Tayong dalawa'y pinagtagpo
Sana tayo na rin ang itinadhana.
Sa mga pagsubok ay hindi susuko
Lalaban tayo ng magkasama.
Ikaw at ako
Wala mang tayo
Ngunit pinanghahawakan ko
Ang bawat salitang binibitawan mo.
Tayong dalawa'y
Swerte sa isa't isa
Damdamin ay iisa
At hindi naghahanap ng iba.
Magkasama tayo sa pagtupad
Ng ating pangarap
Patuloy na lalaban
Kahit minsan mahirap.
Ang isa't isa'y inspirasyon
Upang patutunguhan ay matunton.
Sa pangarap nating dalawa'y nakatuon
Nakatuon ang buo nating atensyon.
Minsan man ay may
Di pagkakaintindihan.
Hindi pumapayag ang isa
Na mauwi ito sa hiwalayan.
