TEMPTATION ISLAND: Hot Encounter

Chapter Thirty Six

SHE's a great liar. Gigi could won a best actress award for all that lies. Kapani-paniwala ito. Naipasok nito sa utak niya ang lahat ng gusto nitong ipapaniwala sa kanya.

Alam mong di niya magagawa 'yun. You know that.

Kinukumbinse niya ang sarili na mas kilala niya si Kaleb. Hindi nito gagawin ang bagay na ibinibintang ng pinsan. He wouldn't hurt her like that. Hindi siya nito gagamitin..

And in what way he would exactly use her against her family? Mag-isip nga ito. She's nothing to them! Kung ginagamit siya nito para gumanti sa pamilya niya, hindi iyon epektibo.

"He's taking over the company."

Paulit ulit na nag-play iyon sa isip ni Gel. Sumasakit na ang ulo niya. Kailangan niyang ihinto ang kotse para kalmahin ang sarili.

 Goddamn it! Hindi niya namalayan tumutulo na ang mga luha niya. Mas gusto niyang maniwala na walang gagawin si Kaleb para saktan siya, ngunit hindi rin naman gagawa ng kwento ang pinsan niya para lang siraan ito.

She knew, deep inside her that she was telling the truth!

Ikinulong niya ang mukha sa palad at nanginginig na inilabas ang emosyon. Sumisikip ang dibdib niya sa isiping hindi totoo ang lahat ng ipinakita sa kanya ni Kaleb.

He was so good at it.

Paniwalang-paniwala siya na totoo ang nararamdaman nito sa kanya. She has no evidence that Gigi was telling the truth.

Sa nanlalabong mata, dinampot niya ang tumutunog na cellphone. His name is on the screen.

 Sasagutin ba niya ito? Makakausap ba niya ito na hindi nangangatal ang boses niya? She shook her head.

Madali itong makakaramdam na may mali kapag hindi niya sinagot ito. "Hello, babe? W-What's up?"

"Nasaan ka na?"

Hindi niya alam kung ano ang isasagot. "N-nandito pa. Kasama ko pa si Dany," pagsisinungaling niya.

"Okay, babe.. You want me to come? Pauwi na ako."

Nagpanic siya. "Wag na, wag na. Mamaya uuwi na rin ako. Hintayin mo na lang ako, okay?"

"I'll wait for you. I love you." Lies.

"Sige, bye."

 Nauna niyang patayin ang tawag. How could he easily say those words with stummering? Para bang totoong totoo?

 Napahilamos siya sa mukha. She lied to him. Wala siyang balak na umuwi. Pagkatapos ng mga sinabi ni Gigi, gulong-gulo na siya. Makakagulo pa kung haharapin niya si Kaleb. Sigurado siyang makakahalata ito agad sa kilos niya. She can't afford to see his face right now.

Muli niyang pinaandar ang kotse. Kailangan niyang malaman kung ano ba ang totoo. Matagal na rin siyang hindi nakakatuntong sa mansyon ng kanyang ama.

Di rin talaga niya gusto na makisama pa sa mga ito. Mas lalo niyang nararamdaman na mag-isa lang siya kapag napapalibutan siya ng mga ito.

"Si Dad?" tanong niya sa kasambahay nang tumuntong na siya sa loob ng magarang mansyon. 

Tila mas naging maganda pa iyon ngayon. Maya't maya na yata pinabago ni Tita Teresa ang interior design ng kabahayan.

"Nasa study room niya, Ma'am Gel."

"Sige, ako na lang pupunta sa kanya."

May pagtataka sa mukha ng kasambahay. Halata kasing galing siya sa pag-iyak. Inignora niya ito at tuloy-tuloy na naglakad papunta sa study room ng ama. Nagtataka siya ng makitang bahagyang nakabukas iyon. He's not alone. May naririnig siyang nag-uusap sa loob. She stepped closer.