الفصل الثامن عشر
وقفنا المره الى فاتت لما
امير : عاوزين نتفق معاه بقه بقولك ايه انا جعان وبنت عمك مش راضيه تعملى اكل بتعمل لنفسها بس
اسراء بضحك : ليه عملت ايه يا موكوس
امير : حكالها الى حصل
اسراء بعتاب : بتطرد ابن عمك من بيتك يا امير
امير : اعمل ايه بس الى حصل بقه
اسراء : طب يلا نروح ناخدها ونتغدى لره واصالحكم ع بعض
امير : ماشى يلا
ومشيوا فى العربيه ماشين لحد ما وقف امير بالعربيه عند محل اجهزه كهربائيه
اسراء : انت رايح فين يا بنى
امير : لما اتخانقنا على التليفزيون المره الى فاتت وعدتها بانى هجيب ليها واحد يبقى ليها لوحديها
اسراء بمرح : ايوه بقه امير انت لازم تصالح مهند الى عملته ده عيب جدا
امير بتنهيده : انتى الى بتقولى كده يا اسراء
اسراء : ايوه انا الى بقول كده لان هو مغلطش انا الى غلطت
امير : طب انا هنزل اجيب التليفزيون ونعدى عليه
اسراء بفرحه : اوكى
وينزل امير يجيب التليفزيون ويرجع تانى العربيه ويتجهوا لبيت مهند ؟!
نروح لمكان تانى
عند اسر وحياه
اسر : بقولك ايه قومى معايا
حياه : هنروح فين
اسر ومسك ايديها : تعالى بس
حياه وشدت ايديها : ايه يا بابا انت استحلتها ولا ايه
اسر : بلطجيه صغيره انجرى قدامى امشى
حياه : حاضر يا عم متزوقش طاه
ومشيوا اسر وحياه على بيت اسر
حياه : ايه المكان ده انت مودينى فين
اسر بحب : ده بيتى
حياه بغضب : نعم يا روح امك
اسر : ههههههه مالك فيه ايه انتى فهمتى ايه انا جايبك هنا ع
حياه ومسكت هدومه : مكنتش اتوقع منك كده انت حيوان وقليل الادب
اسر : ههههههههه وايه كمان
حياه وهتمشى : انا ماشيه
اسر مسك ايديها : امى جوه وانا جايبك هنا عشان حكتلها عنك وعاوزه تتعرف عليكى
حياه اتكسفت : احم ماشى يلا ندخل
اسر بابتسامه : يلا يا مجنونه
ويدخلوا نروح لمكان تانى.
عند المدرسه الخاصه بتاعه فريده
فريده اتصاحبت على بنات كتير جدا
فريده قلبها طيب وجميله من جواها وروحها حلوه عشان كده بتدخل القلب بسرعه وفى وقت الفسحه
لقت الولاد كلهم بيلعبوا ما عدا ولد واحد قاعد لوحده
فريده : انت يا عم
الولد : انتى بتكلمينى انا
فريده : لا بكلم نفسى هكون بكلم مين يعنى وانت الوحيد الى قدامى ( مبراحه على الواد يا بت فاضل تديه قلمين 😂😂😂)
الولد : خير عايزه ايه (لا انا من رائى قوموا يلا اضربوا بعض )
فريده : انت مبتلعبش مع صحابك ليه
الولد : وانتى مالك
فريده وقعدت جمبه : انت عندك توحد يا عم انت ولا ايه
الولد بحزن : باين كده لانى علطول لوحدى
فريده : ليه
الولد : كده
فريده : انت الى مختار كده على فكره
الولد وبصلها : ازاى بقه
فريده بفرحه : الله. عينك دى ولا عدسات
الولد : افندم
فريده بابتسامه : عينك حلوه اوى (يختى اتكسفى على دمك بقه عيب كده ) 😂😂😂😂
الولد بابتسامه : ميرسى
فريده : العفو يخويا بس برضوه مقولتليش ليه مش بتلعب مع الولاد الى هنا
الولد: مش بحب العب
فريده : طب ايه رايك نلعب سوا صحيح هو انت اسمك ايه
الولد : ادم اسمى ادم
فريده : وااااااو واسمك جميل كمان تعالى نلعب القطه العاميه
ادم : ودى بنلعبها ازاى يا حلوه اه صحيح انتى اسمك ايه
فريده : اسمى فريده يا حلو بص يا سيدى انا هغمى عينك بدى وشاورت على الشريط الى فى ايديها وانا هنكشك وانت المفروض تمسكنى
ادم : ايه اللعبه الرخمه دى لا مش عاوز العب يلا قومى من هنا( ليه كده بس ما انت كنت ماشى كويس 😂)
فريده : على فكره ده مش طلب ده امر
ادم : نعم يختى
فريده : هو كده ولو مقومتش هزعل منك واعيط جامد واخليهم يتلموا عليك واقول انك ضربتنى واعملك مشكله
ادم بضحك: انتى مجنونه
فريده : ايوه عرفت ازاى يلا بقه قووووم بليز
ادم : طيب طيب بس انتى الى هتبتدى الاول
فريده : سيبنى افكر كده
ادم : مفيش تفكير والا مش هلعب
فريده : رخم طب يلا قوم
ونسيبهم يلعبوووووا ونروح لمكان تانى
فى المدرسه
سما : البت هايدى دى صعبت عليا اوى
ورد : نعم يختى بعد الى عملته ده كله وصعبت عليكى يا شيخه بلاش قرف دى واحده شايفه نفسها
سما : بس دى مريضه نفسيه يعنى كل ده بسبب باباها ومامتها وهى ياعينى كانت كاتمه فى نفسها بقالها كتير خلود : برده يا سما هى مش عشان مجروحه تمشى تجرح فى خلق الله
سما : معاكى حق هى كلامها صعب فعلا انا قلقانه على رودى اوى
خلود : متخافيش هى مع الداده والداده قالت هتقعد معاها ومش هتسيبها خالص
سما : ربنا يستر انا ناويه اروح لاخوها ده النهارده
خلود : والله من رائى متروحيش شكله كده معندوش دم انا خايفه يجرحك ويحرجك
سما : ده انا الى هحرجه انسانيا بالكلام السم الى هقوله بس مش هروح معايا رودى
ورد : احسن برده
ونروح لمكان تانى
مكان جديد عند اخو رودى
مروان بقلبه : يا ترى البت دى راحت فين
عقله : وانا مالى انا شاغل نفسى بيها ليه ما تتحرق مش
كفايا ان هى السبب فى موت امى
قلبه : بس دى اختك وهى ملهاش ذنب فى الى حصل ده قدر ومكتوب
عقله : لا هى لو مكنتش جات امى كانت هتفضل جمبى
قلبه : لا ده قدر ومكتوب وده معاد ومكتوب هتموت فيه ممكن بالولاده مرض وحش وممكن موته ربنا
عقله : لا لا هى الى موتتها
قلبه : انت عاوز تطلع الذنب عليها وخلاص فوق بقه من الى انت فيه ده فوووووق
مروان بصوت عالى وضرب دماغه
مروان ببكاء: كفااااايه اطلعى بقه من دماغى اطلعى اااااه وحشتينى يا امى وحشتينى
نروح لمكان تانى
عند اسر وحياه يفتح اسر الباب
اسر: يا ماما يا ماااااااااماااااا
رضوى : ايوه يا حبيبى ايه ده مين القمر دى
اسر وراح ناحيه رضوى وباس ايديها : دى حياه يا امى
رضوى : تعالى يا حبيبتى واقفه عندك ليه تعالى
مشيت حياه ناحيه رضوى وسلمت عليها
حياه : ازى حضرتك
رضوى بابتسامه :الحمد الله يا حبيبتى والله اسر ملهوش كلام غير عنك
اسر : احم احم
رضوى : اه والله طول اليوم يقول حياه عملت فيا حياه سوت فيا قولت بس لازم اتعرف على القمر دى واشوف البنت الى هتربى ابنى الى معرفتش اربيه
حياه : ههههههههههههه
اسر بغيظ : عجبتك اوى يختى
حياه وطلعت لسانها : خليك فى حالك
اسر لرضوى : عجبك كده
رضوى : انا عملت حاجه
اسر : لا يا امى انتى معملتيش حاجه خالص انا الى عملت وانا الى استاهل ضرب الجزمه اصلا انى بحكيلك حاجه ايه يا ربى الفضايح دى اشحال قولتلك خليه سر بينا امال لو مكنتش قولت كنت هصحى من النوم هلاقى الشارع كله عارفه
رضوى : اخص عليك يا بنى انا برده بتاعه الكلام ده
اسر : لا يا امى خالص ده انتى بير بحط فى اسرارى فى امان وبصوت واطى : بير مخروم
حياه : ههههه انتم علطول كده
رضوى : مش عارفه والله يا بنتى مش طايقلى كلمه ليه
اسر : ماما هو انتى مش ناويه تاكلينا
حياه :انا لازم اروح
رضوى بسرعه : لا مينفعش تمشى
حياه : ليه
رضوى ولسه جايه تتكلم اسر حط ايده على بؤها : اصل انتى لسه جايه ومينفعش تمشى كده علطول
رضوى بعتاب : فيه ايه يا بنى منا كنت هقول كده
اسر : يا شيخه قولى كلام غير كده
رضوى : يلا يا حياه نروح نحضر الغدا ونسيب الواد قليل الادب ده
حياه بضحك : يلا يا انطى
اسر : انا عملت ايه بس
حياه ومسكته من هدومه :ملكش دعوه بانطى ياض
اسر بخوف مصطنع : حاضر يا معلمه
رضوى : يلا يا حياه
ودخلوا كلهم المطبخ يحضروا الغدا
نروح لمكان تانى
عند اسراء وامير
وصلوا بيت مهند وطلعوا ويخبطوا
ويفتح مهند
مهند بدهشه : امير
اسراء :يا عم انت لسه هتنح فسح كده وانت واخد الاكسجين كله عاوزه اسلم على عمى اه وسلموا على بعض واحضنوا بعض عشان متتكدروش منى
مهند :افندم
اسراء ورفعت حاجبها بتحدى : الى سمعته ودخلت البيت
امير وحضنه : انا اسف يا ابن عمى
مهند : انا الى اسف بس والله
امير : خلاص مش مهم اى حاجه
مهند يلا ندخل
دخل امير مع مهند وسلم على عمه واسراء كمان
اسراء : يلا يا جماعه البسوا
مهند : ليه
اسراء : هنروح ناخد اسيل نصالحها على الواد ده ونتغدى بره
عم امير : مزعل بنتى ليه ياض
امير : والله انتوا بتظلمونى بنتك مدلعه اوى يا حاج ده انا بس اما ازعق فيها تعيط
عم امير ومسكه من قميصه : وانت تزعق ليها ليه
اسراء ووقفت بينهم :يلا عشان منتاخرش
مهند : انا رايح البس
العم : وانا كمان وراحوا يلبسوا
نروح لمكان تانى. عند المدرسه
خلصت الحصص
سما : انا همشى يا بنات
ورد :طب خلى بالك من نفسك
خلود : انتى تعرفى المكان اصلا
سما : اه يلا سلام
مشيت سما وهى حزينه خايفه من المواجهه
ووصلت وخبطت على الباب
ويفتح مروان
مروان : خير اتفضلى
سما بجمود : انت الاستاذ مروان اخو رودى
مروان بقلق : ايوه انا
سما : انت حيوان
مروان بعصبيه : انتى بتقولى ايه يا بت انتى
سما : بقولك انك حيوان انت ازاى تعمل فى اختك كده ازاى انت حجر معندكش دم هو للدرجه دى مشاعرنا مبقاش ليها اى اهميه للدرجه دى ملناش قيمه عشان تستغنوا عننا كده عملت ايه هى عشان تعمل فيها كده
مروان : هى السبب فى موت امى
سما : لا يا راجل امك لو كانت موجوده وشافت حد بيعمل كده فى اخته عشان السبب ده هتستحقره اوى انت ازاى كده
مروان بغضب : انا امى ماتت امى ماتت
سما بعصبيه وصوت عالى : هى امك لوحدها ما هى امها هى كمان هى اتولدت من غير ام عارف يعنى ايه يعنى محستش بحنان الام مقالتش ليها تعالى يا ماما سرحيلى شعرى تعالى يا ماما احكيلى حدوته تعالى يا ماما انا هساعدك فى شغل البيت عشان متتعبيش هى معاشتش كل ده معاشتش تقوم انت جاى حضرتك وتعيشها اسوا احساس ممكن تعيشه تقوم انت كمان جاى مكمل علبها هى كمان امها ماتت هى كمان عندها مشاعر هى كمان عندها قلب كفاااايه بقه حرام عليكوا واترمت على الارض تبكى بهستيريه وتتكلم بدون وعى
سما : احنا موجودين انتوا مش الوحيدين الى بتحسوا مش انتوا الوحيدين الى عندكم قلب
مروان ببكاء : انا امى وحشتنى اوى
سما وقامت ومسحت دموعها : انت انانى ومبتحبش الا نفسك وكويس اوى انها جات عندى عشان ترتاح منك ومن قرفك كان يوم اسود يوم ما اتولدت انت مش اخ انت زبااااااله انتوا الرجاله زباله اوعى تفكر تدور عليها او بس انك تيجى تاخدها منى ساعتها متلومش الا نفسك انت فاهم
مروان : يا انسه انا
سما بعصبيه : انت ايييييه انت تخرس خالص صوتك ده ميطلعش انا بس الى هتكلم دلوقتى انا همشى وهبلغ رودى انك مت فاهم مت انت متستحقش انك تبقى اخوها هقتل اى امل فيها عشان متتجرحش او تشوف الى شوفته
ويقطع كلامهم صوت تليفون سما
سما وترد : ايوه يا ورد
ورد بصريخ : الحقينى يا سما رودى مش لاقينها
سما بصريخ : ايييييييه ويغمى عليها
وستووووووب
