Ang mundo natin ngayon
Ay punong puno ng kasinungalingan
Di alam kung sinong totoo
Kung sino ang pagkakatiwalaan
Minsan, dahil sa dami ng nanloko
Nakakatakot na magpakatotoo
Nakakatakot na magmahal
Sa taong di mo alam kung seryoso
Alam mo ba yung pakiramdam?
Pakiramdam na takot kang magtiwala
Magtiwala sa mga tao sa paligid
Magtiwala sa mga taong mahal ka
Ako'y nadala na ng kahapon
Takot na mangyari muli ang nangyari noon
Ako'y patawarin mo sana
Sapagkat mahirap ang muling magtiwala
Meron na ba akong nararamdaman?
Pakiramdam na walang kasiguraduhan
Sana ako'y alalayan
Na magtiwala ng dahan-dahan
Ako'y takot na masaktan
Ngunit gusto kong muling magmahal
Gusto kong magmahal
Ngunit sa pagbibigay tiwala ay nahihirapan.
