Wala namang perpektong bagay sa mundo
Kahit ano o sinuman sakop nang sakunang ito
Gaya ng puso mong nahulog sa maling pagkakataon
Bumigay sa maling tao sa 'di inaasahang pagkakataon
Ikaw na rumupok sa penomena ng pag-ibig
Sa pagitan ng nagmamahal at sa taong hindi ka naman mahal
Ang batas ng tao, kung anong ibinigay ay siyang ibabalik
Subalit ikaw ay nagbigay ngunit walang naibalik
Naubos ka na lang parang yosing hinithit
Ngunit wala ni isang pagtinging naibalik
Akala mo ay ayos na
Naibigay mo nang lahat
Akala mo ay pwede na
Ngunit wala pa rin pala
Lahat ay may balik sa takda ng panahon
Ngunit hindi maibabalik pag-ibig mo sa taong hindi ka kayang bigyan ng pagkakataon
Nabulag rin ako ngunit hindi ako naging bingi
Matutong makinig nang maiwasang makubli
Sa mundo na ikaw na lang ang nakakaintindi.
Owned By:
LRenz💞
