يا بنات انا نزلت روايه جديده كمان مع شجره حبنا اسمها وامتلك قلبى هتلاقوها فى حسابى
الفصل التاسع والعشرون
وقفنا المره الى فاتت لما
رامى : انا خايف عليه عشان كده كان لازم اجى اقولك ارجعى ليه يا اسراء وانسى الموضوع ده بدل ما يضيع من اديكى انا همشى وفكرى فى كلامى
اسراء بحزن : كلامك مينفعش افكر فيه اكيد هرجعله يعنى انا بعشقه يا رامى
رامى بفرحه : الحمد الله بس ياريت متقوليش ليه انى قولتلك حاجه احسن انتى عرفاه ايده تقيله
اسراء بضحك : عارفه انت هتقولى متقلقش مش هقوله حاجه
رامى بفرحه : ماشى انا همشى بقه سلام
اسراء : سلام
ولسه هيمشى قاطعه صوت فتح الباب وكان
اسراء ورامى بخضه : مهند
مهند باستغراب : مالكم فيه ايه اتخضيتوا كده ليه
رامى بارتباك : لا هنتخض ليه يعنى انت عامل ايه
مهند : تمام الحمد الله انا كنت جاى اتكلم معاكى بخصوص يوسف
رامى : انا همشى انا
مهند : ليه يا عم خليك قاعد
رامى : لا انا اصلا كنت ماشى يلا سلام
اسراء ومهند : سلام. ويمشى رامى
وبعد ما مشى رامى اسراء ومهند باصين لبعض ومش بيتكلموا
اسراء لنفسها : ليه يا مهند. ليه مقولتليش هو انا للدرجه دى مش مهمه عندك عشان متقوليش حاجه زى كده للدرجه دى انت غبى
مهند ورد عليها بس من غير ما يتكلم
مكنش ينفع انا مكنتش ضامن اعيش كان لازم اكرهك فيا عشان لو مت تعرفى تعيشى من بعدى
وتخلص نظراتهم لبعض
اسراء : اتفضل اقعد
مهند وقعد : ازيك
اسراء ببرود : تمام
مهند وادها ورقه : دى ورقه فيها عنوان شركه هيروح ويقول انه من طرفى وهيشتغل علطول واديله الرقم بتاعى عشان لو احتاج حاجه
اسراء بابتسامه : مش عارفه اشكرك ازاى
مهند : مفيش داعى تشكرينى
اسراء : كتب كتاب يوسف وجنا بكرا
مهند بغموض : عرفتى مش كده
اسراء بتوتر : عرفت ايه
مهند : متلفيش وتدورى انتى عارفه انا اقصد ايه
اسراء بتوتر : انا مش فاهمه منك حاجه
مهند : رامى قالك مش كده
اسراء بعصبيه وقفت : ايوه قالى يا مهند
مهند : اممم عشان كده اسلوبك اتغير معايا شفقه ده بقه ولا ايه
اسراء : انت حد قالك قبل كده انك غبى لو محدش قال فانا ليا الشرف انى اكون اول واحده اقولهالك انت غبى لدرجه انا مش قادره اوصفهالك بجد ليه ليه يا مهند
انا عملتلك ايه عشان تعمل فيا كده انا حبيتك
مهند: وانا كمان حبيتك بس الى حصل كان غصب عنى
اسراء بعصبيه : هو ايه الى غصب عنك هه انت عملت كده بارادتك عرفت موضوع مرضك ومقولتليش لعبت ومثلت عليا ومشيت وسافرت كل ده كان بارادتك ايه هو الى كان غصب عنك
مهند ووقف بعصبيه : انا عملت كل ده عشانك انا مثلت ولعبت وخبيت كل ده عشانك
اسراء بغضب : عشانى
لا معلش عشانى ايه بالظبط، عملت كل ده عشانى
طب انت عارف الى عملته عشانى ده عمل فيا ايه انا هقولك وجعنى وكسرنى تلات سنين عشتهم كان من اسود سنين حياتى مجاش فى بالك انى ممكن اكرهك بعد الى عملته ده مجاش فى بالك ان الست اما تتكسر وينكسر قلبها وكبريائها ممكن تكره وكملت بعياط بس انا مقدرتش اكرهك كبريائى اتكسر وقلبى اتكسر بس مقدرتش اكرهك مفكرتش ثانيه انى كان ممكن اكرهك
مفكرتش هقدر اعيش من غيرك ازاى بعد ما كنا بنروح كل حته مع بعض وكل حاجه بنعملها سوا مفكرتش فى وجعى لما اعرف زى الغريب مفكرتش فى وجعى لما اعرف انك كنت بتقاوم المرض ده لوحدك وانك استكترت ان اكون معاك وجمبك حرام عليك يا اخى حرام عليك
مهند مستحملش عياطها وخدها فى حضنه :جايز انا فكرت من وجهه نظرى بس انا اسف انا حمار يا ستى متزعليش
اسراء بعياط :متقولش على نفسك حمار
مهند :طب خلاص بطلى عياط بقه انتى عارفه ان اكتر حاجه بكرهها ان دموعك تنزل
اسراء: مهو بسببك
مهند : طب خلاص بقه بطلى عياط بدل ما ابوسك والله
اسراء وبعدت عنه وزقته : يعنى غبى وكمان قليل الادب
مهند :انا قليل الادب طب تعالى هنا بقه وطلع يجرى وراها وهى بتجرى منه
اسراء: مهند خلاص بقه انا تعبت
مهند ومسكها : مسكتك وفجاه افتكر
مهند بغيظ : وهتعملى ايه مع الزفت الى اسمه خالد
اسراء بغضب : متقولش عليه زفت لو سمحت
مهند بعصبيه : نعم يختى
اسراء : اه متقولش على خالد زفت
مهند ومسك دراعها جامد : انتى عوزانى اموتك دلوقتى انتى مش خلاص رجعتيلى
اسراء : ايوه
مهند : اه ايوه وبعدين مش الزفت ده كان هيخطبك
اسراء بغضب : برده بتقول عليه زفت
مهند بعصبيه : بت انتى اتعدلى انا اقول الى عاوزه انتى فاهمه ولا لا وخصوصا على كلب زى ده كان عاوز ياخدك منى
اسراء : مياخدنى يا عم انت زعلان ليه مش انت الى مشيت وسبتنى
مهند بعصبيه : اسراء متعصبنيش احسنلك ان وقت عصبيتى مبشوفش قدامى
اسراء : زى ما انت لعبت انا كمان لعبت
مهند : مش فاهم
اسراء : يعنى انا وخالد كنا بنلعب ومفيش خطوبه ولا جواز اصل مفيش حد هيتجوز اخته
مهند بدهشه : نعم اخته
اسراء : ايوه اخته خالد يبقى ابن خالتى واخويا فى الرضاعه
مهند : انتى انتى
اسراء : انا ايه. انا لعبت زى ما انت لعبت شوفت لعبتك
عملت فينا ايه
مهند : يعنى حرقه الدم الى انا كنت فيها دى بسبب لعبه حضرتك بتلعبيها
اسراء بفرحه : ايوه
مهند : ايوه جتك اوه يا بعيده اتفضلى قدامى عشان اوصلك
اسراء : مينفعش
مهند بعصبيه : ليه يختى
اسراء بحزن : مستنيه البنات هيجوا يسلموا عليا عشان هيمشو
مهند وحضن وشها بين ايديه : وانتى زعلانه ليه
اسراء بحزن : كنت متعوده انى اشوفهم كل يوم
مهند وحضنها : كده احسن ليهم يا سو انتى عاجبك قاعدتهم فى الملجا هنا. هناك هيهتموا بيهم اكتر
اسراء : معاك حق وفاقت انها فى حضن مهند وزقته
مهند : الله فيه ايه يا بت المجنونه انتى
اسراء : انت استحلتها ولا ايه كل شويه تحضنى
مهند : امشى يا اسراء من قدامى
اسراء : امشى انت انت الى الى جايلى
مهند : لا انا مش ماشى هقعد استناكى واوصلك
اسراء : بس
مهند : مفيش بس بقالنا كتير مقعدناش مع بعض وانتى وحشانى
اسراء بابتسامه : ماشى اما نشوف اخرتها معاك ايه
مهند بابتسامه : اخرتها جواز وعيال ان شاء الله
اسراء بضحك : والله انت مجنون
مهند : مش انا لوحدى يا حلوه
اسراء بغيظ : رخم
مهند بضحك : منا عارف ونسيبهم بقه يتكلموا
ونروح للمطعم
عاصم : انسه ورد
ورد : نعم
عاصم : انتى مش فكرانى انا الى كنت
ورد وقاطعته : فكراك
عاصم : امال ليه اتصرفتى على انك متعرفنيش
ورد بحرج : افتكرت انك نستنى
عاصم : محدش ينسى حد انقذه
ورد بابتسامه : اه فعلا بس مهو انت كمان اتعاملت على انك متعرفنيش
عاصم بضحك : عشان كنت خايف متعرفنيش
ورد بضحك :ازاى بقه مش هعرفك مش انا المنقذه ازاى هنسى الى انقذته
عاصم : عشان دقنى وشعرى كانت حالتى مزريه خالص ده انا الى فى الفيلا عرفونى بالعافيه
ورد بضحك : هههههههههههههه
عاصم بابتسامه : ضحكتك حلوه اوى حسيت ان الدنيا بتضحكلى
ومعانا مفرق الجماعات ونقول الووووو
حازم : طب يا اخ الدنيا بتضحكلك سيبها تخلص عشان يروحوا بدرى
عاصم وضربه برجله على رجله (حازم )
عاصم بهمس : طب متبقاش تزعل لما اجى اقطع عليك انت وخلود
حازم : اااااه لا وعلى ايه الطيب احسن عن اذنك يا فندم خدوا راحتكوا ومشى
عاصم لاحظ كسوف ورد وخدودها الى احمرت جامد
فحاول يغير الموضوع عشان تنسى
عاصم : انتى بتشتغلى هنا من زمان
ورد : ايوه
عاصم : ومبسوطه هنا بقه
ورد : جدا حازم مش مخلينا حاسين اننا بنشتغل كعمال عنده بالعكس ده مخلينا حاسين اننا صحاب المكان
عاصم : حازم طول عمره طيب وجدع
ورد : كان لازم تفكر فيه هو كمان هو كمان اخوك
عاصم بشرود : مفكرتش فى حد الا هى كان كل تفكيرى فيها ماتت بين ايديا سابتنى ومشيت انا مكنش ليا غيرها
ورد : بالعكس انت جمبك ناس كتير انت الى انانى ومفكرتش الا فى نفسك مفكرتش فيهم هيبقوا ازاى من بعدك مشيت ومفكرتش فيهم مع انهم بيحبوك وانت كمان بتحبهم مفكرتش ان ده قضاء ربنا الى لازم ترضى بيه
عاصم بحرج : معاكى حق
ورد : انا اسفه بس انا اتعودت ان الى فى قلبى على لسانى مش مهم يكون ايه المهم انى اتكلم لان بكره احساس الندم ان اكون كنت عاوزه اقول حاجه وسكت وخلاص واعدى لكن معدش ينفع لان كلامى ده ممكن يفوق كتير زى ما فوقك
عاصم : مش شايفه ان سنك صغير على الكلام الكبير ده
ورد : مستني ايه من واحده متربيه فى ملجا اهلها ماتوا لازم تكبر قبل ماعدها
عاصم : انا اسف
ورد : على ايه
عاصم : انى فكرتك
ورد : وانت مفكر انى ناسيه انا عمرى ما انسى ولا حتى هم عمرهم ما هينسوا ده جرح ووجع اتولد فينا من واحنا صغيرين معشناش الطفوله الى بيحلم بيها اى طفل كبرنا كام سنه وخدنا صدمه حياتنا الصدمه الى عششت فينا ومع ذلك حياتنا موقفتش الحياه بتستمر اه هى ممكن تقف على حد سابك ومشى لكن بتستمر غصب عنك وبتمشى وانت الى عليك انك بتتاقلم عشان الدنيا تمشى جايز احنا ممكن الناس تشوفنا بنضحك ونهزر وشايفنا مبسوطين بس ورا كل ضحكه ووش بيبتسم فينا وجع.
وجع محدش هيحس بيه غير الى موجوع بجد تعرف احنا كتير اوى كنا نحط راسنا على المخده ونفتكرهم ونقعد نعيط بس لما اتجمعنا فى الملجا ولمنا مكنش فى حد بيسيب حد يعيط كانت حياه دايما تاخدنا فى حضنها وتقعد تغنلنا حياه صوتها حلو اوى كلنا بنحبه وبنعمل يوم الخميس والجمعه نخلى حياه تقعد تغنى اغانى كتير وكمان بتقرا قران حلو اوى بنستنى يوم الخميس والجمعه ده عشان نسمع صوتها رغم اننا فقدنا ناس غالين علينا لكن ربنا جمعنا ببعض عشان نسند ونقوى بعض زى ما ربنا هيجمعك بالى هتسندك وتقويك اه مش هتنسيك اختك لكن هتسندك وتقويك
عاصم : والاقيها فين دى
ورد بابتسامه هتلاقيها دور عليها وهتلاقيها
عاصم بابتسامه : مش محتاج ادور انا لاقيتها خلاص او هى الى لاقتنى
ورد : مش فاهمه
عاصم : مش مهم تفهمى هتفهمى بعدين
ورد : امممم اوكى
عاصم : طب حكايه البنات الى هنا دول
ورد : بص يا سيدى
ونسيبهم بقه يتكلموا ونروح
ونروح لخلود وحازم
حازم : بت
خلود مردتش عليه
حازم : يا بت
خلود مردتش برده
حازم بزعيق : انتى يا بت
حازم صوته على لدرجه ان فى المطعم الناس لاحظوا
خلود : الله يخربيتك فرجت الناس علينا عاوز ايه
حازم بهمس : منا عمال انادى عليكى وانتى مش معبرانى
خلود ببرود : عاوز ايه
حازم بغيظ : عاوز ايه؟؟! مش عاوز من وشك حاجه قومى غورى
خلود بضحك : غور انت
حازم بابتسامه : لا طالما ضحكتى يبقى اقول عاوز ايه
خلود : قول
حازم واتجه بنظره لحته فى المطعم : شايفه الى انا شايفه
خلود وبصت ناحيه ما هو بيبص : اه باين السناره غمزت
حازم : بقولك ايه عاوزك فى موضوع مصيرى
خلود : بكره انا تعبت وعاوزه اروح احنا المفروض نرو من ربع ساعه
حازم ومسك ايديها : مش هتروحى فى حته غير اما نتكلم فيه
خلود : ماشى ايه هو بقه الموضوع المصيرى ده
حازم : عاوز رقم والدك
خلود : ليه
حازم : انتى غبيه يا بت هكون هحب فيه مثلا طالب القرب منه عاوز اتجوز اتجوز
خلود وحطت ايديها على بؤه : بس بس بقه عيب كده
حازم : ايه بس ده الى عيب عاوز اتجوز اتجوز
خلود : حازم والله هزعل منك
حازم : لا انا مقدرش على زعل خوخه هاتى الرقم وهسكت
خلود ومسكت ورقه وقلم وكتبت الرقم
خلود بكسوف : خد اهو
حازم واخده : انا بحب الرقم وصاحب الرقم وبنت صاحب الرقم
خلود بكسوف : ممكن امشى بقه
حازم : هخليكى تمشى بس بشرط
خلود : لا مفيش شرط انا همشى لان معادى خلص من تلت ساعه
حازم : نوووو وانا المدير وممكن اقول فى شغل كتير واقعدك ساعه كمان
خلود : طب لو الشرط عجبنى ماشى معجبنيش همشى ماشى
حازم : لا
خلود بعصبيه :هو ايه الى لا
حازم : الشرط يتنفذ تمشى مش هيتنفذ هتقعدى
خلود بغيظ : اتفضل قول الشرط وخلصنى
حازم : عاوز رقمك
خلود : نعم مستحيل
ولسه هيتكلم حازم يقاطعه صوت حياه
حياه : يلا يا خلود احنا خلصنا خلاص
خلود بخبث : يلا يا حبيبتى ده استاذ حازم كان لسه بيقول نروح بقه عشان اتاخرنا
حياه ومسكتها من ايديها : طب يلا بينا بقه احسن احنا اتاخرنا على اسراء
خلود : طيب يلا بسرعه
ومشيت خلود مع حياه وهى ماشيه بصت على حازم الى بيبص عليها بغيظ وغمزتله وضحكت
حازم : اه يا بنت ال ماشى يا خوخه عرفتى تلعبيها صح بس هتروحى منى فين بكره
ويمشوا البنات متجهين للملجا
وحازم وعاصم كمان قفلوا وروحوا
وبعد نص ساعه يوصلوا اخيرا الملجا
ويخبطوا
تك تك تك
اسراء : ادخل
حياه ودخلوا وراها البنات : احنا جينا
اسراء : كل ده ؛ ده انا خللت
حياه : معلش والله كان عندنا شغل كتير
ورد بهزار : ايه ده مين المز ده
حياه : بس يا بت عيب
اسراء بضحك : سيبيها يا حياه ده يا ستى مهند الى حكتلكم عنه
ورد بهزار : بس ده امور خالص الصور ظالماه والله
حياه : هههههه با بنت اتلمى بقه عيب كده
اسراء بحزن : والله هتوحشونى اوى
البنات حضنوها بحزن انتى كمان والله
وبعد حضن جامد كلهم خلصوا سلامات
حياه بحماس : بس متقلقيش هتلاقينا كل يوم طابين عليكى الملجا ده عشنا يا سو وصعب نسيبه بسهوله
سما : فعلا اعملى حسابك على كده كل يوم بعد المدرسه وقبل ما نروح المطعم هنجيلك على هنا
اسراء بمرح : اذا كان كده ماشى
حياه : يلا احنا هنمشى بقه عشان منتاخرش عليهم وبكره هنجيلك
اسراء :وعد
الجميع : وعد
اسراء : يلا روحوا عشان متتاخروش
الجميع : ماشى
اسراء : خدوا بالكوا من نفسكم
الجميع : وانتى كمان سلام
اسراء : سلام
ويمشوا البنات
اسراء : يلا بينا
مهند : هو انتى ليه مغرتيش عليا من الى كانت بتقول مز والصور ظلمانى دى
اسراء : اولا هى بتهزر وثانيا هى لسه صغيره وثالثا انا واثقه فيك وبحبك وبحبها لكن لو اى بنت تانيه مش محتاجه اقولك هيحصل ايه
مهند : هههههه طب يلا بينا
اسراء : يلا
ونسيبهم بقه يمشوا ونروح للبنات نزلوا
وهما ماشييين فجاه
حياه : اوبااا ده انا نسيت حاجه مهمه
سما : فيه ايه يا بنتى نسيتى ايه
حياه : اسر كان عاوزنى فى موضوع
ورد : طب خلاص هنروح احنا وانتى شوفيه عاوز ايه ومتتاخريش وخدى بالك من نفسك
حياه : حاضر سلام
ويمشوا البنات وتطلع حياه تليفونها وتتصل باسر
حياه : الو
اسر : ايوه يا بنتى انتى فين بقالى كتير بتصل عليكى
حياه : معلش يا اسر اتاخرنا فى الشغل ورحنا الملجا نسلم على اسراء ولسه مخلصه
اسر : طب انتى فين دلوقت
حياه : تانى شارع بعد الملجا
اسر : طب انا جايلك حالا انا قريب منك متتحركيش وخدى بالك من نفسك
حياه : طب بسرعه يا اسر احسن الحته دى مقطوعه وفيه كلاب كمان
اسر : متخافيش غمضى عينك وعدى لحد ميه وهتلاقينى قدامك
حياه بضحك : انت بتسهى عيل صغير يا اسر
اسر بضحك : اعملك ايه بس
حياه : يلا ركز فى الطريق انا مبخافش للدرجه دى سلام
اسر : سلام
حياه فى نفسها : انا مش بخاااااف انا مرعوبه😭😭
وبعد خمس دقايق يوصل اسر
حياه بدهشه : انت وصلت بسرعه كده ازاى
اسر بابتسامه ومد ايده ليها : يلا بينا
حياه بابتسامه ومسكت ايده : يلا
ومشيوا هما الاتنين لحد الشجره
واتفاجئت من الى هناك لقت بلالين كتير مكتوب عليها
بحبك وبموت فيكى. تقبلى. تتجوزينى وتبقى ام عيالى بحبك يا. حياه
حياه : انا انا
اسر : لو مش جاهزه بجوابك دلوقت انا هستنى وفكرى كويس
حياه بفرحه : موافقه بحبك يا مجنون وحضنته
اعاااااااااااا واخيرا طلعتوا عين الى خلفونا
يخربيتكم اعااا اخيرا يالهوى 😂😂😂😂
اابارت ده بمناسبه عيد ميلاد صاحبتى وحبيبتى وقلبى رضوى شوفتوا نهايه البارت حلوه ازاى 😂😂
كل سنه وانتى طيبه يا قلبى وعقبال ملبون سنه وانتى فى هنا وسعاده
