الفصل التاني
بقلمي/هدى سمير
ممنوع النقل من دون اذني فضلاً
*****************************************
مر عده ساعات عليهم ظلوا يعملوا كلاً منهما حتى اتي موعد الراحه المخصص لهم ذهبوا فيه يتناولوا غدائهن فذهبت شمس الي حريه بعدما قابلت حسناء في طريقها اليها
-يلا يا حريه اتأخرنا دي هى كلها نص ساعه بريك
-الصبر كنت بكلم روفيدا
-ياسر بيقولي ان سليم صرفلنا نص شهر !
-ودا ليه ان شاء الله هو هيمن علينا ولا كان ناقصنا حاجه
-معرفش بقى يا حريه هو قالي كدا ..اكيد يعني حس ان مستر زين كان قاسي شويه في قراره دا ف حب يعني انو يخففه بطريقه غير مباشره
-يا جدعان خلاص بطريقه مباشره او غير مباشره المهم اننا استفادنا في الاخر وبعدين يا حريه هو مش هيمن علينا ولا حاجه ولا احنا عواطليه عشان يمن علينا او يدينا حسنه احنا بنشتغل هنا وهما لو ساكتين على التأخير دا فهما برضو مش من الباب للطاق كدا ما هما بيخصموا مننا مرتبنا ف يلاا بقى عشان نلحق ناكلنا حاجه مش هيبقى موت وخراب ديار
*************
بداخل مكتب زين آل نصار
-هترجع امتى
-وانا قولت امتى اني راجع عشان هرجع امتى انا طول عمري هنا وهفضل هنا !
-انت طول عمرك معانا هنا وهتفضل معانا هنا مش عشان بتدير الشركه هناك يبقى خلاص تقول كدا
-طيب ياسيدي انا هرجع اوكي ..طب مين اللي هيدير الشركه هنا خيالي ؟
-انت مقتنع باللي بتقوله دا ..و لازمه الموظفين الكفأ ايه مش عشان يشيلوا عننا وبعدين متتحججش انت بس ويوم ما تنوي هتلاقي ميت الف سبب يخلوك تنزل زي ما عملت قبل كدا
-لا انا كدا حلو..اومال عمتي عامله ايه
-مستنياك ومتوهش في الموضوع وقول على طول راجع امتى
هز رأسه بعصبيه قائلاً:-
-وبعدين بقى يا زين انا زهقت بجد مش كل ما اكلمك تفتحلي الموضوع دا انا مش نازل ولا هنزل ولا ناوي انزل اصلاً انا هعيش هنا واديك انت وعمتو وسليم والباقي بتيجوا هنا لما بتحبو فـ ليه انزل بقى او انزل ليه اصلاً
-مش هتنزل ليه اعرف ؟
-من غيرما تعرف انا مش عاوز انزل انا مش حابب العيشه هنا ولا واخد عليها انزل ليه
-ودا من امتى ان شاء الله اول مره اعرف الكلام دا مكانش كلامك من ست سنين ليه ؟
-ست سنين ؟!
انت بتتكلم في ست سنين حاجات كتير فيهم اتغيرت و اولهم طريقه تفكيري اللي انت بتتكلم عنها دلوقت اتغيرت نهائي ومتفتحش الموضوع دا تاني ممكن ؟
-اللي انت عمال تلقح عليا بيه من الصبح !
-انا لقحت فين دا ..المهم
-ايه المهم
-اما اشوفك سلام
***
بعد انتهاء المكالمه ..على الجانب الاخر ظل رحيم يفكر في كلام ابن عمه ورفيقه هو معه كل الحق في كل ما تفوه به فهو الي الان لم ولا يسامح نفسه على اذيته للغير خرج من شروده واكمل عمله الذي ينهك به عقله وجسده من التفكير فيما مضي الذي لم يجلب له غير الحزين الشديد و السخط على نفسه اكثر ف اكثر !
قاطع تفكيره دلوف ابنة عمته
فنظر اليها قائلاً بأهتمام:-
-خير يا منار
-كنت عاوزه اقولك ان مامي جايه وهروح عشان استقبلها في المطار ف شيل انت شويه عني ومش هتأخر
قام من مجلسه متجهاً الي باب مكتبه قائلاً بسعاده :-
-نجوى جايه ومحدش يقولي طب والله عيب ماشي اما اشوفك يا زين دا لسه مكلمني ومقالش حاجه خالص
-رايح فين
-رايح لـ نوجا حبيبتي يلاا
-طب والشركه هنسيبها كدا من غير حد منا قاعد فيها
توقف متذكراً حديث زين فـ ابتسم قائلاً:-
-هو احنا فاتحين محل كشري والموظفين الكفأ لازمتهم ايه هاا يلا بينا !
*********
-دا على اساس اني بحب اشوف وشك بقى وكدا ؟
-خلاص ياحريه ..خلاص يامستر سليم حصل خير
-لا مش خير وطول ما الاشكال دي هنا مش هيبقى خير خالص
-احترم نفسك يا سليم بدل ما ازعلك
نظر لها بصدمه ثم قال بغض عارم وصوت عال مصطنع:-
-استاذ سليم اوعي تشيلي الالقاب وشغلك تحترمي هو ومواعيدك لاما كدا مع السلامه ياختي !
-هو انا بشتغل على دماغك وانا معرفش ولا اكون باخد حته من مرتبك بطل غل مني شويه !
ضحك بسخريه قائلاً بأستهزاء:-
-انا اغل منك انتي ههه ليه بقى ان شاء الله
همت بالذهاب من امامه قائله بجمود:-
-معرفش اسأل نفسك واذا كان على الشغل سيباهولك مخضر بصاحبه كتك القرف انت وشغلك عيل رخم
********
ظل يتابع شجارهما بواسطه الكاميرا المواصله له بصمت تام حتى رأها تخرج من الشركه بأكملها خلفها شقيقتها وابنه خالتهم بعدما سددت حسناء له لكمه على غفله منه فقام متوجهاً له بعدما شاهد العمال وهما يحاولان الفصال بينه وبين تلك الفتايات الذي يحاول الوصول اليهم
-سلييم !
ابتعد عنه العمال والموظفين عقب سامع صوته وانسحب كلاً منهما على عمله بهدوء بينما تراجع زين وعاد الي مكتبه ولاحقه سليم بعصبيه مفرطه:-
-شوفت البت عملت ايه خدتني على خوانه..انا مش هحلها وربي ل تشوف هعمل فيهم ايه اللي كان مسكتني عليهم خلاص راح بعد كدا هيشوفوا مني وش عمرهم ما شافوا
نظر له زين قليلاً ثم قال بهدوء:-
-هى مين دي
-حسناء
-وانت مشكلتك مع حريه ولا حسناء
-لا حريه مش مهم كدا كدا بتخانق معاها على وبترجع تاني يوم عادي ولا كأن حاجه حصلت انما البت دي انا وهى والزمن طويل ماشي يا انا يا انتي يابنت اللدينه انتي
-انت شكلك لسه طالع من فيلم ابيض واسود غور على يلا هى ناقصه عبط ومالكش دعوه ولا بحسناء ولا بعيال خالتها انت فاهم !
-ودا من ايه
-انت تسمع الكلام وانت ساكت مش عاوز حد يضايقهم مفهوم ؟
-لا بس
قاطعه قائلاً بصرامه لا تقبل النقاش نهائياً:-
-مفهوووم ؟
اومأ له على مضض ثم انصرف الي مكتبه وهو يرمي بكلام ابن عمه عرض الحائط ويتوعد ل حسناء
-برضو هوريكي مين اللي يتضرب بالقلم كدا ماشي يا حسناء ماشيي
*********
بعدما خرج سليم اخرج زين هاتفه أمراً مساعدته بتغير وظيفه كلاً من حسناء ونقلها الي مكتب سكرتاريه سيف ابن خالته وحريه الي مكتب سكرتاريه سليم لانه يعرف تصرفاته الحمقاء اثناء غضبه
*********
-خلاص بقى اهمدي نفسي اتقطع من كتر الجري وراكي
نطقتها شمس وهى تلتقت انفاسها بصعوبه من كثره الركض ورأها فأكملت حسناء قائله:-
- انتي زعلتي وجريتي كدا ليه ما كلنا عارفين ان انتي وسليم على طول بتنكشوا في بعض ايه اللي جرى بقى
-حسيت اني مخنوقه اوي
-من ايه
ابتلعت لعابها في محاوله منها لكبت بكائها قائله:-
-من ايه ؟ انتي بجد بتسألي مخنوقه من كل حاجه وكل الناس حاسه ان في حد قاعد على قلبي ومش عارفه اخد نفسي حاسه اني بتخنق بالبطئ
احتضنتها شمس و حسناء بصمت ودموعهن اخذت في النزول ظل السكون سائداً بينهم حتى قررت حريه ان تقطعه ف ابتعدت عنهم قائله بهدوء:-
-حاسه اني ارتحت كتيرر جداً يلا نرجع بقى
-نرجع فين ؟
-الشركه
-نععععععمممم !
-في ايه يا حسناء
-هو ايه اللي في ايه دا في بلاوي انا ضربته بالبوكس
-هو ميين !
-سليم
نظرت لها بصدمه قائله:-
-قولي انك بتهزري
-لا مبهزرش ضربته فعلاً بس معرفش ليه انا حسيته اهانك المرادي زياده عن كل مره مستحملتش روحت ضرباه وجريت على طول
-وجريتي ليه يا سبع البرومبه
-افردي جري ورايا وقفشني و رد البوكس كان هيبقى شكلي ايه ساعتها قدام نص الشركه اللي احنا ضربينهم سوى هاا ؟
-تستاهلي احسن لو كان ضربك
هزت رأسها بغرور قائله:-
-لا هو ولا عيتله يقدروا يعملوها يا حبيبتي
نظرت لها قائله بنبره ذات مغزي لها :-
-طب يلا نروح
ابلعت لعابه قائله بصوت مهزوز بعض الشئ:-
-ل..لا مش هروح الشركه دا تاني هروح اشتغل في اي حتة غير دي
-يابنتي الناس بتتمني انها تشتغل في الشركه دي وانتي عاوزه تسيبيها انتي جرى لعقلك حاجه ؟
-ايوه انا عادي مش مهم ان اسم الشركه قد ما هو مهم انو يكون في احترام ورقي في التعامل مع الموظفيين اللي فيها
-تقدير ايه مش لما احنا نقدرهم شويه هما يقدروني احنا مفيش يوم روحنا في ميعادنا من ساعه ما اشتغلنا سوى صح ولا مش صح
-ايوه حصل
-يبقى يلا
-لا مش يلا انا مروحه عشان تعبانه اصلاً ابقوا خدولي اجازه مفتوحه لحد ما اخف على مهلي
-ليه عندك ايه
-صداع
*************
على الجهه الاخري في المطار حيث رحيم ينتظر عمته هو وابنتها منار ظلوا منتظرين حتى رؤوها قادمه نحوهم فهرولوا اليه في سعاده ..احتضنها رحيم بفرحه من وجودها بجانبه في تلك الوقت خصيصاً
-اوعي بقى يا رحيم عاوزه اسلم على ماميي
-بس ياحبيبتي ابعدي قال اوعي قال
-بس يا ولد عيب تكلمها كدا
ابتعد عنها على مضض قائلاً بعبوث محبب لها:-
-يا نجوى ميت مره اقولك متقوليش يا ولد دي وخصوصاً قدام الرزله بنتك دي ماشي ؟
-لا مش ماشي و يلا روحني البيت لسه في كلام كتير عاوزه اقوله
-كلام بخصوص ايه
نظرت له بخبث قائله:-
-هو لازم يكون في كلام بخصوص حاجه عشان نتكلم سوى
-لا
-يبقى يلا بينا على البيت
************
اتي الليل على الجميع
في قصر آل نصار يجتمع كلاً من زين نصار وهو يترأس مائده الطعام على يمينه سيف ابن خالته وعلى الجهه الاخري سليم يتناولوا الطعام بصمت تام حتى قطعه سيف اخيراً قائلاً:-
-عمتو وصلت بالسلامه عند رحيم من ساعتين
-ولسه فاكر تقول
-دا على اساس انك معرفتش؟
-وحتى لو عرف انت المفروض تقولوا طالما قالك تقولي يعني تقوله انت فاهم؟
-انت بتكلمني انا كدا يالا ؟
-لا واسكت شويه
-اسكتوا انتو الاتنين
-اديني سكت اهو
-فين اخوك يا سيف
-نام من بدري
-بيتعب يا عيني
-مش قولتلك بس يا سليم
-حااضررر
-صحي عزز يا عطيه خلي ينزل يتعشى معانا
-حاضر يا بيه
**********
انتهي الفصل التاني
الفصل التالت في احداث كبيره وحلو هو بدايه الروايه+هنزلها يومياً ❤
رايكوا
****
الفصل الاول عامل نسبه ڤوت كبيره ومفيش ڤوت ليه لو مش عحباكوا انا ممكن الغيها
*****
محدش يقول الفصل صغير الله يباركلكوا كل فصل ولي احداث مينفعش ازود فيها عشان متملوش منها لو الفصل احداثه كتير هيبقى كبير ولو احداثه قليله هيبقى الفصل كلماته قليله واحنا عشان لسه ف اول الروايه ف طبيعي مفيش احداث كتير حصلت فيها عشان اقول ومتقلقوش الروايه صغيره خاالص يعني 15 ..14 فصل
****
واخيراً اكتبلكوا كل اسامي الشخصيات اللي ناويه انها هتطلع ولا اخليها كدا احسن اللي يريحكوا هعملوا ؟!
+بيقولوا ف روايه بنفس الاسم قولت خلاص هغير الاسم لكن يطلع ف روايه شبها فكداكتير انا بقالي3 شهور مقرأتش روايات كل دا حصل امتى😹
