الفصل الاول
تبدا حكايتنا فى ملجا !!
تعالوا نشوف حكايه ابطالنا
ورد : تفتكرى يا حياه هلاقى فتى احلامى الى هياخدنى من هنا ومن المكان ده ويعوضنى عن كل الى حصلى
حياه بابتسامه مصطنعه : اه طبعا
ورد بفرحه : بجد
حياه ببرود : اه ابقى سلميلى عليه فى الحلم
ورد بحزن : انتى ليه كده
حياه : كده ازاى
ورد : ليه قاسيه كده لى بتتعاملى مع الكل هنا بقوه بس انتى مش كده ليه بتستنطعى القوه وانتى جواكى ضعيفه
حياه بغضب وقوه : عشان اعرف اعيش انا ماشيه
مشيت حياه وهى متلغبطه وهى مش عارفه رايحه فين لحد مدخلت مكان حلو اوى
جنينه وبحيره وشجر كتير لفتت نظرها شجره غير كل الشجر شجره كبيره جدا راحت وقعدت تحتيها من غير تفكير
حياه : انا تعبت اوى يا شجرتى انا من النهارده هسميكى شجرتى وهاجى احكيلك كل حاجه تعبت من الدنيا والى عشته تعبت وانا بصطنع القوه عشان اعيش تعبت اتعامل مع الى حواليا بقسوه تعبت عشان بعمل كل ده بس عارفه انا بعمل كده لى بعمل كده عشان متعلقش بحد بابا وماما وحشونى اوى هما سبونى لوحدى فى الدنيا دى سبونى فى عالم مبيرحمش وناس قاسيه وكله بتاع مصلحته محدش عاوز يعمل خير الا ولازم ليه مقابل عارفه فكرت كتير انتحر واروح عند بابا وماما بس للاسف الانتحار مش حل وهموت كافره انا تعبت ومش عارفه اعمل ايه تعرفى كل يوم بقعد اصلى وادعى ان بابا وماما يجولى فى الحلم بس بس
حياه بعياط وحرقه وصراخ :بس مش بيجوا هما مش بيجوا هما زعلانين منى ايوه هما اكيد زعلانين عشان انا السبب فى موتهم انا عاوزه احلم بيهم مش بكابوس الحادثه ياااااارب ياارب وقعدت شويه وقامت
هجيلك وافضضلك كل يوم انتى الوحيده الى هتسمعينى وتسكتى مش تملى وتزهقى وتقولى عليا نكديه زى ناس كتير ومشيت حياه بس
ماخدتش بالها ان فى شخص كان ورا الشجره وسمع كل كلامها
الشخص : يااااه دى فيها وجع الدنيا بس ازاى موتت اهلها انا هاجى هنا تانى لازم اعرف حكايه البنت دى
رجعت حياه للملجا
لقت سما صاحبتها ومعاها فى الملجا
حياه : بتعيطى ليه يا سما
سما بعياط : ليه اهلى سبونى يا حياه انا مكنتش هزعلهم والله وكنت هسمع كلامهم ومش هزعلهم
حياه بصرامه : بطلى عياط يا كلبه البحر
سما ضحكت : انا كلبه البحر يا جزمه
حياه : بصى يا سما هعلمك حاجه يا حبيبتى
سما : ايه هى
حياه : مش هما سبوكى على باب مسجد يبقى هما مش عاوزينك وبيعينك قومى كده
سما قامت معاها :رايحين فين
حياه : هنروح الاوضه
وراحوا الاوضه لقوا ورد قاعده على السرير
حياه بضحك: قومى بسرعه
ورد : فيه ايه
حياه : هاتوا تلات طرح
ورد راحت جابت وادتهالها ربطت طرحه على وسط ورد وطرحه على وسط سما وطرحه على وسطها
وراحت ناحيه الكاسيت وشغلت اغنيه
اللي باعنا خسر دلعنا . . راح لحاله يالا يودعنا
بالسلامة و القلب ناسيه . . بالسلامة والقلب ناسيه
واللي سابنا قفلنا بابنا . . يلا بينا وفرنا تعبنا
الحياة مش واقفة عليه .. الحياة مش واقفة عليه
اللي باعنا خسر دلعنا . . راح لحاله يالا يودعنا
بالسلامة و القلب ناسيه . . بالسلامة والقلب ناسيه
واللي سابنا قفلنا بابنا . . يلا بينا وفرنا تعبنا
الحياة مش واقفة عليه .. الحياة مش واقفة عليه
من امتة بيفرقلنا مين راح ومين استنى
اللي يحبنا يكسب ودنا و يضحي عشانا
مبسوطة على كده ميت فل ورضا ومش عاجبه يسيبنا
هو اللي اختار بايديه النار . . و خرج من الجنة
اللي باعنا خسر دلعنا . . راح لحاله يالا يودعنا
وستووووووب
استنوا الحلقه الجايه
توضيح 💜💜💜
ابطال الروايه كل واحده ليها حكايه
والحكايات اكيد مش هتظهر فى الحلقه الاولى
والشخصيات مش هكتبها لانها هتظهر واحده واحده فى الروايه
ورد. وحياه. وسما صحاب جدا من يوم ما جم الملجا
عمرهم ١٧ سنه وهما فى مدرسه واحده ومتفوقين دراسيا
لكن هتحصل حاجه تقلب حياتهم راسا على عقب
توضيح بس مفيش شبه بين الروايه ومسلسل الازهار الحزينه هتشوفوا ده فى الفصول الجايه
