رقصات شيطان علي اوتار كمان

الفصل العاشر

في احد الملاهي الليليه ...
دخل جواد ونزار وعدي الي الملهي الليلي .. فتوجه عدي الي احدي الشابات ليرقص معها علي نغمات الموسيقي الصاخبه ..

بينما جلس جواد علي احدي الطاولات ... رأت دوللي جواد يجلس فذهبت اليه قائله : باشا .. ازيك واحشنا والله ..

جواد : دوللي ابعدي عني انا اللي فيا مكفيني ويعني ايه .. الخزان مليان احزان ..

دوللي : طب ما تحكي وتفضفض وتطلع اللي في قلبك كدهون .. يمكن ترتاح وصدرك ينشرح ..

جواد : بس اوعي يا بت لسانك يقع كدا ولا كدا ..

دوللي وهي تمضغ العلكه : عيب يا باشا ..

جواد : مفيش حاجة .. واحد صاحبي مات في مهمه كنا فيها ..

دوللي في نفسها : يلااهوي .. هو مات .. هقول لفاخر ..

ثم قالت له : هو مش كان منصاب يا باشا ..

جواد : وانت عرفتي منين انه كان منصاب ..

دوللي بتوتر : ما .. ماهو يا باشا .. ص .. صاحبك اللي هناك دا قال ..

جواد بشك : متأكده ..

دوللي : يووه يا باشا .. اومال اكيد متأكده .. يعني هكون هناك مثلا يعني ..

جواد متصنعا عدم الاهتمام : بس بقا .. دا اللي حصل ..

دوللي : ملكش دعوه انتي وتعالي هنسيك نفسك كدا وادخلك المود .. هييييييهييييي ..

جواد : يلا ياا بت ..

--------
مر شهران تغير فيهما الكثير ..

حاول نزار و جواد اقناع العقيد بأن اياس ظل حيا .. لكنه لا زال غير مقتنعا ..

اتفق دوللي و فاخر مع احد التجار علي ادخال شحنه من المخدرات الي الاسكا في يوم 23 من الشهر ..

نحفت مهاد وبشده و تعرضت للإغماء لمرات معدودة .. ولكن كان كرم يساعدها كثيرا ..

كان يحيي و اياس يساعدان بعضهما في حل ازمة اياس .. كما كان اياس حين يشتاق لمهاد ينظر لجودي ليري الشبه بينهما ..

------------
في اليوم السابق ليوم العمليه ..

طلبت مهاد من كرم ورقه وقلم .. ليلبي طلبها .. امسكت القلم لتكتب :
" اياس .. اللي عشت معاه احلي ايام حياتي .. اينعم عشت خدامه .. لكن كان بالنسباالي خدمتك احسن من شغل الوزير .. اياس انا هعترفلك بحاجه .. انا ماكونتش متجوزه .. والله مش متجوزه .. ولا حد لمسني قبلك .. كنت احلي حاجه في حياتي يا اياس .. انا بحبك .. بحبك اكتر من اي حاجه في حياتي .. لما تشوف الرساله دي .. معرفش انا هكون فين .. بس ايا كان المكان اللي هكون فيه .. خليك عارف اني مش هنساك .. ولا عمري هنساك .. قول لكندا اني كنت مبسوطه معاها جدا .. متنسانيش يا أياس .. كرم امانه في رقابتك .. لو مت خليه معاك .. عامله انه اخوك .. انا عارفه انه مش هيهون عليك .. واعتبره اخر حاجه من ريحتي .. مهاد "