رقصات شيطان علي اوتار كمان

الفصل الخامس عشر

وصل نائل و ايان الي مكان الكمين - والذي من المفترض ان تمر به شاحنة البودره المُخدره الخاصه بأيات - وصلت الشاحنه ليقول احد الضباط : عدّي العربيه يا بني

ايان : ويعديها ليه هيا اتفتشت ؟!

الضابط بإرتباك : لا يا باشا بس دي بتاعت ناس معارفنا ..

ايان : والشغل مفيهوش معارف يا حيليتها .. ثم نظر الي نائل قائلا : فتّش العربيه دي واقطع دراعي لو مطلعش فيها مخدرات ..

وبالفعل .. فتَّش نائل السياره ليجد كميه من البودره المخدِّره ليربِّت ايان علي كتف الظابط ليقول : شكل ليلتك معانا انهارده فل

ثم نادي علي باقي الضباط : خدوهم علي البوكس .. ثم قال لنائل : اطلع انت بيهم عالقسم وانا هسوق المقطوره واجي وراكو ..

عند ايات ..

صرخت بغضب تحطم ما حولها لتسمع صوت والدها يقول : ايه اللي حصل يا ايات ؟؟

ايات بغضب : ابن ال*** ايان .. قبض علي شحنه المخدرات اللي كنت هوديها مخزن المعادي .. الله يخربيتك انت واقع ف قرعتي مواركش غيري

عامر : البسي عشان دوللي تحت ونبقي نشوف هنعمل ايه ؟؟

ارتدت احد فساتينها الضيقه والقصيره ثم نزلت الي الاسفل وجلست واضعه قدماً فوق اخري لتقول دوللي بغيظ : ياختي نزلي رجلك راعي انك لسه مقبوض علي شحنة المخدرات اللي بتهربيها ..  كتك خيبه لا فالحه تشقطي اياس ولا ابن اخته

ايات ببرود ورثته عن ابيها : الدور والباقي علي اللي اترمت تحت رجلين اياس وفضَّل عليها خدامه ولا تسوي .. ثم اردفت قائله : انا معنديش وقت لكيد النسوان دا .. انا رايحه اشوف هعمل ايه

ثم اخذت حقيبتها وخرجت كي تذهب الي قسم الشرطه ...

دوللي بغضب : شايف بنتك يا عامر بتطول لسانها عليا ازاي

عامر ببرود : انتي اللي غلطتي في الاول واللي عايز الدح مايقولش اح ..

دوللي : اما نشوف اخرة دلعها ..

عند ايان ونائل ..
نائل : يا سلام خلصنا يلا عشان نروح ناكل .. انا جعان اوي ..

ايان : يلا يابني دا احنا هنحتفل بانتصارنا .. دلوقتي هتلاقيها داخله علينا ببوزها اللي قد الشبرين ..

ليقاطع حديثهم قرع الشاويش للباب ليقول : في واحده عايزه حضرتك بره

ايان : شوفت قولتلك .. سيبني انا هتكلم ومهما كان اللي قولته متعلقش ..