صالح : الشباب كلاتهم خرچوا ورا البنتة اللى اتخطفوا .
أدهم بغضب : ازاى ؟؟ انتو مجانين !!؟ انتو ماتعرفوش دول مين وممكن يعملوا ايه !! ليه ما استنوش لما اوصل .
ليصرخ رفاعى بغضب : نستنوا كيه ؟ مين المچنون دلوك ؟ نسيبوا عرضنا ولحمنا فى يد شوية كلاب ونستنى الحكومة . ليه !!! ده الموت اهون .
يمسح أدهم وجهه بغضب : تقوموا تتصرفوا بهمجية . وتطاردوا ناس انتو مش قدهم !!!
تاج : يا حضرة الظابط احنا فينا اللى مكفينا . من فضلك شوف شغلك من سكات .
يقترب منه أدهم ناظرا لوجهه بدقة : وانت تبقى مين يا عم الشيخ ؟
لاحظ الجميع لهجته الساخرة ليسرع وهدان : الاستاذ تاج نسيبنا يا حضرة الظابط لا هو شيخ ولا غيره .
بينما انفعل تاج إثر نوبة اختناق أخرى ليقول بغضب : اللى زيك هم اللى جايبين البلد ورا . علشان أنا ملتحى حكمت عليا من نظرة أنى إرهابى . وسايب شغلك وكل همك تلاقى شماعة ترمى عليها اللى حصل وخلاص حتى لو الشماعة دى شخص برئ.
التقط أنفاسه ليصرخ : مش مكسوف من نفسك . خسارة فيك البدلة اللى انت لابسها .
اشتعل أدهم غضبا ليتقدم نحو تاج ويمسكه من مقدمة ملابسه يجذبه نحوه صارخا : يا عسكرى . خد عم الشيخ ارميه فى البوكس.
بلاش احكام متسرعة.الفصل الساعة ٣
