي .. وكان يقف ايان الي جوار ايات من الناحيه الاخري ..

اياس لأيات : هو دا اللي حط المخدرات في عربيتك

ايات : ايوه هو دا ..

ضابط السيكيورتي : لا مش انا يا باشا

ايان بغضب : مش انت ازاي ياروح امك .. دا انت الكاميرات جايبه وشك .. اخلص في يومك الاسود دا واعترف بسرعه ورانا مصالح ...

ضابط السيكيورتي بخزي : ايوه يا باشا انا اللي حطيته .. بس هو اللي قالي اعمل كدا .. وقالي انه ظرف فلوس عايز يديهولها وهي مش راضيه تاخده ..

اياس : اكتب عندك يا بني .. قررت النيابه اخلاء سبيل المتهمه ايات عامر الهاشمي .. وطلب من ايات الامضاء علي المحضر ..