الفصل التامن
بقلمي/هدى سمير
ممنوع النقل او الاقتباس دون علمي بذلك
* * * * * * * * * * * * * * * * * * * * * * * * * * *
خرج رحيم من المنزل بأكمله مختنقاً من حديث عمته عن طفلته فأخرج هاتفه عندما اصدر صوت رنين وما كان الا من ابنته الذي تحادثه من احدي مواقع التواصل الاجتماعي فجلس بداخل سيارته حتى يستطيع محادثتها
رحيم بحب ابوي غلبه الأشتياق:- حبيبت بابا القمر دا كله ملكي انا
الصغيره بطفوله ويدها تعبث بخصلاتها:- شكلي حلو يا رحيم ؟
رحيم بحنو:-الجمال بيغير منك يا عيوني
الصغيره مقلده اباها:- وانت كمان الجمال بيغير منك يا عيوني
ابتسم رحيم على حديثها العفوي قائلاً بجديه مصطنعه:- بتكلميني ازاي مش المفروض تكوني في الحضانه الوقت دا ؟
الصغيره:- افتكرلنا حاجه عدله يا عم
رحيم بصرامه خفيفه :- روفيدا ؟ ايه الكلام دا ؟
نكست روفيدا رأسها ارضاً قائله بأسف:- اسفه يا بابا
رحيم :- ارفعي راسك ومتوطيهاش تاني فاهمه
لم تفهم معني حديثه لكنها هزت راسها بالموافقه
رحيم بتسأول :- مروحتيش الحضانه بتاعتك ليه ؟
روفيدا بضيق:- حسناء راحت عليها نومه
رحيم بهدوء حتى يفهمها:- اولاً: اسمها خالتو حسناء مش حسناء عشان كدا عيب هى اكبر منك
ثانياً اخد نفس طويل ثم ازفره ببطئ قائلاً: مش ماما هى اللي بتوديكي كل يوم ايه اللي حصل
روفيدا:- خالتو حسناء قالتلها روحي انتي الشغل يا حريه وانا هوديها المدرسه
رحيم:-ومودتكيش ليه ؟
روفيدا :- عشان نامت
ابتسم رحيم على حسناء الذي لم تغيرها السنين حتى الان مازالت كما هى
رحيم:- صحيها اكلمها يا رورو
روفيدا بتكشيره :-مش راضيه تصحى اصلاً من الصبح وانا بحاول وهى كل ما تصحي تقولي **وحاولت تقليدها** تعالي نامي جمبي يا رورو النهاوده اجازه ولما اصحي هنلعب سوى ..كل شويه تقولي كدا وهى اصلاً لما بتصحي بتفضل تاكل ومتلعبش معايا
رحيم بأبتسامه على طفلته:- طبمراحتشالشغل ليه معاهم
روفيدا:- اترفدت
رحيم :- ايه ؟ ليه
روفيدا:- مش عارفه انا سمعت شمس الصبح بتقول ل حريه يلا نمشي احنا بدل ما نترفد زيها لما كنت عامله نفسي نايمه عشان مروحش الحضانه
قهقه رحيم على ابنته الذي كشف امرها بسهوله
* * * * * * * *
انطلقت الطائره بنجوى نصار وابنتها عائده بهم الي ارض الوطن تحت تفكير منار وكيف ستكون مقابلتها مع سيف بعد تلك السنين التي قدتها برفقه رحيم بالخارج ترى انه يحبها حتى الان ؟ ام كرهها منذ ان سافرت بعدما طلقها تلك الفهد ؟
:- بتفكري في ايه يا موني
خرجت من شرودها على صوت والدتها فأخذت نفس عميق وهزت راسها ببطئ
مناو:-مفيش بس سرحت ضويه
نجوي:-ماشي يا حبيبتي
منار بتسأول:- هو احنا هننزل على شقتنا ولا على القصر
نجوى بأشتياق:- هننزل على شقتنا .. ريحه حسين في كل حته في البيت وحشتني فيها عاوزه احس بوجوده حوليا في كل مكان
منار بدموع:- وحشني اوي يا ماما محتاجاله
احتصنتها نجوى بحزن قائله وهى تربت عليها
نجوى:- الله يرحمك يا حبيبي هو دلوقت في مكان احسن من هنا بكتير وسط ناس متعرفش النفاق ولا الكره ادعيله يا موني كل ما يوحشك ادعيله
منار:- حاضر ..بدعيله يا ماما والله بدعيله
* * * * *
عز:- انا ماشي بقى
سليم:- رايح فين
عز:- هروح اجيب عمته هىمنار بس الاول هعدي على البيت اغير هدومي وبعدها هطلع عليهم عاوز حاجه
سليم:- سلامتك
* * * * *
ذهبت حريه الي مكتب زين وبيدها ورقه
حريه لل سكرتاريه رباب دخليني ل زين
رباب:- استني شويه طيب عشان دلوقت متعصب جامد ولو دخلتي هنترمي انا وانتي في الشارع
حريه بتساول:- متعصب من ايه ؟
رباب بعدم معرفه السبب:-مش عارفه هو على طول لاما مضايق لاما متعصب بسبب ومن غير سبب
عز بتسأول:- ليه هو مجنون ؟
انتفضت حريه و رباب على صوت عز الذي جاء فجأه لهم
حريه:- ازيك يا عزوز
عز :- تمام يا حور
ثم حول بصره تجاه رباب قائلاً بأستفسار:- برضو مردتيش على سؤالي زين مجنون عشان يعمل كل حاجه كدا بسبب ومن غير سبب
رباب بأسف:- انا اسفه مستر عز مكانش قصدي
عز:- دي مش اجابه على سؤالي ؟
تدخلت حريه حتى تنهي ذلك الحوار قائله ل عز:- خلاص يا عزوز بقى قلبك ابيض ياحدع مشكدا الله ثم ان احنا اتنين وبينتكلم حشرت نفسك في وسطينا ليه هاا
عز مشيراً الي ونفسه:- انا حشري ؟ مش هرد عليكي عشان انا مستعجل
حريه بتساول:- رايح فين
عز:- وانتي مالك هو انتي مراتي
حريه:- انا غلطانه اني عاوزه اطمن عليك اولع يا عزوز مش هكلمك تاني ثم وجهت حديثها الي رباب الواقفه متابعه ما يحدث بصمت
حريه:- رباب دخليني لزين عشان عاوزه امشي انا
شد عز الورقه التي بيدها واخذ يقرأها وبعدما انهي قرأتها شقها نصفين بهدوء ثم دلف الي مكتب زين واغلقه ورأه
حريه بذهول:- يابن اللذينه يا عز قطعت الورقه ادعي عليك اقول ايه
رباب:- مالك هو كان فيها ايه
حريه:- دي استقالتي
رباب:- ليه كدا يا حريه
حريه:- وبعد تفكير عميق عرفت اني مش هينفع اكمل هنا تاني
رباب:- ليه كدا بس ..دا زين بيحبك وعز وسيف وكلنا انتي مش شايفه صابر عليكوا انتي واخواتك ازاي واي حد تاني لو بس غلط غلطه صغيره برا الشركه من غير كلام
حريه:- شايفه وعارفه بس كدا احسن لينا كلنا بكره رحيم هيرجع وساعتها مش هعرف افضل معاه في شركه واحده
رباب:-رحيم مسافر من اربع سنين ايه اللي هيخلي يرجع دلوقت
حريه:- يعني هو هيفضل طول عمره مسافر وبعيد عن اهلها ؟ ما اكيد هيجي عليه وقت وينزل يقعد وسطيهم
رباب:- ساعرها ابقي امشي بس دلوقت مشيانك مالوش لزوم
حريه:- انتي شايف كدا
رباب:- انا مش شايفه غير كدا
حريه:- ماشي ..اومال فين شمس
رباب:- مش عارفه والله كانت هنا دلوقت تلاقيها دخلت الحمام
حريه:- اوكي باي يا رورو عاوزه حاجه
رباب:-سلامتك يا حور
* * * * *
بكفتريا الشركه تجلس شمس تتابع موقع التواصل الاجتماعي فوجدت حسناء فاتحه
شمس بأستغراب:-فاتحه بدري كدا ليه دا انا قولت هتفضل نايمه لحد ما نرجع فتحت المحادثه الخاصه بهم بعثت لها رساله** فاتحه بدري كدا ليه** ثوان وصدح هاتفه برنين بعدما شاهدت الرساله فأجابت شمس قائله:-
شمس:- ابعتلك مسچ تقومي متصله بيا ؟ عاوزه ايه ياختي
روفيدا بضحك:- انا رورو يا شموسه
شمس بأستغراب:- رورو فاتحه الفيس ليه مش المفروض انك دلوقتي في الحضانه ازاي فاتحه من هناك وايميل حسناء كمان ؟
روفيدا:-منا مروحتش
شمس:-ليه
روفيدا:-حسناء نامت
شمس:- نايمه ؟ وانتي قاعده مع مين
روفيدا:- قاعده لواحدي
شمس بغضب حاولت ان تخفي:- طب قومي يا رورو صحي حسناء بسرعه عشان عاوزاها
روفيدا:- حاضرر
ذهبت الصغيره تحاه حسناء قائله وهى تهزها
روفيدا:-حسناء ..حسسناء..ححسسسننااءء اصحيي بقى لم ترد عليها فأقتربت من اذنيها قائله:- عاااااااااااااا
انتفضت حسناء من نومتها قائله بصوت عال ظناً منها ان قد اصيبت الصغيره بمكروه:-
حسناء بخوف:- روفيدا مالك في ايه حصلك حاجه ؟ اتعورتي ؟ وقعتي ..مبترديش ليه
صدح صوت شمس من الهاتف قائله بهدوء:-
شمس:- هترد ازاي وانتي مش سيبالها فرصه
سحبت حسناء هاتفها من بين ايدي الصغيره قائله وهى تفرك بأعينها:- عاوزه ايه يا شمس
شمس:-ازاي نايمه كدا وسايباها قاعده لواحدها افرضي دلخت المطبخ او وقفت في البلكونه
حسناء:-انا قولتلها تعالي نامي جمبي ف افتكرتها نامت
شمس:-ليه موديتهاش الحضانه
حسناء:- النهارده احازه
شمس:-مين قال كددا
حسناء:- انا طالما النهارده اول يوم ليا انا واصحي براحتي يبقى اجازه على الكل
شمس:- يا شيخه
حسناء:- سلام بقى عشان جعانه وعاوزه اكل
* * * * *
بداخل مكتب زين آل نصار
زين بنفاذ صبر:- بقالك ساعه بترغي يا عز عاوز ايه.
عز:- يا عم مش عاوز حاجه بسأل انت عاوز حاجه احيبلهالك
زين:- وانت رايح فين
عز:- يادي النيله السوده ما قولنا رايح اجيب عمتي ومنار من المطار
زين:- هى منار جايه معاها
عز:- اه جايه
زين:- ماشي روحي هاتهم يلا
عز:- عاوز حاجه اجيبهالك وانا جاي ؟
زين:- لا..لو عوزت هتصل بيك
عز:-تمام
خرج عز من مكتب زين متجه نحو رباب الذي وقفت فور خروجه
عز:- معرفتش اجابه سؤالي
رباب:- سؤال ايه يا فندم
عز:-زين مجنون ؟
رباب نافيه:- انا اسفه يافندم والله ما كنت اقصد
عز:- لا هقول ل زين وهو يعرف انتي كنتي تقصدي ولا متقصديش
ترقرت الدموع بأعينها قائله بنبره بكاء حاولت قدر المستطاع اخفائها:- اسفه والله مكانش قصدي سوري
تراجع عز عندما شاهد بكائها قائلاً بندم:- انا بهزر يا منار مش هقوله حاجه وبعدين محدش يقدر يعملك حاجه وانا موجود
لم ترد عليه واخذت في البكاء في صاحبه شخصيه حساسه جداً تبكي من اقل شيئ
جلس عز على المكتب الخاص بها قائلاً بحنو :-خلاص يا رباب مكتنش قصدي بجد كنت بهزر معاكي
هزت راسها بشهقات من حين ل لاخر قائله بتقطع بنبرتها من بكائها:- ما ما ماشي
* * * * *
قابلت حريه شمس وهى عائده الي مكتبها
حريه بتساول:-كنتي فين
شمس:-كنت في الكفتيريا قاعده شويه
حريه:- ماشي اما اخلص الشغل اللي معايا هجيلك
شمس:- ماشي يا حبيبتي باي
* * * * *
ذهب عز الي منزل ابدل ملابسه ثم توجه الي المطار واصطحب عمته وابنتها
نجوى:- لا اطلع على بيتي يا متولي
عز بتساول:- ليه يا عمته
نجوى بأشتياق:- بيتي وحشني يا عز عاوزه اقعد في شويه
عز بتفاهم:- اللي تشوفي
منار:- وانا هرجع مع عز على الشركه يا ماما
نجوى بنفي :-لا هتروحي معايا على البيت تستريحي من السفر وبكره انزلي
عز مؤيداً حديث عمته:- عمته معاها حق يا موني روحي معاها استريحي والشغل مش هيطير يعني !
نجوى:- قولها
مر اسبوع كاملاً بعد عوده نجوى وابنتها ونزول منار الشركه وسفر سيف المفاجئ بسبب عطل في احدي الشركات بعد عوده منار بعده ساعات دون ان يراها
* * * * *
بمنزل شمس وحريه
صدح صوت الباب فذهبت شمس حتى ترى من الزأر
شمس:- مين
؟؟:- مفاجأه مش كدا ؟
* * * * *
انتهي البارت
رايكوا يهمني
.............
صلوا ع النبي كدا
مبدئياً انا لسه مخلصه الفصل ومراجعتوش ف لو في اخطاء املائيه سوري
ثانياً اللي عاوزين مشاهد بين الابطال من بكره بأذن الله
