صحيت بدري ، كان نفسي الاقي معمر من الصباح .. اتجهزت و زي الساعه تمنيه لمن جات وطالعه لاقيت احمد قال لي سندس صباح الخير ، عندك محاضره بدري الليله ؟ قلت ليهو اي قال لي اوصلك طيب انا طالع قلت ليهو احمد مافي داعي قال لي لالا ارح اوصلك في طريقي ما بتاخدي زمن مني ، قمتا اضطريت اركب معاهو عشان ما يقول كل مرة بتحجج و ما بمشي معاهو، قال لي و احنا في طريقنا بتخلصي كم؟ قلت ليهو بخلص زي الساعه اتنين كده قال لي طيب عشان انا الليله برجع بدري قلت اسوقك معاي قلت ليهو تمام طيب ، كنت بفكر في حاجات كتيرة في راسي ، اكلم احمد؟ اكلم دو اني مشيت لدكتور؟ طيب لو زعل؟ اكلمو طيب اني بحب واحد اسمو معمر؟ طيب لو اتقلب علي و اتغير ! لالا احسن تسكتي ياسندس ما تقولي ليهو حاجه الطريق كلو بفكر كده ، لمن وصلني لباب الجامعه و نزلت كان واضح في وشي كترت التفكير و الحيرة ، دخلت كده عشان يشوفني دخلت و طوالي بي وراهو مرقت تاني جريت ركبتا الحافله عشان امشي لمعمر ، وصلت العيادة لقيت ناس الاستقبال والمره دي البت ما سألتني من كرت او حاجه ، لمن سألتها الدكتور جا؟ قالت لي ايوة ادخلي بتلقيهو جوه قاعد و دخلت لقيتو قااعد جوه بشرب في قهوتو 💓 و بحضر في فيديو تقريبا بتكلم عن مرض ، واقفه قريب للخمسه دقايق ما انتبه لي لانو مركز شديد 💓 ملامح وشو وهو مركز عيونو و هو مركز في الشاشه يدو الخاتيها في لحيتو و مع ساعة يدو ال ck و منتبه شديد وقفت سرحانه في ملامحو السمراء دي💓 حسيت بمشاعر ملخبطه ، الأب الحنين و الصديق و الأخو و السند معمر ما بس دكتور بالنسبه لي .. مشاعر الشوق المالياني وأنا واقفه قدامو 💓 دي تفسيرها اني ملياااانه ريدو لمن واصله الحد 💓 سرحتي فيهو دي حسستني برغبة وااحده و هي إني نفسي أكون مرتو 💓 الإحتواء البحسوا و هو بتكلم معاي و سامعني في اي وقت 💓 لا بضجر لا بزهج لا بمل .. واقف منتظرني اتخطى مرحله صعبه و انا ااتخطيتها اول ما يدو مسكت يدي و طلعتها من قوقعة الظلام الكنت مرميه فيها ، سندس القبل ما تدخل العيادة و سندس الواقفه هسي قدام معمر بلبس مختلف و ملتمح مختلفه و بعقلية مختلفه شدييد 💓 بحجاب وصلاه و اوراد ؟ سندس الكانت هااجرة القرآن بقت كل يوم لازم تقرا منو صفحات ؟ التغيير الأنا فيهو ده سبب معمر💓 ده سبب كافي يخليني اتملي حب ليهو💓 الآحلام الكانت مقيداني و مضيعاني من عمري المفروض اعيشو و من سني المفروض اعيشو بكل تفاصيلوا ، معمر جا و شال اي حاجه كعبه و عوضها بحنان و عطف و ثقه ، هو الزرع جواي ثقه كبيرة في روحي خلتني اقدر اقيف و اتغير و أتصلح .. معمر جا زي نقطة بيضاء وسط سواد كتييير ملهمي الآبدي💓
عدلتا رجليني عشان يعرف اني جيت و ينتبه لفت لي وشو و سلم علي و سلمت عليهو قال لي سندس! صباحك جميل زي وشك ده 💓 نططتا عيوني مخلوعه و مبسوطه في نفس الوقت ! الكلام ده لي؟ ياخ معمر اسلوبو ده راقي كده ليه ! قال لي اتفضلي اشربي قهوة؟ قلت ليهو ما فطرت ما قاعدة اشربها ، قال لي طيب تمام الليله الفطور علي .. ضحكت و قلت ليهو لالا ما قلت ليك كده عشان تعزمني ، انا بفطر بعدين براي قال لي و انت بتضايقي لو قلت ليك تفطري معاي هنا! قلت ليهو لا ماعندي مانع بس لأنو انت مشغول قال لي عندك جامعه الليله؟ طوالي قلت ليهو لالا😂😂 المحاضرات اتلغت ، قام ابتسم وقال لي بقيتي بتحبي الصباح ، قلت ليهو انا اساسا ما بحب الضلام من زمان ، عاين لي و قال لي بقيتي بتحبيهو بعد ابوك ؟ قلت ليهو ايوة الله يرحمو .. قال لي الله يرحمو .. قال لي ماوريتيني امبارح بعد كتبتي ! قلت ليهو ارتحت شدييييد بصراحه قال لي ظاهر من وشك الليله 💓 منورة شديد💓 ابتسمت و قلت ليهو شكرا ليك .. قال لي ممكن اشوف؟ قلت ليهو ممم بخجل لكن من كتاباتي، قال لي كتاباتك؟؟ يعني انتي ما اول مره تكتبي ؟ قلت ليهو ايوه ما اول مرة بكتب لكن حتى الكتابه وقفتها ، قال لي ليه؟ قلت ليهو بعد وفاة ابوي الله يرحمو ... قال لي الله يرحمو و عاين لي مساافه و قال لي جيبي الكرسي بتاعك وتعالي اقعدي هنا عايز اوريك حاجه 💓 قلت ليهو حاضر، كنت خجلانه اخت الكرسي جنب كرسيهو بس في نفس اللحظة عجبني الموضوع 😂😂 زي الشفقانه شلت الكرسي و مشيت ختيتو جنبو ، قال لي افتحي الفيديو من اول 💓 بعاين في الفيديو كان بتكلم عن حاجاتي كلها في البداية نزلت قائمه فيها الاعراض ، نفس الأنا بعمل فيهو ! قبلت ليهو لقيتو مبتسم قال لي تابعي قلت ليهو دي نفس حركاتي قال لي اسمعي الدكتورة 💓 امريكية اسمها دُميانه بتتكلم عن حاجه عايزك تكتشفيها براك .. قلت ليهو شنو ؟ قال لي اصبري و تابعي ، ختيت يدي و اتمحنتا عاين لي اسواري الذهبيه💓 كنت حاسه بإطمئنان ما عادي و انا جنبو ، آمان الدنيا كلها بحسو لمن اسمع صوتو .. الدكتورة كانت بتشرح عن اعراض مرض الوهم، بتقول انو هو مرض بسيط بس بأثر على الإنسان و بعطل حياتو ، بتقول انو اسبابو كتيره شديد و انو علاجو بختلف من زول لزول .. أكدت على اهمية الطبيب النفسي لي اي زول " في الجزء ده لمن قريتو ابتسمت لمعمر ابتسامه ملياانه كلام عميق💓" كانت بتشرح انو الزول يشغل وقتو و ينوم الساعات الطبيعيه و مايزيد عليها ، و لو عندو موهبه يمارسها و يكتشف نفسو شوية شويه عشان عدو المرض ده الفراغ ، الفراغ هو المسبب الأكبر للمرض ده و الخلي الواحد ينجرف وراهو .. اتكلمت عن الحرمان العاطفي ، عن تفكك العلاقات الأسرية و عن التشتت و الوحده ، و انو الواحد يختلط بالمجتمع و يتجنب التوحد دايماً .. لحدي ما خلص الفيديو معمر سألني مشتاقه لي ابوك ؟ سؤالوا اللحظه ديك ذكرني بيهو 😭 دمعت و انا بقول ليهو الفقد حار يامعمر .. قال لي عايز اقول ليك كلام حيفرحك و حيبكيك .. البفرحك انتي اتعالجتي هسي تماما💓 اتنقلتي لسندس جديييدة تاني ماحتشوفي فراس ولا ح تحلمي بي اكاذيب لأنك هسي وصلتي مرحلة الوعي الكنتي غايبه منها ، اتجاوزتي المرحله العصيبة و اتنقلتي منها ، بس عايز اقوليك انو بينك و بين المرض ده شعرة رفيييعه لو ما حافظتي على الحدود دي بترجعي للنقطة السوداء الاولى، الحاجه الحتبكيك .. اي زول في الدنيا دي راحل ياسندس ، الموت حاجه صعبه بس حاجه مستمرة ما حتنتهي بي موت ابوك بس ، ممكن تفقدي امك او اختك او اخوك .. ممكن تفقدي اي زول تاني عزيز عليك ، الموت مستمر و اي زول مصيرو يموت ، سندس لمن الانسان يتعرض لصدمه قوية حقيقيه يا اما يكون زول قوي و مؤمن و ده البطلع من الصدمه بقوة اكبر من الاولى ، يا اما يكون زول ضعيف و ايمانو ضعيف و ده ح يعمل العملتيهو انتي بعد وفاة ابوك .. انتي اتخليتي عن حياتك كلهاااا بي ورا وفاة ابوك ، قررتي تستلمي للوجع و تهربي منو للآبد و اتنازلتي عن حياتك و مشيتي لعالم تاني كان ممكن العالم ده يوصلك للموت ، انتي عارفه اللحظة الجيتي داخله فيها العيادة دي كانت نقطة سطر جديد في حياتك ، ربنا كتب ليك التغيير و ساقك ليهو ، ما حاجه عيب انك تعترف بغلطك ولا حاجه عيب انو يقولوا ليك مريضه ولا حاجه عيب انك تجي لدكتور نفسي ، الحاجه الغلط فعلا انو انت تكون عارف انك ناقص و ماتسعى لانك تكون ناجح .. عارفه يا سندس انا فخور بيك قدر شنو ؟ انتي بت شجاعه جدا .. امسحي دموعك هاكي المنديل ده ، انتي شجاااعه ياسندس ، قرارك بي انو تجي و تصممي للعلاج قرار ما بطلع الا من بنت شجاعه زيك .. قلت ليهو و انا ببكي انت بتقول لي كده مجامله؟ قال لي لا .. لانك من جيتي هنا من اليوم الاول ختيت فيك ثقه كبيييرة و انتي كنتي قدرها .. قاطعنا الولد الفي الاستقبال دق الباب و هو قال ليهو ادخل ، كنت بمسح في دموعي الولد عاين لي و قال ليهو الاستاذة نور بره يا دكتور مواعيدها جات ، عاين لساعتو قال ليهو والله صحي الزمن مشى و تسعه جات ، طيب دخلها .. قال ليهو حاضر يا دكتور ، عاين لي قال لي كملتي دموعك خلاص؟ ضحكت وقلت ليهو اي و لمن جوعتني كمان .. قال لي طيب اطلعي اقعدي بره لحدي ما اخلص من استاذة نور و بعداك بنفطر تمام ! شلت شنطتي وقلت ليهو تمام .. طلعت مبسوطه اديت التحيه لأستاذة نور و قعدت في الاستقبال مبسوووطه شديد راجيه الفطور بفارغ الصبر💓
بنزل تاني بعد شوية باذن الله💓😍
#تابعوني
