الفصل الرابع والعشرون
بقلمي:-هدى سمير
ممنوع النقل او الاقتباس دون علمي بذلك فضلاً
الڤوت قبل القراءه
قراءه ممتعه
****************************************
نجوى:- ها قولولي بقى في ايه
نظروا الي بعضهم دون فهم
سليم:-في ايه في ايه يا نوجا
نجوى:-في ايه مالكوا يعني فيكوا حاجه مش طبيعيه بقالكوا كذا يوم وانا ساكته ومستنياكوا تيجيوا تقولوا من نفسكم بس الظهار ان محدش هيقول ف فتحت انا الموضوع اتفضلوا بقى قولولي في ايه
سيف:- كل ما في الموضوع يا نوجا يا قمر إنتِ ان احنا نوينا والنيه لله اننا نتلم
نجوى:- بركه الف حمد وشكر ليك يارب وعاوزيني انا المكوا ؟
سيف بنفي:-لا احنا عاوزين لم من نوع تاني ابو كوشه وبدله وفستان وافرحي يا عروسه انا العريس
نجوى:-ما انت فرحك كام شهر وهتتلم عاوز ايه تاني
عز:-نتلم معاه
نجوى بسعاده:-عاوزين تتجوزوا
عز :- اه
نجوى بترقب:- ومين هما بقى
عز :- ما انتِ عارفاهم هو في غيرهم
نجوى :- قرايب ولا اخوات البت اللي اسمها حريه !
عز :- اه هما
نجوى بعصبيه وهى تضرب مائده الطعام:- لا انتو اكيد اتجننتوا رسمي بقى انا ما اصدق اننا بعدنا عنهم تيجوا انتو عاوزين ترجعونا تاني وكان لازمتها ايه من الاول
زين بهدوء :-اولاً يا عمتي مش احنا اللي بعدنا عنهم لا حريه هى اللي رفعت قضيه خلع على رحيم بعد ما سابها وسافر
نجوى:- وسابها وسافر ليه مش عشان هى قرفته في عيشته وخليته يسيب بلده واهله ويتغرب برا
تجاهل زين كلامها واكمل:-ثانياً احنا اللي دخلنا حياتهم مش العكس
نجوى:- وانت بتدافع عنهم ليه يا زين
زين بضحك:- عشان انا كمان عاوز اتلم
***********
اركن رحيم سيارته على بعد من منزل حريه
رحيم بهمس وهو ينظر بعيناها:- هتنزلي
حريه بهمس مثله:- المفروض
رحيم على حالته :-كلها ايام وتبقي معايا دايماً وفي حضني
حريه :-يااارب
رحيم :- انا اسف
حريه :-على ايه
رحيم :- على كل اللي فات وعلى كل لحظه انا بعدت عنك فيها وعلى كل وقت كنتي محتجاني فيه وكنت بعيد عنك اسف على كل حاجه
حريع :- مش عاوزه اتكلم في اللي فات ولا عاوزه افكر في ولا افتكره خالينا في دلوقتي ممكن !
انهت جملتها وهى تدفن جسدها بداخله فبادلها الحضن بأشتياق
رحيم :- ما تنزلي بدل ما يحصل حاجه مش لطيفه خالص
حريه :- ما انا بقول كدا برضو
ترجلت حريه من السياره متجه نحو منزلها تحت انظار حريه لها حتى اختفت داخل منزلها فقاد سيارته الي بيتهم الذي كان يجمعهم سوياً
*********
في منتصف الليل
عز:- وبعدين في الملل دا بقى
سليم :- اقوم ارقصلك يعني
عز وهو ينظر اليه بأشمئزاز:- انا كلمتك انت يالا !
سليم :- ايه النظره المحتكره دي
عز:-دي مبتظهرش غير للغوالي
سليم بعدم فهم:-غوالي !
عز:-الغاليين يعني
زين :-فين رحيم
سليم :- مش عارف بس اللي متأكد منه انها ولعانه معاه
رحيم من خلفه :- تولع معاك بأذن الله زيي قادر يا كريم
انتفض سليم من مجلسه عقب سماعها صوته قائلاً بخوف مصطنع:-ايه يا برو انا بهزر
زين :- اومال انت كنت فين
رحيم :- كنت بجيب حاجات من شقتي
نجوى وتهى تترجل الدرجات حتى تصل اليهم :-كويس انك جيت يا رحيم
رحيم :- خير يا نوجا
نجوى:-شوفهم عاوزين يعملوا ايه
رحيم :- يعملوا ايه في ايه ؟
ثم نظر اليهم بأستفسار فحكى له سليم الحديث الذي دار في غيابه وعندما انتهي نظر رحيم اليه نجوى قائلاً:- وفيها ايه هما هيعملوا حاجه غلط او حرام دا جواز
نجوى بعصبيه :- انت كمان هتقول جواز
وقف رحيم امامها قائلاً بهدوء :- من غير عصبيه انتي عارفه من الاول انهم بيحبوا بعض مش كدا ولا ايه يعني مش متفجأه ..
نجوى :- ايوه مش متفجأه بس مكنتش متخيله انها توصل لجواز
رحيم :- اومال كنتي فاكره انهم هيعلقوهم بيهم ويسيبوهم !
سيف :- ممكن خلاص بقى لحد هنا نوجا انتي ايه اللي يرضيكي ؟
نجوى :- انا مش عاوزه العيله دي تاني
سيف :- ليه
نجوى:- كدا انا مش بحبهم
سيف :- ما هو اكيد في سبب للكره دا
نجوى وهى تذهب الي جناحها مره اخري :-اعملوا اللي انتو عاوزينه انتو حرين
ذهبت من امامه ف ساد الصمت بعدما ذهب كلاً منها الي جناحه الخاص ف تبقى سيف و منار الذي كانت تتابع الحديث بصمت تام
سيف وهو يجلس بجانبها فأمسك يدها قائلاً:- ساكته ليه
منار :- هقول ايه
سيف :- متقلقيش هتقعد مع نفسها شويه هتوافق
منار :- عارفه
سيف :- اومال مالك في ايه
منار :-ماليش عاوزه انام
سيف:- طب تعالي يلا نطلع سوى
منار :- يلا
*********
شمس:-كلتي وشربتي وغيرتي هدومك ونيمتي روفيدا
حريه :- حصل
شمس :-احكي بقى كل حاجه بالتفاصيل
جلست حريه بالنصف على يمينها شمس وحسناء وعلى يسارها رباب فأخذت تقص لهم ما دار بينها وبين رحيم
احضتنهم بفرحه عندما انتهت من قص المقابله لهم قائله بفرحه :- انا انا فف فرحانه ااوي ااوي
شمس بفرحه لسعاده شقيقتها :- كنت عاوزاكي تشعللي شويه بس خلاص الحمدلله ان وشك رجع ينور تاني
حسناء ورباب:- مبروك مبرووك
حريه :-عقبال اللي في بالي
شمس :-وبتبصيلي كدا ليه
حسناء :- انتي مستنيه ايه يا شمس مش فاهمه ساكته ليه
شمس :- ما انا مش عارفه اعمل او اقول ايه
حسناء :-قولي اللي حساه
شمس:- ما انا باجي قدامه وبتلغبط وببقى عامله زي الهبله ومش عارفه اجمع كلمه واحده حتى
ظلوا يثرثرون حتى دلفت كلاً منهما الي غرفتها
**********
فجراً بمنزل رباب جائت جتى تنام فرن هاتفها برقمه
رباب :- لسه مانمتش
عز :-لا.. انتي نمتي ؟
رباب :- كنت لسه هنام
عز :- كلها شهر
رباب:- شهر على ايه
عز :- فرحنا.
رباب :- فرحنا ؟
عز:- اه هو انا مقولتلكيش اني نويت والنيه للهراني اتجوزك مع سيف ومنار ويبقى فرحتنا اتنين
رباب بفرحه :-بجد
عز:-ايوه بجد طبعاً
رباب :- بس يعني مش كدا بنستعجل
عز :- نعم يا ماما بتقولي ايه ؟
رباب :- لاا مبقولش حاجه
عز :- انتي في شقتك ولا عند حريه
رباب :- في شقتي
عز :- هتنامي لواحدك ليه روحي نامي معاهم
رباب :- لا بقى خلاص وبعدين انا بحب انام في شقتي بحس بوجود بابا ومانا حواليا
عز بتأثر:-الله يرحمه هما زمانهم في مكان احسن من هنا وفرحانيين بيكي دلوقت
رباب :- بجد يا عز
عز :- بجد يا روح عز
ظل عز معاها حتى غفت
*********
حسناء بهمس:- وبعدين كمل
سليم :- وبعدين دخل مكان كبير فاضي مفيهوش حد بس في عفش قليل وفضل يدور على البنت لحد ما لقاها نايمه في ركن محدش ياخد باله منه وكان وشها متعور من الاسود فنزل على ركبته لحد ما وصل لمستواها وشالها بالراحه وكأنها لؤلؤ حطها في اوضه كانت فاضيه مفيهاش غير سرير مسح وشها بأبيده بالهدوء عشان متصحاش وفضل يدور على ايه حاجه يوقف بيها النزيف اللي في دراعها بس ملقاش حاجه ف قلع قميصه عشانها وحطه على الحرج اللي بينذف وابتدت هى تفوق وتعيط من الوجع اللي في كتفها بس هو مكانش عارف يعمل ايه يوقفلها الوجع دا ف شالها بالراحه وفضل ماشي بيها زي البيبي ويهزها عشان تسكت
حسناء :- وسكتت
سليم :- سكتت..سكتت لما لقيت حبيبها هو كمان بينزف بس مش حاسس بوجعه من شده وجعه عليها ولما لاقيت نظره الرعب وقله الحيله عشان مش عارف يعملها حاجه
حسناء :- ياعيني وايه اللي حصل
سليم :- انتي مش بتنامي ليه
حسناء :- كا انا قولتلك احكيلي حدوته عشان اعرف انام
سليم :- اومال انا بعمل ايه دلوقتي معلش !
حسناء :-هى دي حدودته
سليم :- اومال دي ايه
حسناء :- انت بتخم عشان مفيش حدودته بتتحكي لاطفال فيها احضان وشالها وقلع قميصه والكلام دا
سليم :- منا مش بعرف احكي حواديت ولا حافظ ف حاولت اقول اي حاجه من المشاهد اللي في التليفزيون والروايات اللي منار كانت بتحكي عنها
*******
ستووب
كفايه لحد هنا عشان مفاضلش غير 3 ..4 فصول هنزلهم من غير مواعيد عشان لسه هكتبهم
