رقصات شيطان علي اوتار كمان

الفصل الراابع ♡

الفصل الرابع ..
انتشله الظلام من نور الحياه .. كل ما رأه كان شعاع نور .. بعدها اظلم كيانه .. ليصبح حبيس الظلمه ..

جلست مهاد وعدي علي كراسي الانتظار منتظرين بصيص من نور الامل .. او اي خبر الطبيب ..

بعد عناء خرج الطبيب قائلا : المريض حالته غير مبشره بالخير نهائيا .. هو نزف كتير .. كمان عنده كسور ورضوض كتيره .. وبعتنا فاكس لبنك الدم و قالو ان فصيلته مش موجوده ..

عدي : هو فصيلة دمه ايه يا دكتور ..

الطبيب : A +

عدي بخيبه امل : مش فصيلتي ..

الطبيب : بس لو حد فصيلة دمه O يقدر يتبرع ..

مهاد بفرح : انا .. انا فصيلة دمي O ..

الطبيب : تمام تقدري تتفضلي معانا عشان نسحب منك الدم ..

ذهبت مهاد مع الطبيب .. وقام بسحب كميه قليله من الدم .. ثم قال الطبيب : مش هقدر اسحب منك اكتر من كدا .. انتي ضعيفه جدا ..

مهاد بغضب : دمي ولا دمك .. اسحب منه كفايته وانا هبقي اتصرف بعدها ..

سحب منها الطبيب ما يكفي حاجة اياس .. ثم خرج من الغرفه وتبعته مهاد مترنحه ..

هرول عدي ناحيتها لترفع ابهامها له دلاله علي انها بحاله جيده ..

هز عدي رأسه لها ثم ذهب لاحضار العصير لها ..

جاء عدي بالعصير لتشربه مهاد محاوله استعاده عافيتها ..

خرج الطبيب مره اخري .. ثم قال بارتياح : الحمد لله لحقناه قبل فوات الاوان .. كلو بفضل ربنا ثم هي .. لولاها كنا فقدناه .. هو هيدخل دلوقتي عنايه فائقه .. 48 ساعه بالظبط اتطمن عليه ويخرج للغرفه العاديه ...

نظر لها عدي بأمتنان بينما جلست هي علي اقرب كرسي لها ..

جلس عدي بجوارها ليقول لها بقلق : روحي البيت يا مهاد .. انتي تعبتي بما فيه الكفايه انهارده ..

مهاد : علي الاقل اعرف انه فاق ساعتها هروح البيت ..

عدي : اياس لو اكتشف انك هنا عقابنا هيكون وخيم انا وانتي ... هيعلقنا من ضوافرنا في النجفه عنده ... وهيعمل باب زويله 2 .. ولا الاسوء .. ممكن يعمل فينا زي توم وجيري .. يعلقنا علي المنشر ويفضل يلف فينا ويضربنا علي رجلينا .. وانا لسه مادخلتش دنيا ..

مهاد بضحكه : اتنيل دا وقته .. صاحبك لسه ما طلعش من العمليات وانت بتهزر ..