MY HUSBAND IS A ICE KING (COMPLETE)

CHAPTER 8

Halos lumuwa ang mata nang limang babaeng kasama ni Renz nang makita nang mga ito ang bago niyang itsura at syempre, ang kasama niya na si Prince.

Kinikilig na nakipag kamay ang mga ito sa lalaki. Si Prince naman ay tila bata na nahihiya pa. Agad naman nitong sinasagot ang mga tanong nang mga kaibigan nila.

"Grabe ka, Sandy. Ang ganda ganda mo na lalo ngayon. Ang gwapo na nga nang asawa mo at mayaman, close mo pa si Prince Montreal." Kinikilig na sabi ni Beatrice, ang class valedictorian nila nang sandaling umalis si Prince upang magbanyo.

Ngumiti lang siya. Alam pala nang mga ito na nag-asawa na siya. Sabagay, sikat ang pamilya ni Aled kaya malamang ay alam nang karamihan. "Sinwerte lang." Sinwerte nga ba? Bawi na tanong nang kabilang utak niya. Nagkibit balikat siya.

"Oo nga, Sandy. Ano ba ang sikreto mo?" Si Rose Anne naman iyon. Dati itong tahimik pero ngayon ay out going na.

"I share mo naman, huwag kang mag damot, Cassandra." Natatawang sabi pa ni Clara. Isa ito sa mga close niya noon. Nawalan lang sila nang communication.

Natawa siya sa mga ito. "Hoy, ano ba kayo. Wala akong sikreto, no."

"So, kamusta ang married life plus a hot celebrity as a close friend?" Si Beatrice ulit iyon.

"Okay naman. Nasasanay na ako nang buhay may asawa." Kaswal na sagot niya.

"So, ginawa niyo na ba? I mean, baby, you know.." Si Leslie naman iyon. Ito ang pinakapilya sa mga kasama nila nang gabi na iyon.

Nanlaki ang mga mata niya. "Hoy, grabe ka. Hindi pa no. Bata pa ako."

Nagtawanan ang mga ito.

"Hay nako. Tigilan niyo na si Sandy, parating na si Prince. Behave." Singit naman ni Renz.

"Did I missed something?" Nakangiting tanong ni Prince nang maka upo na ito sa tabi ni Sandy.

"Medyo. We were asking Sandy kung nagawa na ba nila nang husband niya yung alam mo na. Pag gawa nang baby." Si Leslie ulit iyon.

Naghagikhikan ang mga ito. Si Sandy ay na aamuse sa mga ito. Tinampal ni Renz ang kamay ni Leslie na katabi niya lang.

"Umayos ka nga Leslie. Hindi pa nga daw diba?" Bagamat ay natatawa rin si Renz.

"Hoy, wag niyo naman akong pag tripan. Pag kayo nag asawa na, kayo naman ang pagtitripan ko, sige" Nakangiting sabi ni Sandy.

Si Prince naman ay hindi na lang kumibo.

Nang matapos ang pagkain nila ay si Sandy na ang umako nang bill, na ikinatuwa nang mga kasama nila. Katwiran niya ay minsan niya lang malilibre ang mga ito kaya hayaan na nang mga ito.

Sina Rose Anne, Leslie at Clara ang sumabay sa kotse ni Renz samantalang sila Beatrice at Maizy naman ang sumabay kila Sandy at Prince sa kotse nang lalaki. Nag convoy na lamang sila papunta sa club.

Madali silang nakapasok dahil nasa guest list naman sila. Ipinalista sila ni Renz na kakilala ang may production nang gabi na iyon. Kaagad silang inassist at nakaupo sila agad. Umorder na sila nang alak at pulutan. Kaunti pa lamang ang tao, mamaya pa raw dadagsa sabi ni Renz.

Umagaw nang pansin ang pagpasok nila dahil kasama nila si Prince. Polite na nakikipag "hello at hi" ang lalaki kapag may pumapansin rito. May iba pa na sinasadya ito sa upuan nila para kunan nang picture ang lalaki.

"My God. Ang daming kinikilig sayo dito." Sandy exclaimed.

Tumawa si Prince. "Iisa lang naman ang may hawak nang puso ko eh." Sabi nito.