رقصات شيطان علي اوتار كمان

الفصل الثاني عشر

وبعد عدة سنوات

تزوج جواد وكندا ورزقهما الله بإبنهما "ايان" والذي اصبح يبلغ من العمر ٢٢ عاما

وتزوج نزار و مليكه وانجبا نايا و نائل التوئمان الملتصقان كما يطلقون عليهما

ظلت جودي ماكثه مع اياس واطفالها وانقطعت اخبار يحيي عنهما

ظلت غرفه مهاد مغلقه لا يدخلها سوي اياس

في احد الايام

دخل اياس مكتبه وتبعه جواد و نزار ليقول جواد : مفيش اخبار عن القضيه

اياس وهو يلقي بعلبه سجائره بعد ان اخذ احدها : لا مفيش .. دوللي كانها فص ملح وداب وعمي ولا حد شاممله خبر

نزار : مش ممكن يكون طلع برا مصر

جواد : روحنا لمراكز ومطارات مصر كلها وشوفنا كشوفات المسافرين من وقت الحادثه وملقيناش اسمه او مواصفاته

نزار : ممكن هجره غير شرعيه

اياس : مظنش انه يعمل كدا  عمي يخاف ع نفسه  من انه يجراله حاجه

دخل عليهم احد اصدقائهم "خالد " يقول : اياس انا لاقيت معلومات معرفش اذا كانت تهمك ولا لا

اياس : قول يا خالد

خالد : لا دي لازم تيجي عشان تشوفها

ذهب الجميع مع خالد ليرو ما حدث

فتح خالد احد الفيديوهات ليري اياس دوللي فقال له : كاميراتنا رصدت دوللي عند ساب واي في طريق هاي واي شرم الشيخ واللي بيوصل لمطار شرم الشيخ بس بعد ما اتواصلنا مع اداره المطار قالولنا انها مش علي قايمه المسافرين بس الغريب ان كاميرات المطار لقطتها واقفه مع حد من المسافرين واللي مقدرناش لحد دلوقتي نوصل لهويته او هويتها

اياس : هو الشخص دا نعرفه وهو اللي هيوصلنا لدوللي

جواد : انت اكتر واحد عارف دوللي يا اياس .. انت كنت علي علاقه بيها لحد ما اتعرفت علي مهاد

اياس : بس موصلتش علاقتي بيها لاني اعرف حاجه متعلقه بعيلتها انت اول واحد عارف ان اللي كان بيجمعني بيها سرير وبس وكمان انت عارف ان بعد ما عرفت مهاد الله يرحمها وانا علاقتي بدوللي اتقطعت

نزار : انا مش عارف انت لسه مهتم بالموضوع دا ليه .. مش فاخر مات ؟؟ خلاص نرجع لحياتنا الطبيعيه وبعدين اللي بنعمله دا مش هيرجع اللي مات يعني

اياس : انت اول واحد عارف اني مش هيهدالي بال غير لما اشوفهم علي حبل المشنقه وكمان بعد ما اكتشفت ان عمي متورط معاهم مش هرحمه بعد ما ضيعلي احلي حاجه في حياتي

طرق باب المكتب ليقول اياس : ادخل

دخل نائل وايان بالزي العسكري الخاص بهما ووقفا يؤديان التحيه العسكريه ليقول اياس : اقعدو يا ابطال ها عملتو ايه في اللي قولتلكو عليه

نائل : عامر اللي كلفتنا نراقبه يا اياس باشا طلع عنده كذا شحنه مخدرات هيطلعو من مصر لمدريد

ايان : والمشكله مش في كدا المشكله في انه مش هو اللي بيدير اعماله اللي بتديرها بنته والمشكله كمان ان كل الصفقات اللي بتحصل باسم بنته

نائل : يعني من الاخر مش هنعرف نمسك عليه حاجه

اياس : جبتو المعلومات اللي طلبتها منكم

ايان : عامر الهاشمي متجوز من مغنيه مشهوره في السر من اكتر من ٢٦ سنه وكان عندها مشاكل في الرحم وبعد كدا سافر بيها وحصل حمل وخلف بنت اسمها ايات وولد اسمه مؤمن وزي ما قولت لحضرتك ان بنته هي اللي ماسكه شغله كله

اياس : عايز معلومات اكتر عن بنته

نائل : بنته عندها ٢٠ سنه كانت في مدرسه داخليه وبعدها دخلها مدرسه لتعليم الفنون القتاليه ومن بعدها وهي ماسكه كل شغل ابوها من الاخر يعني بيداري فيها

جواد : طب هتعمل ايه

اياس : مش انا اللي هعمل .. ايان

نزار : في دماغك ايه يا اياس ..

ايان : اوامرك يا سيادة اللوا

اياس : هتحبها

---------------
في احدي القصور محدثه الثراء

تقذف فتاه احدي الزجاجات من يدها وهي تصرخ بالهاتف قائلا : اغبيه .. مشغله عندي شويه اغبيه

عامر : براحه يا يويو مش كدا

ايات : ابعد عني يا بابي دلوقتي انا فيا للي مكفيني

عامر : ايه اللي حصل

ايات : الحكومه كانت هتكتشف الشحنه الاخيره بتاعت الفودكا بس الولا اللي قبضاه في المينا قالهم ان الشحنه خل

عامر : خلاص يا يويو مش عدا الموضوع علي خير

ايات : مش كل مره تسلم جره يا عامر باشا وانت اول واحد عارف الموضوع دا

عامر : اعملي اللي انتي عايزاه المهم البضاعه توصل سليمه

يتبع في الفصل القادم

احب اقولكو ان الروايه هتاخد منعطف جديد 😹 فاحذروو 😹🖤