الفصل التالت
بقلمي/هدى سمير
ممنوع النقل دون علمي فضلاً
*****************************************
بينما على الجهه الاخري في منزل الفتيات يجمعن في غرفه متوسطه يوجد بها بعض الكراسي حول ترابيزه يتناولوا الطعام وسط ثرثره الصغيره روفيدا وغناء شمس وحسناء
-بس بقى صدعت انتو ايه مبتفصلوش خالص !
-لا
رمقتها بحده ولم تعيرها اهتمام ثم وجهت حديثها الي صغيرتها:-
-كلي يا رورو يلا عشان عاوزه انزل
-هنزل انا النهارده ياسطا
-اشمعنا النهارده يعني منا بنزل كل يوم ايه الحب نزل فجأه ولا خايفه عليا؟
-لا مش كدا طبعاً انا مش قادره الصراحه اروح المغسله ف روحي انتي وانا هنزل الحراچ بدالك بس كدا
هزت رأسها بالموافقه:-
-اشطا
رمقتهم حسناء بغيظ قائله وهى تشير نحوها:-
-وانا هعمل ايه لما انتي واختك تنزلوا
نظرت حريه الي صغيرتها بحب قائله:-
-هتقعدي مع حبيبت قلب ماما تدلعيها وتهشتكيها واياك ارجع تشتكي منك مش هخليكي تعرفي وشك في المرايا
انهت جملتها بنظره ارعبتها
-ياختي عليكي انتي وبنتك
-اسمعي الكلام وانتي ساكته يابت
-بيطلعوا امتى دول ..خاليكي في حالك الله يسترك بدل ما ازعلك مش عاجبك تعالي اقعدي معاها انتي وبلاش قرف !
-انا قرف !
-لا انتي قلبي من جواا
-انتي بتتنكي على ايه انا اللي مش عاوزه اقعد معاكي ياحسناء ياوحشه
انتهت الصغيره جملتها بعبوث محبب لهم
حملتها حسناء سريعاً بعد انهائها للجمله تلاعبها قائله:-
-شوف لئم البت طالعه زي امها عارفه ازاي تدخلي من ثغراتي
-حبيبت ماما يا ناس ..انتي كدا بنتي وحبيبتي وكفائه يلا باي انا بقى والعبي وبهدلي الشقه يا عيون ماما وخالتو حسناء هتنضفها وراكي
***********
-نعم يا نجوى خير ادينا قعدنا لواحدنا اهو قولي بقى عشان القاعده دي مش مريحاني من جوا
-لا ارتاح انا
-انتي ايه
-سيبني اكمل وانت تعرف انا ايه ومتقاطعنيش !
-حاضررر
-انا عاوزه اعرف اللي حصل بالتفاصيل
-تعرفي اللي حصل في ايه مش فاهم
-اللي حصل خلاك تقعد هنا ست سنين مش عاوز تنزل خالص
-سبب ايه مفيش سبب انا اللي مش حابب اني انزل يا عمتي لما احس اني عاوز او حابب اني انزل هنزل فوراً و بدون تردد لكن دلوقت مش مستعد وعندي شغل هنا مش هينفع انزل واسيبه سوري !
-غيره
-هو ايه اللي غيره ؟
-عاوزه السبب الحقيقي يا رحيم انا مش صغيره ولا هبله عشان اقتنع بسبب اهبل زي دا ..رحيم
-نعم
-اوعي تكون مش عاوز تنزل بسبب البت اللي اسمها حريه دي !
نظر ليها سريعاً وما ان لبث حتى هز رأسه بسرعه نافياً قائلاً :-
-حريه ايه يانجوى انتي بتهزري بقى
-ما هى ملهاش سبب تاني غير كدا ولا ايه اللي كان هيرجعك هنا تاني بعد ما كنت نازل وناوي انك تستقر معانا وفجأه اتغير كل حاجه بعد موضوعها !
هز رأسه نافياً ثم قال لها بجمود و هو يعدل من ملابسه ويتظاهر بعدم الاهتمام:-
-مفيش الكلام دا وهى مالهاش علاقه مش عارف انتي ازاي ربطي الموضوعين ببعض ؟ او انتو ازاي فكرتوا كدا ..ايه اللي جد في حياتي مش فاهم انا كنت قاعد هنا و قررت اني انزل واستقر معاكوا وبعدها ما ارتحتش هناك فـ رجعت تاني ايه اللي حصل بقى ليه مصممين ان في حاجه حصلت خلتني رجعت لو سمحت محدش يكلمني في الموضوع دا تاني اذا سمحتوا
انهي كلامه وهو يغادر الغرفه اوقفه صوت عمته القائل:-
-انت متأكد من اللي بتقوله
-مبقولش حاجه غير وانا متأكد منها
***********
تأفأفت بملل تاركه العابها ثم توجهت نحو حسناء الجالسه امام التلفاز تتابعه بأهتمام
-انتي
حولت نظرتها نحوها بصدمه من طريقه حديثها معها:-
-ايه انتي دي ؟!
-كلميني
-اكلمك ازاي ؟
-زي كدا.. هتقعدي معايا تبقى تكلميني
-ما انا بكلمك اهو !
-لا انتي كدا مبتكلمنيش
-بت انتي قومي من وشي كملي لعب في المكعبات اللي كنتي بتلعبي بيها دي او روحي اعملي واجب الحضانه قبل ما ماما تيجي تزعل منك
-خلصت الواجب وانا قاعده في الحضانه عشان اجي اقعد
-طب روحي العبي بالمكعبات
-لا
-طب نامي !
-لا تعالي العبي معايا
-لا مش قادره
- هقول لـ ماما لما تيجي انك ضربتيني وخلتيني انام معيطه
اتسعت عيناها بعدم تصديق قائله وهى تشير على نفسها:-
-انا فين دا انتي هتتبلي عليا يا بنت حريه
-اسمها حريه حاف كدا دا انتي ختي علينا اوي
********
-يلا يا حريه عشان الوقت اتأخر
-انتي فين
-هخلي عم حسن يقفل الحاجه وجايه
-طب خلاص هقعد سعيد بدالي واجي
-اشطا ورني اجيلك
-ماشي باي
-باي
********
في قصر آل نصار
بداخل الجناح المخصص لـ سليم نصار يجلس امام ابنة عمته يحادثها عبر الانترنت
-وبس يا ستي وقولتله مش هحلها
-ما هى كدا معملتلكش حاجه ؟
-والبوكس اللي خدته في وشي دا عند مين
-بوكس ولا قلم !
-بوكس انتي بتفهمي منين..؟
-هتلاقيها شايله منك من ساعه ما خليتها نازله على السلم و وقعتها
-صدقي صح
-ايه دا انت روحت فين
-هنا اهو
-حط الكاميرا على وشك حاططها على دقنك ليه هو انا هحلقهالك ولا حاجه ؟
-متستاهليش تشوفي وشي !
-اما انت سلاله قرود صحيح غور يا سليم مش عاوزه اكلمك خلااص
-لسانك
-مالكش دعوه بيه خاليك في اللي مسخرتك يا حبيبي
-هى بقت كدا يعني
-اه
-ولما بتشوفيني بتجيبي ورا
-هو فين زين
-ايه السؤال المستفز دا الساعه1:00 يعني اكيد نايم في جناحه
-ما براحه يا عم انت
-بلا براحه بلا مش براحه ..ششش سلام دا انتي بت اعوذ بالله
- مااااشي يا بتاااع حسنااااء
*********
صباح يوم جديد مليئ بالاحداث على الجميع بالفرع الرئيسي لمجموعه شركات آل نصار بمكتب سليم نصار يجلس هو حريه مساعدته الجديده بعدما ابدلها زين مكان حسناء
قال بجديه بعدما انهي حديثه معها:-
-فهمتي كدا نظامي ايه ؟
-ايوه
-تمام تقدري تتفضلي انتي
-بعد اذنك
-انا قولتلك امشي
-ما انت لسه قايل اتفضلي انتي
-بجد
-اه
-ولسه واقفه ..اتفضلي ياختي براا
قليل الذوق اوي
نطقتها بهمس قبل ان ترحل من امامه
**********
-جايه متأخره نص ساعه والنظام دا مينفعش معايا
-معلشش
-نعم ؟
-معلش يا مستر سيف مش هتتكرر تاني
-دا اللي هيحصل فعلاً لان اي تغيير تاني برا الشركه من نفسك كدا اتفضلي انتي اكيد عارفه النظام من شغلك مع سليم
-ايوه عارفه
-تمام اتفضلي هتلاقي الورق برا تقري وتظبطي وادخلي تاني عشان اراجعه بنفسي قبل الميتنج
-حاضر
خرجت من مكتبه بغيظ كابته غضبها بداخلها
-كان مالو سليم كنت بتأخر والدنيا زي الفل ايه اللي خلاني اتأمر عليه كانت ايدي اتقطعت قبل ما اديك بالبوكس
*********
-هيعمل ايه يعني
-يا زين هو عاوز الصفقه دي بأي طريقه بيقول اننا خسرنا صفقات كتيرر ومحتاج يعني عشان يرجع يقف تاني في السوق
-انا مش عاوزه يقف على الاقل دلوقت !
-اشمعنا
-عشان انا عاوز كدا اعمل اللي انا قولتلك عليه يا عزز وبس
-ماشي بدماغك يابن عمي هجهز انا بقى قبل الاجتماع ما يبدء
-تمام
-كلم منار سألت عليك امبارح سليم واتصلت النهارده بيك بس انت كنت جوا الاجتماع
-هتصل بيها بعد الاجتماع عشان رغايه اوي زيك كدا
-متشكرين يا رجوله
******
-ايه دا انا قولتلك تعملي كدا ؟
-هو ايه اللي كدا عملت زي ما قولتلي وانت قولت نظامك زي نظام سليم !
ضرب المكتب بيده بعصبيه قائلاً بغضب عاارم:-
-سليم كان بيخليكي تعملي كدا ..ليه قاعدين في حضانه عشان ترتبي الورق حسب حجمه وانا العب بازل بقى ارتب كل ورقه مع الملف اللي تبعها اييييه التهرييييج دا يا استاذه احنا بنلعب هناا !
رفعت يدها بوجهه تحذره قائله بتهديد:-
-متزعقششش !
-انتي تسكتي خالص وايدك دي جمبك احسنلك
-بقولك متزعقش احسنلك
-اتكلمي عدل ويلا على مكتبك واعدلي المهرجان دا في دقيقتين
-اعدل 100 ورقه في دقيقتين ليه ساحر !
-اعملي اللي قولته يلاا من غير نقاش وخلي بالك دي اخر فرصه ليكي انا مبديش لحد فرصه نهائي هعتبر دي عشان انا معرفتكيش نظامي واديكي عرفتي اهو غلطه تاني مش هرحمك !
-هتعملي ايه يعني
-برا
-برا برا هتطردني من الجنه ياعني كنت طالعه اصلاً
*********
-صباح الخير
-صباح النور يا عيوني اتأخرت النهارده ليه كدا مش عادتك يعني
-كنت بعمل شغل فوق يا نجوى
-طب اقعد افطر
-لا ماليش نفس..يلا يامنار ولا هتيجي ورايا.
-لا انا جاهزه كنت مستنياك يلا بينا
-هترجعوا امتى
-اما نخلص يا نجوى
-هستناكوا باي
-باي يا مامي
ظلت جالسه مكانها حتى تأكدت انهم غادرو بالفعل ثم توجهت نحو المطبخ
-نهي
-نعم يا هنام
-عرفتي حاجه ؟
-لا يا هنام دا حتى زين بيه كلمه امبارح وبرضو قال نفس الكلام بتاع كل مره وحاولت كذا مره اشوف نوته ولا اي حاجه يكون بيكتب فيها مالقتش واللاب توب بتاعه معموله كلمه سر فـ معرفتش افتحه
-تمام روحي انتي وخاليكي ورا برضو يمكن نعرف حاجه هو مش عاوز يقولها اما نشوف اخرتها ايه
*********
-فين الورق يا سيف انت بتهزر ايه اللي معمول دا ؟!!
نطق بها زين بغضب عارم
-مش عارف راحت فين البلوه اللي انت بلتني بيها راحت لغبطت الورق كله في بعضه انا قولتلها ظبطي الورق قبل الاجتماع معرفش راحت فين ديي ما كان معايا حريه وكانت فاهمه نظامي ونظام شغلي
-حد يروح يشوفها فين دلوقتي حاالاً وناديلي سليم يا عز
-انا هنا اهو
-تعالي يا بيه شوف سبب استهتارك معاها وصلنا لايه
-هى مين ؟
-حسناء
-مالها
-شوف عملت ايه في الورق خلت ورق اهم الصفقات جمع واكسب اتفضل جمعه بقى عشان ناقص خمس دقائق ونبدء الاجتماع
-وهى فين !
-معرفش راحت فين اما ترجعلي دي مبقتش شركه بقت ملاهي اللي عاوز يدخل يدخل بمزاجه واللي عاوز يخرج يخرج من غير اذن ومبقاش في احترام مواعيد
-خلاص يا زين اهدي
-اهدي ازاي والشركه بقت كداا انا هوريهم كلهم بعد الميتنج ما يخلص هعرف كل واحد ازاي يشتغل ويحترم مواعيده والشغل اللي هو فيه واولهم التلات بنات دول !
***************
انتهي الفصل التالت
رايكوا
البارت بيعمل نسبه ڤيو كبيره والڤوت مفيش ازاي ؟
