رقصات شيطان علي اوتار كمان

الفصل السادس عشر

توجهت ايات الي خزانتها التي تشبه مول التسوق الفسيح لما تحتويه من ملابس و احذيه وحقائب باهظه الثمن .. ولأول مره تقف محتاره امام خزانتها حتي استوقفها تيشرت ابيض اللون مكتوب عليه بعض الكلمات بالانجليزيه و جيبه قصيره فوق الرقبه و حذاء بكعب عالي ابيض اللون و تركت شعرها منسابا علي ظهرها وارتدت كاب باللون الاسود و وضعت بعض الميكاب الهادئ

نزلت ايات لتلتقي بدوللي لتقول لها : علي فين العزم يسنيوره

ايات : وانتي مالك .. وبعدين انتي هتفضلي قاعده عندنا ولا ايه مالكيش بيت يلمك

ثم تركتها مشتعله و ذهبت لالقاء ايان

اما عند ايان

فارتدي تيشرت ابيض وبنطلون باللون الاسود و حذاء رياضي باللون الابيض

نزل الي الاسفل فوجد والدته و اباه جالسين .. فنظرت له كندا متعجبه وقالت : رايح فين يا ايان

ايان : خارج يا ماما ومش هرجع غير بالليل

كندا : طيب يا حبيبي مع السلامه

ليقبل اياد يدها ويسلم علي ابيه ويأخذ مفاتيحه و هاتفه ويذهب

وصلت ايات الي هناك واخرجت هاتفها للاتصال بايان ولكنها وجدته يركن سيارته ويتوجه اليها

وصل ايان امامها ليقول : اتأخرت عليكي ..

ايات بخجل وهي ترجع خصله من شعرها خلف اذنها : لا خالص انا لسه واصله

دخل الاثنان الي الكافيه ليقول ايان : تشربي ايه ؟

ايات : اي حاجه ممكن عصير فراوله

نادي ايان علي النادل ليقول له : عايز واحد عصير فراوله وواحد قهوه مظبوطه

ليومئ النادل برأسه ويذهب ليلبي طلبهما ..

ايان : قوليلي بقا عن حياتك كلميني عنها انا معرفش غير انك اسمك ايات وبس

ايات : كفايه عليك كدا

ايان : طب ليه متحاوليش تفتحي قلبك وتحكيلي

ايات : مش ضامناك الصراحه خايفه لو اتكلمت تقبض عليا

ايان : بصي انا انهارده مش ايان الظابط انا ايان الكيوت الفرفوش اللي مش هيطلع مع حد الا ايات وبس

ايات : انا عندي ٢٠ سنه كنت ف مدرسه داخليه وخلصت ثانويه وجبت ٩٨٪؜ وكان حلمي اخش هندسه بس بابا قالي لا ودخلني مدرسه فنون قتاليه و هناك شوفت الويل تقريباً مكنتش بنام كنت البنت الوحيده في المدرسه واتبهدلت ولما خلصت مسكت شغل بابا بتاع المخدرات

ايان : علي حسب ما اعرف انتي عندك اخ ولد

ايات : مؤمن ؟!!! مؤمن دا انسان عديم المسؤليه كل همه مزاجه

ايان : طب اشمعنا انتي ومسكتيه ليه باباكي ميمسكوش

ايات بابتسامه مريره : لان بابا كبر فالسن ومن واجبي اساعده

ايان : طيب يلا اشربي عشان نقضي باقي اليوم

وبالفعل انهت عصيرها وانهي هو قهوته ليتجها الي تناول طعام الغداء بمطعم ايان المفضل 

طلب الاثنان طعامهما ثم اذن العصر ليذهب ايان الي الصلاه لتهتف ايات بتساؤل قائله : انت رايح فين ؟

ايان : هنروح نصلي

ايات : هنروح ؟؟

ايان : ايوا هنروح

ايات بخجل وحزن : بس انا مش بعرف اصلي وكمان لبسي مش مناسب

ايان بتفكير : استني كدا ثم قام بالاتصال بأحدهم ليقول : ازيك يا چوچو عيالك عاملين ايه .. انتي في الشقه ولا في الفيلا .. طيب جايلك دلوقتي .. هفهمك لما اجي .. يلا باي

ثم شغل السياره لتقول ايات بتساؤل : هنروح فين ؟؟

ايان : هنروح لجودي اخت مرات خالي مهاد .. هنروح لها عشان اعلمك تصلي و نكمل باقي اليوم

اثرت ايات الصمت و نظرت الي الامام وقد غرورقت عيناها بالعبرات ليلتفت ايان اليها قائلا : بتعيطي ليه دلوقتي ؟؟

ايات بدموع : انت بتعمل كل دا معايا ليه .. لو عايزني اعترف هعترفلك علي كل حاجه بس متعملش معايا كدا .. انا طول عمري اتحرمت من الحنيه وانت بتديهالي دلوقتي و بتعلقني بيك

ايان بحنيه : انا مش هسيبك يا ايات .. انتي جواكي نقي بس محتاجه تعيش في بيئه نضيفه

ايات : ايان

ايان بتساؤل : نعم

ايات : أ ... أنا بحبك

صدم ايان من قول ايات ولكنه فكر ان هذه فرصته في ابعادها عن مستنقع والدها اللئيم .. ولكن ما هو رد فعل والدته ووالده الذي كان يخشي من هذه اللحظه .. ولكنه عزم علي اخرج مكنونات قلبه لها لعلها تبتعد عن والدها

ايان : وانا كمان بحبك يا ايات

لتندس ايات بين احضانه وتنعم بذلك الامان الذي افتقدته لمده طويله بينما اسند هو ذقنه علي رأسها ..

لينعما بلحظات مسروقه تجمعهما معا