الفصل السابع
بقلمي:-هدى سميرر
ممنوع النقل دون علمي بذلك فضلاً
* * * * * * * * * * * * * * * * * * * * * * * * * * *
انهي سليم حديثه من زين ثم عاود الي مكتبه ظل بعض الوقت يعمل حتى زفر بضيق قائلاً وهو يفرك جبهته:-
سليم:-ايه الملل دا
ثم سحب هاتفه يبعث به ودون تردد كان يهاتفها
* * * *
تركت المكتب مره ثانيه دون الاذن منه بعدما عادت من المرحاض ذاهبه تجاه شقيقتها :-
حريه:-شموسه
شمس دون ان تنظر اليها:-نعم
حريه:-انا زهقت
شمس:-معلش
حريه:-بقولك زهقت تقولي معلش ؟ غوري مش عاوزه اقعد معاكي
شمس:-ماشي
حريه وهى تهم بالنهوض:-انا راجعه البيت
شمس:-ليه
اخذت نفس عميق قائله وهى تخرجه على مهل قائله بأختناق:-
حريه:-حاسه اني بكون مخنوقه وانا هنا مش طايقه المكان
قامت شمس من مجلسها تقترب منها لكي تحتضنها قائله وهى ترتب عليها بحنو:-
شمس:-ياحبيبتي انتي مش مضطره انك تقعدي هنا روحي يا حريه لو مش مرتاحه في الشغل سيبي خالص انتي ممكن تلاقي الف مكان يتمنى انو يقبلك في بس مش ممكن تقعدي في حته انتي مش حباها
حريه:-انتي شايفه كدا
شمس:- انا شايفه ان انتي اغلي من اي حاجه تانيه في الدنيا وان نفسيتك عندي اهم شيئ اي حاجه تانيه تتعوض لو انتي مشحابه المكان سيبي
هزت راسها نافيه قائله:-
حريه:-مش حكايه مش حباه حكايه اني مش قادره اتعايش مع الوضع الجديد
شمس:-الوضع دا بقالو ست سنين يعني مش جديد عليكي ياحريه
حريه:-ومين قال ان انا في الاربع سنين دول كنت عادي كدا ومش حاسه بـ حاجه لا حاسه بكل حاجه كأن لسه امبارح بس كنت بحاول اطنش
شمس:-طب وايه اللي جد
حريه بصوت مخنوق:-سمعته بيكلمه
شمس:-مين اللي كان بيكلمه
حريه:-خلاص يا شمس مش عاوزه اتكلم دلوقت لما نرجع
شمس وهى تتحرك من امامها وتقوم بطرق الباب الفاصل بينها وبين مكتب سيف قائله:-
شمس:-خاليكي هنا ثواني وراجعه على طول
انتظرتها حريه ولم تعقب
**ذاخل مكتب زين دلفت شمس بعدما اذن لها سيف بالدخول**
زين:-نعم يا شمس
شمس:-كنت عاوزه استأذن من حضرتك ساعتين
زين:- نعم ! ساعتين ؟ انتي بتهزري يا شمس ولا بتتكلمي جد
شمس بهدوء:- معلش يا استاذ زين بس انا محتاجه الساعتين دول
زين بتسأول واهتمام:-ليه فيكي حاجه ولا ايه ؟
نفت برأسها قائله:-لا بس كنت محتاجهم في حاجه تانيه
زين:-حاجه ايه يا شمس
شمس:- ليه
زين :- هو ايه اللي ليه انا مديرك ومن حقي لما تيجي تاخدي اذن تقوليلي السبب وانا احدد ساعتها السبب دا يستدعي اذن ولو يستدعي احدد يستدعي ساعتين كاملين وسط الشغل دا كله
شمس:-اظن دا من حقي انا شغاله هنا من اربع سنين ومخدتش احازه خالص بتأخر اه بس مش بأجز ف اعتقد لما اجي اطلب من حضرتك ساعتين بس وراجعه على طول مش بطلب يومين مثلاً ف المفروض انك توافق ولا ايه؟
زين:- بتتكلمي كدا ليه !
شمس بأدب وهدوئها المعتاد:- بتكلم ازاي يا فندم انا بطلب ساعتين مش اكتر ولو حضرتك مش موافق ماشي مفيش مشكله
زفر زين بأرهاق قائلاً وهو يفرك جبهته:-
زين:-روحي يا شمس وخدي باقي اليوم يا ستي راحه لو انتي زعلانه اوي كدا
شمس بهدوء اكثر بعد ما لاحظ ارهاقه الواضح:-
شمس:-لا ميرسي ساعتين و هرجع على طول متشكره جداً بعد اذن حضرتك
خرجت شمس من مكتبه ساحبه شقيقتها من يدها ثم سارو تجاه الباب الرئيسي للمقر حتى يستطيعوا التحدث اكثر دون حرج او حواجز من الذين في الشركه
شمس:- وادي ساعتين بريك ونص ساعه البريك بتوع كل يوم يعني معاكي ساعتبن ونص
حريه:-ساعتين ونص ايه انتي هتصاحبيني يا شمس ولا ايه
شمس بذهول:-هاا
حريه:-ها ايه مش عشان اتكلمنا سويه انك تاخدي عليا كدا وشداني من ايدي وسحباني وراكي من غير اذن
شمس:- ياللي مش بيطمر فيكي حاجه
حريه:-ماشي باي بقى معطلكيش
شمس بتسأول وغيظ:- رايحه فين دا انا واخده اذن ساعتين عشانك
حريه:-رايحه اتمشي مع نفسي عشان جرحي يلم بسرعه
شمس:- يا جدع
حريه:-اه
شمس وهى ترجع مره ثانيه الي المقر في غيظ:-
شمس:-انا غلطانه اصلاً اني عبرت واحده زيك ارجع شغلي احسنلك
حريه:-استني طيب
توقفت شمس ظناً من انها تمزح معها فقالت في ضيق مصطنع :-
شمس:-عاوزه ايه
حريه وهى تكمل سير بخطوات واسعه حتى تخطتها وذلفت داخل الشركه مره اخري فقالت بتشفي:-
حريه:- سبقتك هييه ..ثم اكملت ..خلي لسانك ينفعك بقى
شمس بغيظ مدبدبه في الارضيه:-
شمس:- رزله والله رزله وهرجعك ادام الملجئ اللي خدناكي منو يا زرله
* * * * *
:-يعني خلاص كدا يا نجوى نازله
قالها رحيم وهو يحضنها فبادلته الحضن قائله:-
نجوى:- اه يا حبيبي خلاص كدا انت عارف اني مش واخده على هنا وبحيلك انت عشان اقعد معاك
ثم اكملت بعبوس:-
نجوى:- بس ما شاء الله انت مش فاضيلي خالص ف هقعد ليه
رحيم:- حقك عليا معلش كان الشغل كتيرر وكنت فاكرك انك هتقعدي معايا اكتر من كدا
نجوى:-تتعوض يا حبيبي هنروح من بعض فين يا عني بس المرادي عاوزاك انت اللي تنزل مش انا اللي اجي
رحيم:- تاني يا نجوى تاني انتي مينفعش تعدي كلام بينا الا ولازم تحيبي سيره النزول دا
نجوى بتصميم:-ايوه لازم لحد ما تسمع الكلام انا خلاص كبرت ومفياش حيل كل شويه اتنطط واجيلك خلي عندك دم بقى
رحيم:-حاضر سبيها على الله
نجوى:- ونعم بالله ..هتيجي ؟
رحيم:- خلاص يا نحوى بقى عشان تلحقي الطياره
نحوى:- بتطردني ؟
رحيم وهو يشدد من احتضانها ويقبل رأسها:- مقدرش
نجوى:-حبيبي
منار :-خلاص بقى الله عاوزين نمشي
رحيم بتهكم:- مستعجله على ايه ؟
منار:- على كل حاجه صحابي وزين و سليم وعر وسيف وكلهم وحشوني وبالذات الصغننه انا اول حاحه هعملها هروحلها
نظرت لها نجوى بحده قائله:-
نجوى:- يلا با ختي يلا اسمها هروح انام مش هروح ازور حد
ابتعد عنها رحيم قائلاً بجمود وحده طفيفه:- انا بنتي مش حد يا عمتي انا بنتي بنت رحيم نصار يا عني اللي يتكلم عنها يقف وهو بيتكلم عنها
نجوى بحده:-انت بتكلمني انا كدا
لم يرد عليها وترك المنزل بأكمله حتى ترحل
جلست منار عقب خروجه من المنزل قائله بلوم:-
منار:-ليه يا ماما كدا بس
نجوى:-كدا ايه انتي مالك ومال البت دي
منار:- دي بنت اخويا يا امي يا انا عمتها
نجوى بزمجره :- انتي ولا عمتها ولا تعرفيها متقوليش عمتها دي تاني دي بنت بنت شوارع زي امها واهلها كلهم واوعط تاني مره تجيبي سيرتها هنا في البيت دا
منار:- ليه دا كله ايه سبب كرهك ليهم كدا
نجوى:-مين دول عشان اكرهم او احبهم ؟
هزت راسها بعدم فائده من تلك الحديث الذي لم يجلب فير زياده حده والدتها عليها ككل مره يقوم احد بفتح ذلك الحديث العقيم بالنسبه لوالدتها فقامت من مجلسها قائله بهدوء وهى تتجه نحو الباب :-
منار:-يلا يا ماما عشان نلحق الطياره سكلها مكتوب علينا كدا نختمها بخناق كل ما الموضوع يتفتح
* * * * * * *
كان يعمل بتركيز قاطعه طرق الباب فأذن للطارق بالدخول فكان الساعي الخاص بالشركه يحمل قطعه كيك وعصير فريش فسأله زين بأستفسار:-
زين:-مين طلب العصير والكيك دا انا مطلبتش حاجه ؟
الساعي بأحترام:- استاذه شمس يابيه هى اللي طلبت عصير فريش وكيكه لحضرتك وقالتلي اوديهم على هنا عشان حضرتك مكالتش حاجه من الصبح وجالك صداع
سكت زين لـ ثوان ثم قال :- طب تعالي خطهم واتفضل انت
الساعي:- تحت امرك يابيه تؤمر بحاجه تاني
زين:-لا اتفضل انت
خرج الساعي بينما ظل زين يفكر في شمس وكيف اهتمت بأمره فهو قد نسي تماماً ان يفطر قبل ان يأتي صباحاً الشركه واخذ يحدث نفسه في سره:-
زين:-خدت بالها اني مصدع واني مفطرتش الصبح وطلبت عصير طب ليه ما كان ممكن تقولي اطلبلك حاجه او انت مصدع خد مسكن ..انت بقيت تفكر كتير فيها يا زين وكدا مينفعش هى شغاله عندك بقالها اربع سنين ايه اللي جد ؟ مفيش حاجه جدت يييي ايه اللي انا بعمله دا بكلم نفسي زين نصار بقى يكلم نفسه !
* * * * * * * *
انتهي الفصل السابع
رايكوا
الروايه بتنزل يومياً ف اللي بلحق اكتب بنتزله
