رقصات شيطان علي اوتار كمان

الفصل الرابع عشر

دخلت ايات الي الفيلا يعتريها الغضب لتلقي بحقيبة يدها ارضا لتجد أباها جالسا علي الكرسي يقرأ احدي الصحف قائلا : في ايه يا ايات

ايات : مفيش يا بابا .. خد الشيك دا وابقي روح اصرفه .. اياس اشتري نصيبك فالشركه

عامر : ليه ؟ وازاي اصلا تسمحي بكدا

ايات : بقولك ايه اللي عايز حاجه يجيبها لنفسه انا كفايه عليا شغلي

ثم صعدت الي الغرفه الخاصه بها لتبدل ملابسها

جلست علي سريرها ليردها اتصال من احدهم قائلا : البودره نوديها علي انهي مخزن يا هانم

ايات : بتاع المعادي وانا هظبطلكوا الكمين لما اتصل بيكو تطلعو

الرجل : تمام يا هانم

اغلقت معه وذهبت في نوم عميق بعيدا عن اثام الواقع

اياس : انت متأكد من قرارك .. ممكن ابوك وامك مايوافقوش ممكن اي حاجه تحصل يا ايان الطريق دا مفيهوش رجوع

ايان : انت عارف انا لو قولت كلمه مبرجعش  فيها  يا باشا

اياس : ربنا معاك يا بطل .. بس اوعي تصدق وتحبها بحد دي تبقي مصيبه

ايان : متخافش يا باشا احنا قدها

في صباح اليوم التالي

توجه ايان و نائل الي مقر عملهما ..

نظرنائل الي ايان قائلا : خف علي ابوك شويه هو عايز مصلحتك ..

ايان : بردو ميلغيش شخصيتي .. الموضوع بمزاجي جدا مش لازم يوهم نفسه ان خالي هو السبب ..

نائل : ابوك وعايز مصلحتك ياعم ... بيوجهك بس من وجهة نظره .. هو خايف عليك يا ايان اكيد مش قصده يلغي شخصيتك

ايان : روح شوف شغلك دلوقتي احنا عندنا عمليه بليل

نائل : قولت لامك علي العمليه ؟؟

ايان : انت عارف لو قولتلها الموضوع  هتقلق ... سيب الموضوع جوا الشغل بس ..

نائل : زي ما انت عايز ياعم .. نتقابل بعد الشغل ..

_______________________________

في احد الاماكن التي سنذهب اليها لأول مره ..

انتباه!!!!!!

صدح صوت قائد الترسانات البحريه في ارجاء المكان ليتابع قائلا : طبعا انتو عارفين اننا عملنا شغل جامد جدا الفتره طول التلت شهور اللي فاتت وطبعا محتاجين راحه .. ليكو اجازه لمده اسبوعين وطبعا هنرجع تاني عشان الشغل هيدخل علي التقيل الفتره اللي جايه وكل اجازه وانتو طيبين

اتجه كل افراد الترسانه الي غرفه حتي يقومو بجمع حقائبهم ليستعدو للنزول الي بيوتهم ..

في احدي الغرف ..

وقف اياد مع احد اصدقائه يجمعون حقائبهم .. فقال احد اصدقائه يدعي "رامز " : اخيرا هننزل اجازه .. روجينا هتفرح اوي

اياد بمرح : ايوا يعم الله يسهلو .. روح ظبط المزه روح ..

رامز :  قر بقا فيها قر .. هنزل الاقي البت متكسحه ..

اياد: عيب عليك يابو الرموز انا بتاع كدا بردو

رامز : انت ابو كدا يابني .. مش هتكلم اهلك تعرفهم

اياد: لا ياعم هسيبهالهم مفاجأه ..

رامز : ماشي ياسيدي .. يلا عشان الاتوبيس هيفوتنا

___________________________

كسا الظلام سماء الدنيا و اتجهت العصافير الي اعشاشها  منبأه بحلول الليل

ارتدي ايان بذلته العسكريه وتخصر باحد الاحزمه ودسّ بها سلاحه وبعض الذخيره

نزل الي الاسفل لتهرع اليه قائله : انت رايح عمليه يا ايان ؟!!!

ايان : ايوه يا امي

كندا : يا ابني حرام عليك ليه مش بتقولي قبلها لازم تتعب قلبي ..

ايان : حقك عليا يا ست الكل .. ادعيلي بس يا امي

كندا : ربنا يرجعك ليا بالسلامه يا حبيبي

قبل ايان يدها ليذهب الي نائل ثم يذهبا معا الي المجهول ...

يتبع ..