الفصل الاول
بقلمي/هدى سمير
ممنوع النقل او الاقتباس الا بأذني فضلاً
*****************************************
-اثبت مكانك لاقسملك وشك الحلو دا نصين !
-ابعدي عني يا حريه انا مش عاوز ازعلك لأجل اختك
-تزعلني أنا!
-ايوه انتي هو في غيرك ياختي
-ولا انت ولا بلدك تقدر تعملي حاجه اقولك هات اخرك
-اجيب اخري هى بقت كدا يعني تمام ..اخري هوريهولك بس ابعدي البتاعه دي وتعالي راجل ل راجل وشوفي هعمل ايه
-نهارك اسود راجل ل راجل
-اه
-طب انا اهو فين الراجل اللي هقف اداموا بقى ؟!
-ايه دا في ايه !
التفتت الي ابنه خالتها قائله بعدما عادت اللي وضعها كما كانت تعتلي من قبل:-
-مفيش ياحسناء دا واحد شايف نفسه حابتين وهعرفه مقامه كويس
-طب ابعدي يا حريه خلاص انتي قاعده على بطنه كدا ليه
هزت راسها بتصميم قائله:-
-لا مش خلاص روحي انتي وانا راجعه وراكي اهو
-بقولك ابعديييي !
ظل يتشاجرون حتى استغل تلك الشاب الفرصه وفر هارباً بعدما سدد لها لكمه قويه اوقعتها ارضاً
-ماشي يا جبان هجيبك هتروح مني فين دي الحته كلها اوضه من غير صاله
*******************
-حريه فين يا شمس
-بتجيب حاجه من تحت وطالعه
ثم اكملت وهى تقرصها من وجنتها:-
- وبعدين اسمها ماما وانا خالتو مش حريه وشمس
-طب انا جعانه يا شمس !
هزت رأسها بعدما فائده قائله:-
-الاكل على الترابيزه بقالوا ساعه روحي كلي يا قمر
-لا تعالي انتي
-انا عاوزه ارتب الغسيل كلي انتي وبهد ما تخلصي ناديني اغسلك ايدك
-ماشي
*******************
في احدي الدول الاوربيه
دلف الي شركته في هدوء و وقاره المعتاد ثم دلف الي مكتبه حتى يتابع عمله الذي اتي من اجله فـ دلفت اليه سكرتيرته تخبره بمكالمه صديق له
-ومبلغتنيش ليه في ساعتها !
-ما ..ماحضرتك كنت في ميتنج مهم وقولت محدش يقطعه مهما كان مين
-قولت محدش يقطعه يعني محدش يدخل بس مقولتش متحوليش مكالمات ! تاني مره متتصرفيش من دماغك خالص وتنفذي اللي انا اقوله بس انتي فاهمه ولا لأ !
-حاضر يا فندم
-على مكتبك
سحب هاتفه بعدما خرجت حتى يهاتفه فلم يجيب عليه فهاتف ابن عمه الاخر
على الجانب الاخر تململ في نومته عقب سماعه لصوت هاتفه المزعج فسحبه قائلاً:-
-ايه ياعم انت مفيش ادني احساس بأني نايم ولا مفيش شويه سينس عندك
-مفيش سينس في كفته تاكل !
-انت متصل تهزر بقى
-اظبط يالا
-طيب
-فين زين
-في جيبي ..هيكون فين يعني في الشركه اكيد اتصل بيه وانا هكمل نوم يالا لا اله الا الله مع السلامه ياحبيبي وخلي بالك من نفسك في رعايه الله باي باي
هز رأسه بعصبيه منه قائلاً بتهديد:-
-لو قفلت مش هخلي الدكتور يعرف يخيط فيك غرزه !
ابتلع لعابه بخوف فأكمل الاخر بأمر :-
-تقوم تلبس وتروح على الشركه انت فاهم !
-حاا حاضر انا قومت خلاص اهو واا...
ابعد الهاتف عن اذنيه ناظراً نحو
-ايه دا .. دا قفل في وشي معندوش ذوق الواد دا
*********************
-لو كنتي سبتيني كنت فلقته نصين
-انتي هتعملي نفسك مصارع في ايه مش كل حاجه بالدراع خلي مخك شغال شويه مش كدا !
نظرت لها ساخره من حديثها :-
-سبنالك المخ ..اللي مشغلتيهوش لما طحنتي الواد الغلبان
-دا مش غلبان دا عيل واطي اللي يعمل كدا يبقى واطي ويستاهل اللي جرالو
-في ايه هنا ..بتزعقوا كدا ليه انتي وهى .. البنت سامعه كل حاجه احترموا نفسكوا شويه مينفعش كدا !
نظرت لها حسناء قائله:-
-راجعه من باره لاقيتها منيمه الواد سعيد على الارض ونايمه فوقه زي القرود مثبتاه بالمطواه ينفع كدا !
-ايوه جدعه يابت طالعه لاختك عاش
-هو ايه اللي جدعه وعاش انتي بتشجعيها انتي كمان على اللي هى بتعملوا دا !
-بتعمل ايه هى بتشتغل رقاصه ماتفكي كدا مالك الله !
-مش عارفه قفوشه ليه دا انا كنت بلعب معاه ..اومال فين حبيبت قلب ماما
-بتاكل جوا وتاني مره متتكلموش وهى موجوده هتبوظوا اخلاق البت
-اشطا
-رايحه فين ياحسناء
-راجعه الشغل تاني انا كنت ناسيه ملف مهم وكنت راجعه عشان اخدوا قبل ما اشوف الهانم يلا انتي كمان مش رايحه الشغل ولا ايه
-لا رايحه اهو بس مستأذنه ساعتين عشان اودي رورو الحضانه
-حريه جوا اهي توديها هى مش ناقصين رخامه مستر ياسر
-صدقي فعلاً عندك حق دا راجل رخم
-تعالي نضربوا
-لا عيب احنا نخلي هو اللي يقل ادبه ف ندربه عشان الغلط ميبقاش علينا
-يقوم مستر زين عارف ويطردنا هيلاا بيلاا برا الشركه
-هو هيطردنا هيلاا بيلاا فعلاً لو منزلناش دلوقتي يلاا
******************
في احدي الشركات الكبري تحديداً في الفرع الرئيسي الذي يديره زين نصار بداخل مكتبه يجلس يتابع عمله بأهتمام كعادته حتى قاطعه دلوف ابن عمه قائلاً:-
-افتح تليفونك ورد على رحيم عشان مزعلكش انت وهو
قال دون ان يرفع عينيه عن الورق :-
-تزعلني انا ؟
-ياعم نوم الظالم عباده تقوموا انتو مصحييني ليه كدا !
-على مكتبك يا سليم بسرعه
-حاضر
قاطع حديثهم ترك السكرتاريه ودلوفها بعدما اذن لها:-
-خير يا سرين
-ياسر عاوز يقابل حضرتك
-خلي يدخل
-صباح الخير يا استاذ زين صباح الخير استاذ سيلم
-صباح النور خير يا ياسر
-حضرتك شمس وحريه وحسناء اتأخروا تاني
نظر له سليم بجديه قائلاُ:-
-اتأخروا قد ايه
-ساعتين عن الميعاد
- ابعتهملي حالاً
-هما لسه مجوش ساعدتك بس شمس مستأذنه ساعتين والساعتين عدوا من نص ساعه وبرضو لسه ماجتش
هز زين رأسه قائلاً بجمود:-
-خصم الشهر دا كلو ليهم هما التلاته ويمضوا اقرار بعدم تكرار التأخر دا تاني وعرفهم كويس لو عملوها تاني من غير كلام رفد نهائي ليهم هما المفروض عارفين الكلام دا من اول يوم ليهم هنا.. الشغل هنا مش لعبه مع حد في مواعيد الكل يلتزم بيها برضاه او غصب عنو والكلام دا يتبلغ للكل مش ليهم هما بس اي حد يتمنى بس انو يعدي من قدام الشركه مش بس يشتغل فيها ويجي كمان متأخر هى لعبه
-تحت امرك يا فندم
-الامر لله تفضل انت واعمل اللي قولتلك عليه واللي يعترض رفد !
خرج ياسر حتى ينفذ أومر رئيسه بالعمل فقال سليم بعدما خرج:-
-لما يجوا انا هتصرف معاهم
هز زين رأسه بسخريه منه قائلاً:-
-تتصرف معاهم ازاي اذا كان مديرهم بنفسه جاي متأخر
-كنت نايم اسيب النوم يعني عشان اجي هى الشركه هطير ثم اكمل بغرور وهو يضع ساق فوق الاخري وبعدين انا مدير اتأخر براحتي
-طير انت بس من وشي يلاا يامدير ومتكلمهمش لما هو ياسر هيبلغهم بالقرار ولو في حاجه هيجي يبلغك بيها
هز رأسه موافقاً وهو يهم بالنهوض قائلاً:-
-تمام..ابقى اتصل بـ رحيم بقى عشان كان عاوزك متنساش
-ماشي وخف شويه
-اخف ايه؟
-انت عارف
-لو مش عاجبك جوزهاني
*********************
دلفت كلاً من شمس وحسناء وحريه بعدما انتظروها حتى وصلت الصغيره الي الحضانه فهتفت شمس بخفوت:-
-هى الشركه هوس هوس كدا ليه
-نصيبه ليكون مستر ياسر كلهم
-لا خفيفه جداً حضرتك
انتفضوا على صوت رئيسهم بالعمل فقالت شمس بجديه مصطنعه :-
-اسكت مش حريه عملت حادثه
نظر لهم بأهتمام مزيف قائلاً:-
-لا ياشيخه لا اله الا الله ودا حصل امتى بس
-من ساعتين احنا كنا نازلين في ميعادنا كل يوم واحنا بنعدي الشارع بقى جت عجله كبيره خبطتها في شنطتها
-عجله كبيره ازاي ؟
-كبيره من ام كرسيين ورا و واحد قدام دي
-ممم وايه كمان
اكملت حسناء قائله:-
-قمت انا بقى مصوته وقايله يالهوتتتااااي ححرررراااامي الحقونا يا حررااس
-حراس مين ؟
-هاا حراس المطعم اللي كان بناكل في ..استني هكملك
-قمت انا بقى رايحه السوق جبت كل حاجه ناقصانا عشان مش كل يوم هنزل
-عندك حق يا شموسه الجو بقى حر اوي عاوزه اروح الساحل بتاع بابي
نظر لها نظره ارعبتها قائلاُ :-
-بابي عندو ساحل وياترى ساحل في بورتو الصاله ولا بورتو المطبخ
-بورتو بيتكوا يا خفيف
-بتقولي ايه ..خصم شهر لكل واحده فيكوا وصحوا اللي عملت ميته على الارض دي ويالا كل واحده على شغلها مش هيبقى عطله من كلوا
انتفضت حريه عقب سماعها ل قرار خصهم شهراً كاملاً من مرتبهن قائله بعصبيه:-
-لا دا ظلم مينفعش كدا
-هو ايه اللي مينفعش يا استاذه حريه
-اننا نتأخر دي شركه ناس مش زريبه عشان نيجي وقت ما نحب ادامي انتي وهى اتفضلوا بنات اخر زمن ميعرفوش ان الوقت كالسيف
نظروا اليها منصدمين فهي من اخرتهن !
دلفت كلاً منهما على مكتبها فقالت حسناء بهمس لها:-
-دا انا لما اروح هنيمك في قميص جبس بس الصبر حلو
-يا رجاله
نظرت لها شمس قائله بغيظ:-
-عاوزه ايه اخرسي
-بعد الشغل هنستنى ياسر ونضربه اشطا
-انتي كدا اختي وحبيبتي وكفائه
-وانا هبلغ عنكوا عند مستر ياسر ف يقوم مديني مكافأه اصرف منها باقي الشهرر
-هى بقت كدا يعني
-اينعم
-فل..يبقى هتباتي في السرير اللي جمبوا في المستشفى بأذن الله
***************
بينما على الجانب الاخر ذهب ياسر واخبر سليم بأنهم تقبلوا الخبر واستلمت كلاً منهما عملها كالمعتاد فأمروا بصرف لكلاً منهما نصف شهر من حسابه الخاص حتى يستطيعوا تكمله باقي الشهر من مصاريف متطالباتهن
****************
انتهي البارت الاول
رايكوا بعدما تخلصوا قرايه
كل سنه وانتو طيبين
**
اول حاجه عاوزه اقولها:-ان روايه غرام اهل الصعيد(ذئب الصعيد سابقاً) كانت اول روايه ليا وطبيعي يكون فيها اخطاء فادحه بغض النظر عن اني كنت بحاول على قد ما اقدر اطلعها بشكل حلو ومناسب ناس كتير معجبتهمش ف سوري وان شاء الله دي تعجبكم ولو معجبتكوش الجايه تعجبكم المهم محدش يزعل مني
**
تاني حاجه:- السؤال المعتاد مين الابطال الاساسيين او وضحي شخصيه كل واحد
مفيش بطل او بطله اساسيه في كل كابل بياخد احداث دوره كله عشان مظلمش حد في ناس بتحب اكتر الابطال الثانويين وبيزعلوا ان دورهم مش كبير او ان مش واخدين حجمهم كويس انا منهم الصراحه ف عشان كدا بخلي اي عمل ليا كدا كل واحد ودوره وشخصيته دي انتو اللي بتحددوها من طريقه تعامله مش انا.. انتو اللي بتقرؤا وتحددوا الشخصيه ومين البطل الرئيسي بالنسبالكوا مش انا اللي احدد انا بحكي قصه وكل واحد يتخيل البطل
****
دي يتعبر مقدمه بسيطه عشان اعرفكوا بتحكي عن ايه مش اكتر وفي الفصول الجايه هتعرفوا اكتر ف محدش يستعجل فضلاً والفصول الجايه هتبقى اطول من كدا ف محدش يقلق انا بس نزلت الفصل دا عشان كنت وعداكم انها هتنزل 1/6 بس لظروف الامتحانات والعيد معرفتش حتى اكتبها كلها زي الروايه اللي فاتت ف للاسف هكتب الفصل ف يومه عشان كدا لو معرفتش انزل بشكل يومي هنزل يوم ويوم ومحدش يزعل مني ل تاني مره سوري💚
في بنت قالت ان في روايه بنفس الاسم ف لو في فعلاً هضطر اغير الاسم
