الفصل السادس عشر
بقلمي:-هدى سمير
ممنوع النقل او الاقتباس دون علمي بذلك فضلاً
*****************************************
ظلوا يثرثروا حتى خرجت منار جالسه معهم تحت نظرات سيف التي حاولت تجنبها بخجل
نجوى:-يلا ياولاد خلينا ناكل
زين:-يلا يا شباب
رحيم:-انتي راجعه معانا !
نجوى:-راجعه معاكوا فين ؟
زين:-البيت
نجوى:-لا يا حبيبي انا عاوزه اقعد هنا حابه كمان معلش ملحقتش اشبع من الشقه
سليم:-ملحقتيش تشبعي من الشقه ازاي هى بطيخه يا عمتي
نجوى:-ولا كل وانت ساكت احسنلك
سليم:- ما انا بقول كدا برضو ..هات سلطه من ادامك يابوالسيوف
سيف:-ابو السيوف ؟
سليم:-هات بس السلطه ونشوف موضوع السيوف دا بعدين
سيف مناوله اياها:-اتفضل اتفح بالهنا
سليم:-حبيبي ياخويا
عز:-الا قوليلي يا منار يابنت عمتي
منار:-نعم
عز:-انتي مبتنزليش الفرع اللي احنا فيه ليه ولا خلقتنا مش عجباكي
منار:-خلقتكوا مش عجباني
نظر لها كلاً من رحيم وسيف بحده فتنحنحت قائله:-اقصد لما اخلص شغلي هناك هاجيلكوا هروح فين يعني
انتهي الغداء فقال عز:-كلتوا
الجميع:-الحمدلله
عز:-انكد عليكوا بقى
نجوى:-ولد احترم نفسك
عز:-حااضرر..انا عاوز اتجوز
صمت الشباب لانهم على علم بمن هو يريد بينما نطقت نجوى بتساول
نجوى:-مين هى ؟ في حد معين
عز:-اه في !
نجوى:-هتنقطني بالكلام يعني ؟ هى مين
نطقتها وهى على علم بمن سيقول لكنها تتمنى ان يقول غير ذلك
عز بحب:-رباب
نجوى:-مالها
عز:-هى اللي عاوز اتجوزها !
نجوى:-اه
عم الصمت لدقائق فقطعه عز قائلاً:-ها قولتي ايه ؟
نجوى:-في ايه ؟
عز:-هتيجي معايا نتقدملها امتى !
نجوى:-براحتك يا عز اعمل اللي انت عاوزه
سليم حتى يغير الموضوع:-وانا يا نجوى
نجوى:-وانت ايه انت كمان عاوزه تتجوز هو دا موسم التزاوج؟
سليم:-هى جت على قرمط يعني وقفلت
نجوى:-عاوز ايه يا سليم
سليم:-اتجوز
نجوى:-هى مين انت كمان
سليم:-بحبها
نجوى:-ايوه يابني يعني هى مين
سليم:-دماغها ضاربه بس بحبها
عز:-ياعيني دا علق
سليم:-اجمل احساس في الكون انك تعشق بجبون كمان قالت اليسا
عز:-ماخلاص يا نجم قرفتنا !
سليم:-عاوز افرح بيكوا كلكوا ياولاد
عز:-ليه يا خالتي
سليم:-بس ياض اسمع وانت ساكت انوجا
نجوى:-نعم
سليم:-بالصلاه على النبي كدا احنا نوينا والنيه لله اننا نتلم ونتجوز
نجوى:-لا يا شيخ ؟
سليم:-ايوه عز و رباب وزين يخطب شمس بس مش يتجوز عشان مش عارف ليه المهم و انا وحسناء طبعاً ورحيم خلي كدا احسن
زفرت نجوى بأرهاق:-انا عاوزه ارتاح خليكوا انتو وانا هدخل ارتاح شويه
رحيم:-انتي كويسه يا نوجا
نجوى:-ايوه يا حبيبي متخافش
سليم:-بقولك يا نوجا
نجوى:-قول يا تاعبني
سليم:-عاوز اطمن عليكي
نجوى:-لا مالكش دعوه بيا
زين:-ما تسكت يالا بقى الله !
سليم:-حاضرر ياخويا
ظل الوضع هكذا فسحب سيف منار من يدها بهدوء الي الڤرندا
منار بتوتر:-ايه يا سيف في حاجه
سيف:-اه
منار:-نعم
سيف:-عامله ايه؟
منار:-الحمدلله
سيف:-لو طلبتك من نجوى توافقي ؟
منار بذهول:-تطلبني من ماما ازاي ؟
سيف:-زي الناس هتجوزك
منار:-لا طبعاً ازاي
سيف:-هو ايه اللي ازاي هتجوزك زي الناس
منار:-انا مش عاوزه اتجوز !
سيف:-ليه حضرتك ؟
منار:-من غير ليه انا مش عاوزه اتجوز تاني عملتها مره وخلاص شكراً على كدا
سيف:-عملتيها مره ؟ فين دا اوعي تكوني حاسبه فهد راجل وتتحسب جوازه ؟
منار:-انا ماليش دعوه ب خرا ومتجيبليش سيره الشخص دا
سيف:-انتي اللي جبتي سيرته مش انا ..فكري وردي عليا
منار بنفي:-من غير تفكير دا اخر كلام عندي انا مش عاوزه اتجوز
صمت سيف ل برهه من الوقت ثم قال وهو ينظر في عينها:-دي تاني مره يا منار !
منار بعدم فهم:-تاني مره ايه مش فاهمه
سيف بألم خفي لكنه وصل اليها:-تاني مره ترفضيني اول مره ساعة ما قولتي انا مش عاوزه اتجوز وبعدها بشهر دخلتي لامك ب فهد وقولتيلها عاوزه اتجوزه واتجوزتي وتاني مره اهو بس ياترى مين العريس المرادي ؟
منار بدمع:-وكان اسوء اختيار وانسان دخل حياتي ..انا مش عاوزه احرب نفس الحكايه واعيدها تاني كفايه مش كل شويه جوازه ليا انا اسفه بس مش هقدر
امسك سيف وجهها يمحي دمعتها :-بس انا مش فهد انا بحبك !
اخفضت منار نظرها خجلاً عند انتهاء جملته فأكمل:- انا بحبك ! قبل ما توعي على الدنيا وقبل كل حاجه انتي اول واخر بنت في حياتي
***********
شمس:-يلا يا روبا يا كسوله
حريه:-يلا روبا يلا يا رورو
روفيدا:-ماما
حريه:-قلبها
روفيدا:-عاوزه اتفسح
حريه:-انتي تؤمري اول ما روبا تفوق مدا وتخف احلى خروجه لاحلى رورو في الدنيا دي كلها
روفيدا :- بجد ؟ طب يلا خفي بسرعه بقى يا روبااا
رباب:-حاضر يا قلب روبا
حريه :-تعالي يا حسناء عشان هضربك دلوقت
حسناء :- نعم
حريه :- انا مش قولتلك روفيدا تروح الحضانه بتاعتها
حسناء :- ما احنا روحنا ولاقيناها قافله !
حريه :-بجد
حسناء :-ايوه
شمس:-كلي يا حريه عشان نروح نغير على ايدك
حريه:- هغير عليها انا مش لازم دكتور
شمس:-لا لازم كلي عشان نروح وبالمره نتمشى شويه كلنا ..هتقدري تتمشي معانا يا رباب
رباب:- اه
********
جاء الليل نزل رحيم وابناء عمه من منزل عمتهم
سليم:- نزلني انا هنا يا صاحبي
عز:-هتروح فين
سليم:-هقعد على المافيه دا شويه وهاجي
رحيم:-اركن هنا يا عز ونزلنا كلنا
سليم:-ايه الازقه دي للدرجادي بتحبوني ؟
رحيم:-اه
سليم:-حبيبي ياخويا
رحيم:-رايح فين يا سيف
سيف:-مروح
رحيم بأستغراب:-ليه
سيف:-تعبان عاوز انام
عز:-خدني معاك
سيف:-ماشي يلا ..سلام يا رجاله
دلف سليم برفقه رحيم زين الي الكافيه جالسين
سليم:-بقولكوا
زين:-ايه
سليم:-ايه رايكوا نعمل رحله ؟
زين:- ليه ؟
سليم:- عادي ما احنا كل سنه بنعملها للموظفين بس المرادي عاوزها لينا احنا ونجوى ومنار ومراتي
زين:- ومراتك ؟
سليم:- بأعتبار ما سيكون يعني
رحيم:-انت شكلك فاضي
سليم:-ومفضاش ليه ياعم ورانا ايهشغل وبنشتغل قرايب وبنزور صحاب واحنا مع بعضنا من غير غريب وسطينا فسح وخروجات وبنخرج يبقى ناقصنا ايه غير ااحب واننا نعيش مع اللي بنحبهم انا عاوز اعيش
رحيم:-وانت كدا مش عايش
سليم بنفي:-لا مش عايش طالما هى في بيت وانا في بيت يبقى مش عايش ولا هعرف اعيش
رحيم:-انا ماشي
زين:-رايح فين
رحيم:-عاوز اتمشي شويه
********
في قصر آل نصار
عز:-رايح فين يا سيف
سيف:-هنام شويه
عز:-ماشي
دلف كلاً منهما الي جناحه الخاص
**بجناح عز آل نصار**
دلف الي المرحاض ابدل ملابسه ثم دلف الي شرفه جناحه مخرجاً هاتفه حتى يراسل رباب اخرج هاتفه مخرجاً رقمها وبعد محاولاتان اتاه الرد
عز بصوت هاديء:-عامله ايه دلوقت
رباب بهمس:-احسن كتير
عز:-الحمدلله
رباب بهدوء حتى تقطع الصمت الذي ساد بعد جملته:-عامل ايه
عز مقلداً اياها بحب:-احسن كتير
رباب:-بتتريق عليا
نفي عز بحنو:-لا دا انا من حبي فيكي بحب اقلدك في كل حاجه
سليم:-ياجدع ؟
ابعد الهاتف عن اذنيه بذهول:-ايه دا انت بتعمل هنا ايه
سليم:-انا في اي حته ياحبيبي
عز:-انتو فين
سليم:-خد هى تقولك
رباب:-الو
عز بضيق:-انتو فين
رباب:-في الشارع
عز:- ما انا عارف انكوا في الشارع ..فين في الشارع
رباب:-عند الكافيه اللي قاعد في زين وسليم
عز:-انتي مش تعبانه يا رباب بتنزلي ليه ؟
رباب:-روحنا مع حريه عشان تغير على ايدها وقولنا بالمره نتمشي
عز:-ماشي
رباب:-باي
عز:-هتقفلي ليه ؟
رباب:-هتكلم ازاي وانا في الشارع
عز بضيق:-طيب..لما تروحي طمنيني
رباب:-حاضر
*****
زين:-انتو رايحين فين ؟
شمس:-حريه هتغير على ايدها وهنتمشى شويه
زين:-بليل كدا ؟
شمس:-يخصك ؟
زين:-بتكلميني انا كدا ؟
شمس:- انت شايف ايه
روفيدا :- يلا يا ماما عاوزه اتفسح
حريه:-يلا يا حبيبه ماما
*****
حسناء مظهره عدم الاهتمام:-هو انت زعلان مني
سليم :- هزعل منك ايه انتي بتقولي ولا بتعملي حاجه تزعل
حسناء :- ابن عمك هو اللي بدأ انا مالي
سليم :- انا مبتكلمش على عز انتو دايماً كدا
******
انتهي البارت رايكوا
البارت صغير جداً عارفه والله بس عشان عندنا خطوبه ف كتبته الفجر هعوضكوا في فصل بكره او هنزل فصل تاني بليل لما ارجع معلش تاني محدش يزعل
*****
حاجه تاني انا معرفش الروايه هتخلص امتى لسه في احداث كتير ف مش هكروتها وقت ما الاحداث تخلص هنهيها💜💜
