الفصل الحادى والعشرون
وقفنا المره الى فاتت لما
رضوى : يلا يا حياه نروح نحضر الغدا ونسيب الواد قليل الادب ده
حياه بضحك : يلا يا انطى
اسر : انا عملت ايه بس
حياه ومسكته من هدومه :ملكش دعوه بانطى ياض
اسر بخوف مصطنع : حاضر يا معلمه
رضوى : يلا يا حياه
ودخلوا كلهم المطبخ يحضروا الغدا
فى المطبخ
رضوى : بتعرفى تطبخى يا حياه
حياه : اه طبعا انا بعرف اعمل كل الاكلات
رضوى : شطوره يا حبيبتى
اسر بطفوله : متخلصوا بقه انا جعان
حياه بضحك : مفجوع
اسر بغضب طفولى : بس يا رخمه
حياه : انت الى رخم
اسر : لا انتى
رضوى : بسسسس يلا قدامى انت خد الطبقين دول وانتى دول
اسر وحياه : اوكى
وقعدوا على الترابيزه وقعدوا ياكلوا ما بين تلقائيه رضوى وحرج اسر وضحك حياه عليه وبعد مرور ساعتين
حياه : بجد انا مبسوطه اوى انى قعدت معاكوا الشويه دول بس للاسف اتاخرت ولازم امشى
اسر : ليه بس الساعه لسه ٥
حياه : اصل انا مش هروح على الملجا علطول انا عندى مشوار
اسر : مشوار ايه ده
حياه : مشوار لازم اعمله
اسر : مش عاوزه تحكيلى
حياه : هروح لعمى
اسر : خلاص تعالى انا هوصلك وهفضل معاكى لحد ما اوصلك لباب الملجا
حياه : بس
اسر : مبسش يلا بينا عشان تلحقى تقعدى معاهم شويه كويسين
حياه وحضنت رضوى : هتوحشينى اوى يا انطى
رضوى بدموع عشان هتمشى وهى خلاص بقيت بنتها
رضوى : وانتى كمان يا حبيبتى ابقى تعالى تانى
حياه : اكيد هاجى تانى انا اتعلقت بيكم اوى
سلمت عليها ومشيت مع اسر
نروح لمكان تانى
فيلا عاصم الشهاوى
البواب : حمد الله على سلامتك يا بيه ايه الغيبه الطويله دى بس قلقتنا عليك
عاصم بابتسامه : انت لسه هنا يا راجل طيب حتى وانا سيبت البيت ومبقتش موجود
البواب : مينفعش امشى يا بيه من غير ما تقولى حتى الخدامين الى هنا لسه جوه
عاصم : فيكوا الخير انا لما اختارتكم اختارت صح
البواب : ربنا يخليك يا بيه
دخل عاصم الفيلا لاقها لسه زى ما هى من سنين
افتكر كل حاجه كانه شريط قدام عينه وعينه مليانه دموع
راح على المكتب ومسك تليفونه
لقه مكلمات كتير جدا من صحابه ومعارفه اتصل بحد
عاصم : الو
بعدين بقه نعرف اتصل بمين
نروح بقه للملجا عند سما
سما : ايه يا رودى البت ورد فين
رودى : نزلت ولسه مجاتش ويقطع كلامهم دخول ورد
سما : ايه يا بت كنتى فين
ورد بتوهان : مش عارفه
سما بصت لرودى باستغراب : مالها دى
رودى: موش عارفه سما
سما : ايه يا قلبى.
رودى : انا عاوزه اروح لمروان ملحقتش اطمن عليه
سما : لا يا رودى ده واحد ميستاهلش
رودى : بليز هطمن عليه بس
سما : اوووف طب البسى يلا
لبست سما ورودى وراحوا ناحيه بيت مروان
وصلوا للبيت وخبطت رودى على الباب
رودى بتخبط : ماروووو مااارووو افتح اماااارو
مروان وفتح ونزل لمستواها وحضنها باسف
مروان : انا اسف اسف
رودى استغرب انو حضنها : انت عيان
مروان باستغراب : ليه
رودى : انت مش بتحضنى غير اما تكون تعبان او انا او انت خايف
مروان : لا يا رودى انا فوقت فوقت خلاص انا مش عاوزك تبعدى عنى انا اسف
سما : رودى ادخلى يا قلبى شويه لحد ما اتكلم مع اخوكى شويه
رودى بابتسامه : حاضر. مشيت رودى
مروان : انا
سما : انت تخرص خالص بص بقه انا هسمحلك تاخدها بس لو اشتكت منك او زعلتها موتك هيبقى على ايدى فاهم
مروان : يا انسه انا
سما : بلا انسه بلا زفت اظن انت سمعت الكلام ياريت بقه تنفذه سلام
ومشيت سما
ومروان مندهش من جبروتها وازاى بتعرف تكتمه كده ومتخلوش عارف يتكلم او يقول حاجه
نروح لمكان جديد
وكابلز جديد وحكايه جديده
فى مطعم
يوسف : انا عملت ايه عشان تتغيرى معايا كده
جنا ببرود : قولتلك مبقتش احبك يا اخى ابعد عنى بقه
يوسف بوجع : يعنى انتى كنتى بتخدعينى بتكدبى وتضحكى عليا ليه انا عملت ليكى ايه ده انا حبيتك حب محدش حبه ليكى قدى
جنا ببرود : خلصت كلامك ممكن بقه امشى ولا عندك كلام فارغ تانى لسه عاوز تكمله
يوسف بصراخ : انتى ازاى كده انا ازاى كنت مخدوع فيكى وفى وشك الملاك ده بس للاسف ورا الوش الملاك ده شيطان
جنا : عن اذنك ومشيت ركبت عربيتها
جنا وفى داخل العربيه
جنا بصراخ ووجع : ياااارب انا تعبت تعبت من التمثيل يارب انا مش قادره اشوفه قدامى كده مش قادره اشوفه موجوع ومكسور نفسى اخده فى حضنى واقوله انى مش كده اقوله انى لسه حبيبتك لسه حبيبتك زى زمان انا لسه هى متغيرتش انا اسفه يا يوسف انا اسفه ياااااارب هون عليا وعليه يا رب
نروح لمكان تانى
عند اسر وحياه وصلوا بيت عم حياه
اسر : حاسه نفسك جاهزه للخطوه دى
حياه بابتسامه : جاهزه هو ملوش ذنب فى الى حصل وبعدين انا زعلته اوى المره الاخيره مشى زعلان هو وادهم
اسر بابتسامه : طب يلا انزلى
نزلوا حياه واسر وراحوا بيخبطوا على بيت ادهم
يفتح ادهم وهو بيعيط ومنهار
حياه بخضه: في ايه يا ادهم
نروح لمكان تانى
عند امير واسيل روحوا بيتهم ومعاهم
عبد الحميد ومهند واسراء
اسيل بفرحه : بصوا بقه انا هقوم اعمل فشار ونشغل فيلم
امير بابتسامه : وانا هساعدك
اسيل بحزن : شكرا مش عاوزه مساعده من حد ودخلت
المطبخ اسراء شاورت ليه انه يدخل وراها يصالحها
دخل امير ورا اسيل المطبخ
امير : ممكن اعرف انتى زعلانه ليه
اسيل بغضب : انا مش زعلانه
امير : انا الى المفروض ازعل على فكره
اسيل بعصبيه والتفت ليه : ليه ان شاء الله هو انا الى مش فرحانه بالبيبى
امير : ومين قال انى مش فرحان
اسيل بعياط : تفسر بايه انك مقولتليش مبروك من قلبك ولا فرحت
امير وحضنها: اشششش اهدى. بس انا كان نفسى اكون اول واحد اعرف يا اسيل مش اعرف زى زي الغريب
اسيل : اسفه بس احنا كنا متخانقين
امير : مهما حصل بنا يا اسيل مينفعش تخبى عليا خبر زى ده
اسيل : حاضر انا اسفه
امير وحط ايده على بطنها : والبيه امتى هيشرف
اسيل بفرحه : فاضل ٦ شهور
امير بفرحه : انتى حامل فى تلات شهور
اسيل : ايوه
امير وحضنها : قلبى يا ناس اخيرا هبقى اب وانتى تبقى احلى ام
مهند ودخل : اثبت مكانك انت وهى يادى العار
شرف العيله راح
اسيل وامير : اسكت ياض
ويقطع كلامهم صوت الباب
تفتح اسراء وبصدمه : جنا
جنا اترمت فى حضنها وعيطت بحرقه
جنا : تعبت تعبت يا اسراء مش قادره امثل اكتر من كده مش قادره اكون بوشين ؛مش قادره اشوفه موجوع قلبى وجعنى عليه يا اسراء مشوفتيش شكله مشوفتيش وهو مصدوم من كلامى
اسراء بوجع : اهدى اهدى يا جنا اهدى يا حبيبتى
جنا وطلعت من حضنها : اهدى ازاى اهدى ازاااى وانا بشوفه بينهار قدامى وانا السبب
اسراء : اهدى يا روحى هنلاقى حل
جنا بانهيار : هنلاقى حل ازاى اقوله ايه اقوله انى بمثل عليه وبكدب وبكون بوش قدامه غير الى انا عليه عشان ابوك السبب
امير : اهدى يا جنا مش كده
اسراء : تعالى يا جنا اقعدى واهدى واحكى فيه ايه
قعدوا الكل وجنا حكت ليهم كل الى حصل
قاطع كلامهم صوت رساله من يوسف
باعتلها اغنيه
تبدا حكايتي لما كنت بشوف عنيكي
يخلص كلامي لما ايدي بتلمس ايديكي
بسرح بفكر ازاي هوفي وعودي ليكي
تبقي انتي ليا بكل غالي انا مشتريكي
انا كنت راسم صوره لينا احلي كتير
في دنيا تانيه كنت ملكه وانا الامير
فستان وبدله بلون كسوفك فرحانين
بالنسبه ليا اليوم ده كان حلم السنين
حلم السنين وبقينا فين
انسي خلاص كل اللي كان
ضاع حبي ليكي مفيش مكان
راح فين كلامك اللي كنتي بتقوله
ده انا ابيع الدنيا علشانك انت و اشتريتك
بعدك اكبر علمني ازاي بعدك هيعش
اصل انتي حبك كانت حاجه متتنسيش
خصني اللي كان دايما زمان تتحامي فيه
دلوقت خلاص ان الاوان تبكي عليه
جنا بانهيار : شوفى باعتلى ايه
اسراء واتفرجت على الاغنيه وحزينه على جنا ويوسف وقصه حبهم
مهند : ممكن تهدى الحل بسيط خالص مش عارف انتى مصعباها ليه
جنا وبطلت عياط : ازاى بسيط
مهند : ادينى رقمه وانا هشوف شغل يكون مرتب كويس وتحكيله على الى عمله باباه
جنا : ازاى هقوله ان باباه قال كده
اسراء : لازم تقوليله يا جنا ؛ هاتى فونك كده
جنا : هتعملى ايه
اسراء: هاتيه بس جنا ادتها الفون
اسراء مسكت فون جنا وبعتت رساله ليوسف
يوسف انا عاوزه اقابلك حالا فى حاجه لازم تعرفها
جنا مسكت التليفون عشان تشوف اسراء عملت ايه
جنا : يخربيتك ايه الى انتى عملتيه ده
اسراء:لازم تواجهيه
جنا : انا مش مستعده دلوقتى خالص
امير : لازم يا جنا تروحى وتقوليله
اسيل : هتفضلى ساكته لحد امتى
يقطع كلامه صوت رساله من يوسف
يوسف : هستناكى فى المكان بتاعنا بعد نص ساعه
جنا : انا هنزل وربنا يستر بقه
مهند : هاتى رقمه
جنا ملته الرقم ونزلت راحت المكان الى كانت بتتقابل فيه هى ويوسف
قعدت شويه لحد ما لقت صوت وراها
يوسف ببرود : خير كنت عوزانى فى ايه
جنا ووقعت فى حضنه : الحقنى يا يوسف واغمى عليها
