الفصل الثالت عشر
بقلمي:-هدى سمير
ممنوع النقل او الاقتباس دون علمي بذلك فضلاً
*****************************************
دقائق وكان باب المنزل منكسر ارتفع صوت صريخ رباب والصغيره فقال فهد بسخريه:-طب يوم ما تحبوا تتذاكوا ابقوا افتكروا ان انا في يوم من الايام كنت جوز صاحبتكوا وعارف تفكيركوا ازاي
حريه بسخريه مماثله له:- معلش اصلي كنت فكراك غبي !
فهد :-دورك لسه مجاش ف متستعجليش اوي عليه !
حريه:- دا على اساس انك تقدر تلمس شعره مننا
فهد :-تحبي تشوفي
انهي جملته مشيراً الي رجاله الذي تقدمه تجاه الغرفه التي تجلس بها رباب
فهد:- هاتوهالي عشان افهمها اللي مبيسمعش كلام فهد الحناوي بيحصله ايه
خرجت شمسمن الغرفه سريعاً لاكمه احدهم بوجه والاخر فاجئته حريه بضربه برأسه
حريه:-هتعمل ايه يعني هتعورها واوا
فهد بغضب :- هفرجك هعمل ايه مشفيها هى بس لا ! فيكوا انتو كمان ناد بصوتً عال فدلف اكثر من ثلاث رجال بعرض الحائط
فهد وهو يشير عليهم بأستحقار:- ربو الاشكال دول وبالذات كابتن حريه عشان ليها معزه خاصه عندي
نشبت معركه اقل ما يقال عنها بين تبادل اللكمات وضربات الرأس وكانت النتيجه شبه محسومه ف الرجال تفوق بنيتهم الجسديه عن الفتايات اخرجت حريه وشمس الالاتهن الحدباء غرستها حريه بيد احدهم الذي كان يحاول فتح باب الغرفه التي تجلس بها رباب مذعوره هى والصغيره بينما شمس ابعدت بها الحراسه الخاصه به الي وراء بعد تهديدها لهم بغرسها به اذا اقتربه
فهد من وراء رحالته الذين يحمونه من تلك الاله:-ابعدي البتاعه دي انتي مش قدي يا شمس خاليكي انتي في حالك زي ما كنتي
شمس:- اطلع برا يا*** ويوم ما تحب تعمل نفسك راجل ميبقاش علينا يا حيلتها ولا على حد يخصنا
اشتعل غضب فهد من كلمتها التي وصفته بها فأعطي الاشاره لرجاله للتعامل معهم وما ان اقتربه منهم مره اخري انفتح الباب دالفاً منه كثير من رحال الحي الذي يجلسوا فيه
:-ايه دا جايين تتهجموا على ولايه ولوحدهم كمان
:-دا احنا نلبس طرح احسن لو طلعوا من هنا على رجلهم
هرول فهد الي الخارج تاركاً رجاله تتعامل معهم فهرولت حسناء خلفه سريعاً لاحقتها حريه فلم يستطيعوا امساكوا
حسناء بنهيج :- جري الجبان
حريه بنهيج :-خلاص يلا بقى نرجع مش قادره
حسناء بقلق :- ايه دا ايدك مالها
حريه:- عورني الجبان وجري لو كان راجل كان وقفلي وانا كنت فرجته
حسناء :- طب تعالي نروح مستشفى ولا اي حته نشوف ايدك دي
حريه بنفي:- هو دا وقته يا حسناء يلاا
حسناء وقد تذكرت شيئاً:-يا نهارد اسود
حريه بقلق:- في ايه
حسناء وهو تهرول من امامها عائده الي البيت:- الناس فوق مع شمس ورباب لواحدهم
*********
بالقصر
وضع الهاتف بضيق فوق الاريكه فسأله سليم قائلاً:-مالك يا زوز في ايه ؟
عز:-بتصل ب رباب بقالي اكتر من ساعه مش بترد
سليم:-يمكن تكون نايمه عادي لما تصحى وتشوف المكالمات هتتصل بيك
عز:-طب جرب انت حسناء كدا
سليم:- مش هترد
عز:- ياعم جرب بس
سليم:- اسمع مني انت بس مش هترد عشان المفروض انها زعلانه
عز:- من ايه ؟
سليم:- مالكش دعوه يا حبيبي !
عز:-اوعي ياعم غور من وشي دا انت رزل
خرج عز من غرفته وبقي سليم يسترجع ما حدث منذ ساعات
*فلاش بـاك*
ابدل سليم ملابسه بعدما عاد مع ابناء عمه تدثر بالفراش مخرجاً هاتفه حتى يحادثها قبل ان ينام
:-نعم في ايه ؟
سليم:- هو ايه اللي نعم في ايه
حسناءبنوم مصطنع:- انت مين
سليم:-سليم
حسناء:-سليم مين هو دا وقت هزار ياعم الظريف
سليم:-لا اصحي كدا وفوقي عشان عاوزك في موضوع مهم
حسناء:- قول
سليم بسخريه:- ما انتي فايقه اهو اومال ايه طوله اللسان دا ولا انتي حبيتي الموضوع
حسناء بصدمه مصطنعه:- لا متقولش كدا دا بيغير مووت
سليم بأستفسار:-دا مين دا ؟
حسناء :- مالكش دعوه
سليم:- حسناء !
حسناء :- عاوز ايه ؟ انت مش كنت برا مع عيال عمك وسهران جاي فايق عليا انا بقى !
سليم:- ومفوقش عليكي ليه
حسناء :-عامل ايه
سليم:- تمام بيكي
ابتسمت حسناء قائله:- دايماً
سليم بحب:- معاكي ..تمام بيكي ودايماً معاكي
صمتت بخجل ولم ترد فتابع قائلاً:-مش ناويه بقى نتلم !
حسناء :- نتلم فين
سليم :- نتلم زي اي اتنين بيحبوا بعض ويتجوزه
حسناء :- جواز لا جواز ايه انا مش عاوزه اتجوز
سليم :-اومال عاوزه ايه ؟
حسناء :- مش عاوزه تصبح على خير
سليم بصرامه:-حسناء متقفليش ..انا عاوز ردك حالاً لا ليه ومش عاوزه تتجوزيني ليه انا مأجل الجواز بقالي سنتين اهو في حد بيستحمل سنتين من غير حبيبته ما تكون جمبه ؟ انتي متخيله ان احنا اكتر كلامنا وتعاملنا مع بعض لاما خناق لاما تقلبي كل حاجه هزار ..انتي عاوزه ايه ؟
حسناء:-مش عاوزه حاجه واظن ان كلامي واضح انا مش عاوزه اتجوز ولا عاوزه حاجه منك باي
اغلقت الهاتق وبقى هو جالساً على فراشه بخنقه هاجمته لم يعرف سبباً لرفضها له وهو يعرف حبها له وواثقاً من ذلك
*انتهاء الفلاش باك*
سليم لنفسه:-انا خلقي طويل ونفسي اطول وحبي اكبر يعني لازق فيكي لازق ومش هبعد
********
عادت حريه وحسناء الي المنزل فوحده الشرطه به اخذت اقوالهم وسحبت تلك الرجال وذهبت بهم دلفت حريه سريعاً الي ابنتها محتضناها تحاول تهدئتها
حريه بحنو:- بس يا قلب ماما متخافيش ..سمعتيني وانا بضربهم شوفتي ماما قويه ازاي
روفيدا وهى تمحي دموعها بيدها الصغيره:-بجد يا ماما يعني دا كان هزار مش جد
حريه بكذب:-بجد يا قلب ماما هزار
روفيدا :- طب ليه الدم دا انتي اتعورتي
حريه :-اه اتعورت
ثم نظرت الي رباب التي تنام بوضع الجنين ودموعها تنزل بصمت فأحتضنتها قائله بصمت :-روحي انتي يلا ناكل عشان جعانه
رباب بشهقات:- ا ان انا اس اسفه يا حريه
محت حريه دموعها بهدوء قائله:-اسفه على ايه اصلاً شكله عمل حجتك عشان يطلع غله مننا الغلاوي دا
شمس مؤكده :-ايوه تلاقي فاكر ان احنا اللي خلينا منار تسيبه
حسناء :-خلاص يا جدعان بقى الله ! بلاش سيرته العكره دي ويلا ناكل ..حريه يلا نروح مستشفى ايدك بتنزف
نظرت شمس بقلق ليدها قائله:-ايدك مالها يا حريه اتفتحت كدا من ايه ؟
غمزت حريه لها ثم نظرت الي ابنتها قائله بنبره ذات مغزي:- مش وقته يا شمس خدي يا حسناء روفيدا خاليها معاكي
شمس:-وتعالي انا هروح معاكي المستشفى
حريه:-لا مش لازم هلفها بحاجه من هنا
شمس بنفي صارم:-لا تعالي يلااا
نزلت حريه برفقه شمس بينما ظلت حسناء برفقه الصغيره ورباب التي انتفخت عيناها من شده البكاء مر اليوم ببطيء عليهم حتى اتي يوم جديد
********
دلفت حريه وشمس برفقه رباب الي بهو الشركه
شمس ل حريه:- مش كنتي قعدتي النهارده في البيت عشان ايدك
حريه:-لا مش لازم
شمس بخبث:-ليه يعني اشمعنا في العاده بتستني اي مناسبه عشان متجيش
حريه بصرامه:- مالكيش دعوه ويلا على شغلك
ما ان دلفت رباب الي مكتبها وجدت عز جالساً في انتظارها قام من جلسته سريعاً عند روأيتها قائلاً بقلق ويده تلمس عينها:-ايه دا عينك مالها منفخه كدا ليه
انهي جملته ساحباً كفه بين قبضه يده حتى يجلسها
رباب بهدوء :- ماليش
عز :- رباب مالك بقولك فيكي ايه ومكنتيش امبارح بتردي عليا ليه
نزلت دمعه من عينيها عندما تذكرت احداث امس ثوان وازداد بكائها فلم يتحمل عز سحبها الي احضانه مرتباً عليها
عز بقلق حاول يداري حتى بفهم:-اهدي وقوليلي مالك فهميني في ايه
رباب بتقطع:- ه هو هوو
عز:-اهدي واحكي بس اهدي الاول
ظلو هكذا عده دقائق حتى هدأت وبدأت في سرد تفاصيل تلك الليلتين ف ساد الصمت عندما انتهت من حديثها الي من شهقاتها التي تصدح
عز بهدوء الذي لم يبشر بالخير:-ومكلمتنيش ليه اول ما كلمك بليل
رباب:-خوفت تعمل مشكله
عز:- وكدا مش هعمل يعني ؟ تخلي يكلمك ويهددك وتسيبي شقتك عشان واحد *** زي دا؟ وانا اخر من يعلم طب لما كلمتك امبارح مكنتيش بتردي ليه ؟ كان هناك بيتخانق معاكوا صح؟ رايح يتشطر على بنات عشان معرفش يقف قصادنا ال***
خرج زين من مكتبه عقب سماعه لصوت عز الغاضب وسبابه البذيئ
زين:-في ايه ؟
عز بغضب عارم:- في ان ابن ال*** رايح يتشطر على بنات وسايب الرجاله عشان مش شايف نفسه منهم
زين :- اهدى وقولي في ايه
حكى له عز عن كل ما حدث ف تحكم في غضبه وهو يستمع له
********
انتهي البارت
رايكوا
كتبتوا اهو ☺💜
ومحدش يقولي صغير انا واحده كل ما تكتب حاجه تتمسح..انا خايفه اراجع الفصل واشوف الاخطاء يتمسح😹💔
