الفصل العشرون
وقفنا المره الى فاتت لما
وتروح اسراء الحمام
مهند : عن اذنكم هروح اعمل مكالمه مهمه ويمشى مهند
ويضحك الجميع بخبث
فى الحمام
اسراء بتغسل ايديها ونشفتها فى الجهاز
ولسه جايه تخرج لقت الى بيدخل وبيقفل الباب بالمفتاح
اسراء برعب وخوف : مهند
مهند ووشه لايبشر بالخير : اه مهند يا روح امك ده انتى ليلتك سوده
اسراء برعب : انا انا
مهند بشر : انتى محدش هينجدك منى
اسراء : انت مش هتقدر تعمل حاجه اصلا ملكش الحق فى ده
مهند وهو يقترب منها : لا بجد وايه كمان كملى كملى
اسراء : انت ملكش دعوه بيا ولا بخاطيبى خالد
مهند ومسك دراعها بقوه : متقوليش زفت انا الى خطيبك انا الى هبقى جوزك حطى ده فى دماغك انتى فاااااهمه
اسراء بوجع : سيب ايدى
مهند بصوت عالى : فاهمه
اسراء وشدت ايدها منه بعصبيه : انت ملكش دعوه بيا انا بكرهك انت ابن عمى وس واوعى بقه من وشى
مهند ورجع مسك دراعها : اقسم بالله اقسم بالله يا اسراء انا ماسك نفسى عنك بالعافيه فحاولى كده متزعلنيش يا قطه ولمى نفسك بدل ما انا الى المك
اسراء بدموع من وجع ايدها : انا بكرهك
لاحظ مهند انه يمسك ذراعها بقوه مما ادى الى ظهور علامات على زراعها (كنت بحاول اكتب فصحى بس معرفتش انى اسف 😂😂😂😂)
مهند ساب دراعها واخدها فى حضنه : خلاص متزعليش انا اسف
اسراء وزقته : ابعد عنى انا بقيت بقرف منك انت عاوز ايه تانى يا اخى انا حبيتك واعترفت ليك وانت كمان كنت بتحبنى بس عملت ايه قولت ايه احنا ولاد عم بس يا اسراء سافرت تلات سنين وسبتنى لوحدى بعد ما كل حاجه كنا بنعملها سوا انت كنت بتحبنى يا مهند ليه عملت فيا كده
مهند : اسراء انا
ويقطع كلامهم صوت خبط على الحمام
البنت : مين قافل الباب من جوه عاوزه ادخل الحمام
مهند بصوت منخفض : مش وقتك خالص دلوقت
اسراء بصوت منخفض : هو ايه الى مش وقته البنت عاوزه تدخل الحمام هات المفتاح الله يحرقك
مهند بصوت منخفض :فيه حمام تانى من ورا المطعم اما هتزهق هتروح
اسراء بصوت منخفض : وافرض مزهقتش ومشيت ونادت حد يفتح الباب هات المفتاح وادخل استخبى جوه
مهند بدهشه : استخبى ليه
اسراء : ده حمام للسيدات حضرتك
مهند : اه صح
اسراء بتتريق : اه صح. هات الزفت على دماغك وادخل استخبى جوا
مهند واداها المفتاح ودخل يستخبى
اسراء فتحت الباب
البنت : انتى قافله الباب ليه
اسراء : اصل انا انا اه كان فيه ولد صغير كل شويه يفتح الباب ويطلع يجرى
البنت بعدم اقتناع : اها ماشى وراحت عن الباب الى مستخبى وراه مهند
اسراء بصراخ : استنى فى بنت جوه
البنت : تمام تمام بتصرخى ليه احنا بنات زى بعض ده حمام للبنات
اسراء بدهشه :نعم
البنت : مفيش مفيش ودخلت
اسراء راحت عند الباب الى مستحبى وراه مهند
وفتحت ومسكته من ايده وطلعته وطلعت من الحمام
اسراء : عجبك كده
مهند بضحك : اعمل ايه الغضب كان عامينى ونسيت
اسراء: اووووووف انا راجعه وان ابقى استنى شويه عشان محدش يشك
مهند : وانتى مفكره انهم مشاكوش دى عيله خبيثه كلها قليله الادب
اسراء : انا همشى
مهند بجديه : كلامنا لسه مخلصش يا اسراء
اسراء بحزن : كلامنا خلص من زمان يا مهند من تلات سنين ومشيت
مهند بحزن لنفسه : ضيعتها يا مهند غبى غبى
رجعت اسراء تانى للتربيزه
اسيل بخبث : ايه ياسو اتاخرتى كده ليه
اسراء : اسكتى عشان انا متعصبه
اسيل : اللله الله هو انا عملت حاجه
اسراء بضيق : انا عاوزه اروح
اسيل : ليه خلينا قاعدين شويه
اسراء : لا عاوزه اروح
امير : مالك يا ياسوووو ويقطع كلامهم دخول مهند
امير لمهند : اسراء عاوزه تمشى
مهند : ماشى ويلا بينا عشان نتفرج على الماتش
اسيل : انا عندى فكره حلوه اوى
الجميع : ايه هى
اسيل : نتجمع فى البيت عندى
الجميع ما عدا اسراء : فكره حلوه
امير : طب يلا بينا
اسراء : لا انا هروح عشان رودى
اسيل : ما هى زمانها مع البنات تعالى بقه متبقيش رخمه
اسراء : معلش يا اسيل سبينى على راحتى
اسيل : لا مش هسيبك وهتيجى معانا
اسراء : رخمه رخمه يعنى طب يلا عشان متاخرش
حاسبوا ومشيوا من المطعم متجهين لبيت اسيل وامير
نروح لمكان تانى فى الملجا
ورد : بقولك ايه يا سما
سما :قولى
ورد : انا مخنوقه
سما : ليه
ورد : مش عارفه بجد مش عارفه انا هنزل اتزشى شويه سما : ماشى بس متتاخريش
ورد : حاضر ومشيت ورد وهى مش عارفه رايحه فين حاسه انها تايهه
ورد مشيت لاقت واحد فى الشارع
فى مجتمعنا بنقول عليه مجنون لكن فى الحقيقه لا
لقت العيال عمالين بيحدفوا عليه طوب
ورد: بس يالا انت وهو يلا غوروا يلاااا العيال اترعبوا وخافوا. وطلعوا يجروا
ورد وقعدت جمبه : ليه بتسيبهم يعملوا فيك كده
الراجل : مش خايفه تقعدى جمب مجنون
ورد : لا مش خايفه مش عارفه ليه بس مش خايفه وبعدين انت مش مجنون
الراجل : قومى من هنا
ورد : احكيلى حكايتك
الراجل : ايه التطفل الى انتى فيه ده
ورد : ده مش تطفل ده فضول
الراجل : هى مامتتش هى كانت فى ايدى بلعب معاها
ورد : اختك
الراجل بشرود : مكنش ليا غيرها كانت هى كل حاجه فى حياتى ابويا وامى ماتوا من زمان جدا هى كانت كل حياتى
ورد : تفتكر الى بتعمله ده حل انك تعمل كل الى بتعملوه ده وتخلى الناس يقولوا عليك مجنون ويحدفوك بالطوب ده حل
ااراجل بعياط : وحشتنى وحشتنى اوى هرجع البيت ازاى هرجع ازاى وهى مش موجوده مين هيقولى يا بابا مين هيقولى انت دنيتى انا خلاص مت ؛ مت معاها روحى طلعت خلاص انا بقيت جسد من غير روح
ورد بعياط : انا مش هقولك الدنيا مش بتقف على حد ولا الكلام الاهبل ده لان الدنيا فعلا بتقف بنبقا عايشين وخلاص بس ربنا بيعوضنا بحد ينسينا شويه اى نعم مش هينسينا خالص الناس الى حبناهم وعشقناهم
بس بس هيريحنا شويه من الى احنا فيه لو كل حد فقد حد عزيز عليه وعمل زيك كده يبقى الناس كلها هتبقى مجانين يبقى مفيش حد هيكون عاقل وكلنا هنبقى قاعدين فى الشارع كده مفكر حد هسال فينا لا محدش هيسال ده انت تبقى طيب اوى لو فكرت كده اخر حاجه هقولها فوق لنفسك وقوم روح بيتك ومش عاوزه اشوفك كده تانى
الراجل ومسح دموعه وابتسم : طب انتى بتعيطى ليه انا بعيط عشان فقدت حد عزيز عليا
ورد : عشان انا مليش اهل لا اب ولا ام ولا اخت ولا اخ
الراجل : امال عايشه مع مين
ورد ومسحت دموعها : عايشه مع عيلتى
الراجل : مش فاهم انتى مش لسه قايله ملكيش اهل
ورد بابتسامه : كنت
الراجل : بصراحه مش فاهم منك حاجه
ورد :انا عايشه فى ملجا اى نعم مليش اب ولا ام لكن ربنا رزقنى باخوان فى الملجا ده هما بقوا كل اهلى فى كل حاجه مع بعض احنا كلنا عيله ومسكت ايده صدقنى مش هينفع الى بتعمله ده انتبه لنفسك وحالك وربنا هيعوضك بالى تشوف فيها اختك انا اتاخرت ولازم امشى
ولسه جايه تمشى
الراجل : استنى
ورد وبصتله : نعم
الراجل : اسمك ايه
ورد : ليه
الراجل : عادى عاوز اعرف الى فوقنى من الى انا فيه
ورد : لو اتقابلنا تانى هقولك بس اتمنى مش اشوفك على نفس الحال الى انت فيه ده عن اذنك
ومشيت ورد
الراجل : ملاك ملاك زيها دى حته شبها ملامحها فيها منها كتير
