الفصل العشرون
بقلمي:-هدى سمير
ممنوع النقل او الاقتباس دون علمي بذلك فضلاً
*****************************************
مر الاسبوع سريعاً عليهم حتى جاء يوم العطله
**صباحاً بمنزل حريه**
هزتها روفيدا بعبوس قائله:-اصحي بقى يا حريه الله
تململت في نومتها قائله:- ايه يا بسبوسه هنام شويه واقوم اوكي ؟
هزت راسها بنفي:-لا مش اوكي مش اوكي مش اوكي..اصحي اقعدي معايا
حريه :-اسمعي الكلام وتعالي نامي بس دلوقتي ولما اصحى نعمل كل حاجه
زفرت الصغيره بعبوس متدثره بحضن والدتها ساحبه يدها الي شعرها اخذت حريه تربت عليه في حركه محببه لها
********
حسناء :- انتي يا حجه انتي اصحي بقى قرفتيناا
شمس بنوم :-في حد يصحي حد كدا
حسناء :- اه في مش عاجبك اطلعي نامي برا عادي جداً
شمس :- عاوزه ايه يا حسناء من الاخر كدا
اعتدلت حسناء في جلوسها قائله بحماس:- عاوزاكي تصحي وتصحصحي كدا معاايا وتحكيلي
شمس :- احكيلك على ايه ؟
حسناء :- تحكيلي عنك انتي وزين
شمس:-ليه هتعملي كتاب لينا !
حسناء بضحكه سمجه:-دمك عسل مش قادره هموت
شمس:- غوري بعيد عني شكلك فاضيه روحي ياختي كلمي حبيب القلب ولا ..اه صح انا نسيت انو مبيكلمكيش
حسناء بغيظ منه ومنها:-صدقي انك رخمه زيه بالظبط غوري يا شمس نامي خلاص
عادت شمس الي نومها دون ان تتحدث وبقيت حسناء جالسه كما كانت تسترجاع اخر حديث دار بينهما منذ ثلاث ايام
**فلاش باك**
خرج كعادته معها منذ ان رجعت اليه والي مكتبه كما كانت واخذت تدندن بصوتها البشع المحبب له !
اسند سليم بكفيه اعلي المكتب قائلاً:- طب وبعدين !
حسناء :- وبعدين ايه اسكت مغنيش !
سليم بحب:- انتي تعملي اللي عاوزاه يا قمر
ابتسمت حسناء بخجل :-ميرسي
تأمل سليم بسمتها تلك التي تجعله يزداد عشقاً لها :-هو انتي ازاي بتعملي كدا
حسناء :-كدا اللي هو ايه !
سليم :- انك تخليني احبك من اول ما دخلتي الشركه دي . . من ضحكه منك احس ان الدنيا كلها فتحت ابوابها في وشي . . بسمتك تلقائي لما بشوفها ببتسم عليها . . نظرتك مليانه طفوله طفله بشكل بنت جميله مدوخاني وراها
اخفضت حسناء بصرها ارضاً بخجل:-انا كل دا دا كتيررر
سليم :-لا مش كتير انتي ماليه عليا حياتي كلها يا حسناء يمكن اغلب الوقت واخده كل شيء هزار وبس .. بس فيكي حاجه كدا مختلفه عن كل البنات فيكي سحر خاص او يمكن انا شايف كدا عشان بحبك شايفك مختلفه عن كله
ابتسمت بحب ثم تلاشت البسمه تلقائياً قائله بأستفسار:-وانت عرفت ازاي ان انا فيا حاجه مختلفه عن كل البنات ؟ كنت حبيتهم كلهم ؟ وقبل ما تحبني مكنتش شايف فيا حاجه مميزه صح ؟ كنت شايفني ايه انطق ساكت عشان تلاقي حجه حلوه تضحك بيها عليا منا المغفله بقى اللي هتصدق على طول
نظر لها بذهول قائلاً :- ايه دا اهدي يا ماما مش كدا انتي بالعه راديو ..صمت قليلاً ثم قال:-حسناء
حسناء :- نعم
سليم بجديه:-عاوز اتكلم معاكي في موضوع
حسناء بأهتمام:-قول
سليم:-نتغدى برا النهارده ونتكلم براحتنا بعيد عن جوا المكتب والخنقه دي
حسناء:-ماشي
ومر اليوم عليهم سريعاً حتى جاء موعد الانصراف فذهبت حسناء مع سليم بسيارته الي تحدي المطاعم التابعه لهم دلفوا الي الداخل وقام سليم بسحب كرسي لها حتى تجلس عليه ثم جلس امامها
نظر لها متسألاً:-عاوزه حاجه غير المانجا؟
هزت راسها نافيه فطلب كوب مانجا وفنجان قهوه له
حسناء :-قول سليم كنت عاوزني في ايه
سليم :- اول ما هندخل هنتكلم كدا مش نتغدي الاول
حسناء :- اه انجز في السريع كدا عشان اطير انا
اخذ نفساً طويلاً ثم زفره على مهلاً قائلاً وهو يشير بيده نحو فمها:-عاوزك في دا
حسناء بعدم فهم:-دا اللي هو ازاي لامؤخذه يعني !
تكلم سليم بهدوء :-دا اللي هو كلامك يا حسناء
حسناء :- ماله كلامي !
سليم بنفس هدوءه :-دا اللي هو مينفعش بنت صوتها يعلى بالمنظر دا حبيبتي انتو كائن رقيق زي ما بتقولوا حساس مينفعش حد يسمع صوته مينفعش بنت رقيقه تبقي ماشيه في الشارع ضحكتها موصله للشارع اللي جنبها وتقولك انا حره ! لا انتي مش حره مينفعش تلبسي ضيق والناس كلها تشوف جسمك قدامهم وتقولي اصل دي موضه وكله بيلبس كدا وغض بصرك ..اوكي هغض بصري بس انا هفضل اغض بصري والراجل اللي في بيتك وشايفك وانتي نازله كدا يغض بصره عنك ؟ طب واللي خلقنا كلنا وشايف اللي بتعملي واللي انا بعمله تفتكري هيغض بصره عنك ؟
حسناء :- وانت بتقولي انا الكلام دا كله ليه ؟ شايفني بنزل من البيت بمايو ؟ ولا ابويا معرفش يربيني يا محترم
سليم بنفي :- اطلاقاً ولا انا ولا اتخلق اللي يقدر يشكك فيكي او في اخلاقك انا كنت بكلمك عامه على اللي بنشوفوا
حسناء :- بس برضو مفهمتش انا مالي بالموضوع دا ؟
سليم وقد وصل لما يرد:-مالك انك شايفه نفسك راجل **نظرت له بذهول فأكمل بتأكيد **ايوه شايفه نفسك راحل تقدري تنكري دا ؟ماشيك في الشارع بمطواه زي الشاب اللي ماشي يحر شكل اللي رايح واللي جاي واللي يكلمك تضربي من غير تفكير المشاكل اللي بتخطي نفسك فيها من غير سبب او بسبب..اه معاكي ان الدنيا مبقاش فيها امان زي الاول بس المطواه دي خطر عليكي انتي انتي بنت يا ماما..مينفعش ناخد الدنيا بصدرنا يا حسناء دا اكبر غلط لما تقولي للمشاكل اهلاً وسهلاً لما تساوي نفسك بواحد مالوش لازمه في الحياه وتتخانقي معاه وتسحبي عليه مطوتك مفكرتيش انه ممكن بسهوله ياخدها منك ويغزك بيها ؟ هتبقى استفادتي ايه ساعتها من المشاكل دي كلها .. حسناء حبيبتي طبيعه جسم الراجل انو عنده قوه اكتر من الست بمعنى انو هو عضلاته اقوي من عضلاتك تعرفي انك وصلتيني لمرحله اني امشي وراكي حراسه من كتر خوفي لتعملي حاجه متهوره !
حسناء بغضب:-ايوه انا راجل مش انا بنت اهو بس بميت راحل مكنوا اللي يعيش في حته زينا لازم يبقى وحش لازم ياكل الناس قبل ما ياكلوا ! هتسكت للناس هيقولوا عليك جبان تتهانق معاهم الكل يهابك ويعملك الف خساب ف يقولوا عليا مست كله احسنا ميقولوا عليا جبانه وبعدين لما انا فيا كل الحاجات والعيوب دي مكمل معايا ليه هااا ايه غصبك على كدا
تخلي سليم عن هدوءه قائلاً بحده :-عشان دا دوري انا ! دوري انا اني احميكي من الناس كلها واولهم انا دا دوري ! انك تحسي بالامان وانا جمبك دوري انا ابقى انا مصدرك حمايتك من كل الناس من كل العالم من كل حاجه عشان يوم ما تزعلي او تتخانقي مع حد تجيلي انا وانا اجيبلك حقك وانتي قاعده زي الملكه ! دا دوري الحب من اننا نخرج سوى ونتفسح شويه ونتصور كام صوره لا الحب هو انك تحسي بالامان مع اللي بتحبي ! اني ابقي سندك في مرضك قبل صحتك في تعاستك قبل فرحتك ابقي معامي في المره عشان احس بطعم الحلو معاكي ابقي من نظره اعرف مضايقه من ايه مستناكيش تيجي تحكيلي ابقي اول شخص يجي في بالك لما تحصل حاجه او مشكله ان شالله حتى تكون الوان ضوافرك دا دوري انااا مش انتي انتي البنت اللي مهما تعملي هتفضلي بنت في الاول والاخر بنت ف متحاوليش انك تكون راجل وطريقه كلامك معايا ومع الناس بتتكلم معاهم وكأنك راجل مش بنت بعديها من زمااان اوووي انتي شايفه انها تنفع بنت تتكلم كدا ؟ لو انتي شاطفه انها تنفع انا موافق عليها .. عيشي سنك مش سن غيرك !
نزلت دموعها بغزاره مع كل كلمه كان ينطقها فهو محق ولا تستطيع تكذيبه مما زاده سخطاً على نفسه انزل من مجلسه ارضاً جالساً امامها بنصف جسده ممسكاً بيدها بيد واليد الاخرى تمحي دموعها قائلاً بحنو:- ششش انا والله ما بقول كدا عشان تعيطي او عشان شايل منك مثلاً انا بقولك كدا عشان ترتاحي بعدين ! عشان محدش غيري يقولهالك انا مش هستحمل حد يعدل عليكي انا مش هسكتله ! حسناء انا مش عاوز اشوف دموعك
حسناء بشهقه خرجت منها من شده بكائها:-اا ان انا اا اسفه
لم يتحمل منظرها هكذا فسحبها الي احضانه مربتاً عليها حتى تهدأ ظلوا هكذا حتى غفت ورأسها مسنده عليه فحملها الي سيارته متجهاً بها قبل منزلهم ب دقيقه وترجلت من السياره بهدوء دون ان تنبت بكلمه بعدما فاقت بنما باق هو مأنباً نفسه على ما قاله فهو لم يقصد ذلك لكنه اراد ان يفهما ان طريقتها بالتعامل مع الناس لا تليق بها ف بهذه الطريقه تجعلها مميزه عندهم جميعاً وهو يغار !
انتهي الفلاش باك**
وانتهت دموعها التي اخذت في النزول مره اخرى مقرره بينها وبين نفسها انها ستتغير !
********
**بقصر آل نصار**
**بغرفه سيف آل نصار**
رن هاتفه ف تململ في نومته مغلقاً المكالمه دون ان يرى اسم المتصل فعاود الاتصال مره ثانيه مما اجبره على النظر لاسم المتصل ف ابتسم بحب عقب رأيته لاسمها يزين الهاتف:-اليوم اللي ببدأ بيه صوتك بيبقى احلى يوم بعمري كله
منار:-بجد يا سيف
سيف:-عندك شك في دا
منار:-لا
سيف:-الاول صباح الخير
منار بأبتسامه:-صباح النور
سيف:- تاني حاجه بحبك !
لم ترد عليه فأكمل:-تالت حاجه الشهر الجاي فرحان بأذن الله
انتفضت منار من جلستها قائله بصدمه:- ايه لا طبعاً مستحيل مين قال كدا
سيف:- انا راجل اامستحيل وانا اللي قولت كدا ..هنستنى كام سنه تاني او العمري في كام سنه اصلاً خالينا نفرح بقى يا منار انا محتاجك جمبي
منار:- بس انا لسه مش مستعده اني ابدأ حياه جديده
سيف:- انا جمبك ومعاكي ودايماً في ضهرك
منار:- ودا اللي دايماً مطمني !
سيف:- يبقى موافقه
ابتسمت بخجل ولم تستطيع الرد عليه فقال بمشاكسه:- ساكته ليه اعتبر دا علامه الر..
دخل رحيم فجأه عليه مكملاً وهو يسحب الهاتف من على اذنيه:-السكوت يبقى علامه انها بتشتمك في سرها يا معلم
رحيم ل منار :- منار
منار بضحك:-ايوه يا رحيم
رحيم بأستفسار وهو يضرب سيف المتذمر اسفل رأسه:-فين نجوى !
منار :- اسكت يا ركيم زعلانه منكوا كلموا
رحيم :- ليه ؟
منار :-بتقول من ساعه ما حت وانتو نسيتوها حتى انت وعماله تقول لما هما لسه بيحبوا ناسييني اومال لما يتحوزه هيعملوا فيا ايه
شد سيف الهاتف مجيباً عليها :- هتيحي تقعد معانا يا روحي حجتها اننا كبرنا ومش هينفع نقعد مع بعض راحت خلاص وهتبقي مراتي
رحيم بتساؤل :- مين قال انها هتبقى مراتك انا وافقت ؟
سيف ببلاهه :- لا ليه
رحيم وهو يذهب من امامه:-هحددلك ميعاد تيجي تطلبها مني وانا هفكر او هرفضك مش عارف لسه !
***********
على الجانب الاخر **تحديداً بغرفه عز آل نصار**
كان جالساً يتصفح مواقع تواصل الاجتماعي حتى توقف عند صوره لها تظهر بها بحمال ليس له مثيل خاصه بتلك الضحكه التي تسرق قبل من يراها دخل حتى يرى التعليقات مما زاده غيره فسحب هاتفه بغضب مخرجاً رقمها ثم هاتفها ثوان واتاه الرد
عز بهجوم:- فرحانه بجمالك اوي وكل شويه صوره
رباب بأستغراب من هحومه عليها الغير مبرر:-صوره ايه مش فاهمه
عز :- رباب انا مش قايلك متنزليش صور على اي زفت !
رباب :- بس دي صوره عجبتني ف حطيتها
عز :- والله ! صوره عحبتك ف حطيتيها واولع انا بقى !
رباب:- اهدى بس انا معنديش حد غريب خالص
عز:- والعملاء اللي عندك دول مش حد غريب ويا هانم !
رباب بأستغراب :- لا مش حد غريب بس دول بنات هيعملوا بصورتي ايه !
عز بغيره عدائيه:- و دول مش عندهم اخوهم ممكن يشوف الصوره او واحده حوزها بالصدفه قاعد جمبها وشاف الصوره ..
رباب بأسف:- مفكرتش في كدا خلاص همسحها
عز:-وتنزلي صورتك ليه اصلاً !
رباب:-اسفه
عز:- رباب لو سمحتي بلاش تنزلي صور تاني ليه بعد اذنك ! انا مش عاوز حد يشوفك او اديلوا الفرصه انو يحقق في ملامحك
حريه:- دا بيثبتك يا بت
عز:- مين دي حريه ؟
رباب:- اه
رباب ل حريه :-صحيتي امتى
حريه :- لسه حالاً
ثم سحبت من يدها حتى تفتح مكبر الصوت قائله ل عز :- انت بتزعقلها كدا ليه يا عز !
عز :- يا ساتر
حريه :- ايه شوفت عفريت !
عز بنفي :- لا سمعت !
حريه :- انت عاوز تتخانق بقى
عز :- يا ستي انا كلمك انتي صاحيه تقولي شكل للبيع !
حريه :- وكمان قاصدك اني برمي بلايا على الناس
عز :- لا يا ستي مقدرش حلو كدا ؟
حريه :- اه حلو
عز :- رورو عامله ايه
حريه :-كويسه الحمدلله
عز:-ايه رايكوا نخرج النهارده كلنا ؟
حريه :- كلنا اللي هو مين
عز:- كلنا اللي هو كلنا انا وانتي و روبا و شمس وحسناء ومنار ورحيم وزين وسيف وسليم
حريه بغرور :- ليه انت هتصاحبنا ولا ايه ؟
عز :- اشطا يبقى اتفقنا هروح اقول للشباب وننزل نقضي اليوم من اوله
واغلق الهاتف دون ان يسمع رد
*********
انتهي البارت
رايكوا
يلا ي شباب قولوا قصير عشان انتحر😹💔
اولاً:- انا بقبل النقد اذا كان في صالحي او ضدي دا شيء متفقين عليه بس اقبله امتى؟ لما يكون بطريقه حلوه واسلوب حلو مش بطريقه بشعه كدا وكأنك بتقبضيني كل اول شهر حق ما بكتب 😹!
احنا كلنا اخوات ف الله ف مينفعش كدا قولي نقدك زي ما حضرتك عاوزه بس بأسلوب حلوو واخيراً الروايه قربت خلاص ناقصه سبع تمن فصول وشكراً ع كدا 🙂💛💛
نزلته بدري اهو عشان عيونكوا❤❤
في حاجه بنت مفهمتهاش البارت اللي فات بتاع مرض حريه و رحيم
انا قولت ان حريه طلع معندهاش حاجه ف الفصول اللي فاتت يا قمر❤❤
