الفصل الثالث :-
- صفعه مدويه هزت اركان القصر بسبب قوتها
ترنح جسد شادي من تلك الصفعه التي تلقها من والده ولكن ما باليد حيله فهو اخطأ خطأ ليس بالهين ويجب معاقبته
رمقه والده بنظرات غاضبه وقال بصراخ :-
- عملت ايه يا شادي؟ سمعني تاني، قولت ايه.؟
ارتعش شادي من صراخ والده وقال بتوتر بالغ :-
- انا مكنتش في وعييي والله، ومش عارف انا عملت كده ازاي...!
مسح والده علي شعره بتعب ووقع باهمال علي الاريكه وقال بأسي :-
- يا رتني مكنت خلفتك، ولا جيت علي وش الدنيا، حرام اللي بتعمله فيه ده....
اقربت نهال ببرود تام من عبد الغفور وقالت :-
- انت مالك قلقان كده ليه يا عبد الغفور، اكيد اهل البنت هيخافوا يشتكوا عشان الفضيحه، وحتي لو اشتكوا، احنا هنطلع منها زي الشعره من العجين....
رمقها عبد الغفور بنظرات مليئه بالحزن والاسي... فهي ام غير مباليه ليست لديها ادني اهتمام بولدها... فقد ربت شادي بطريقه خاطئه كأنها تقول له افعل اي شئ خاطئ فأنت ابن المستشار عبد الغفور سراج... لن يمسك احد بسوء...
اقترب شادي من والده بتوتر واردف بخوف :-
- بابا هو انا ممكن اتحبس
اطاح به والده بعيدا عنه وذمجر فيه بخشونه :-
- انت كل اللي همك مصلحتك، وانك ممكن تتحبس، ومش همك مستقبل البنت اللي ضاع...
تنفست نهال بملل وقالت بحده :-
- في ايه يا عبد الغفور، هي البنت دي كانت من بقيت عليتنا، عشان تدافع عنها اوي كده..
- بنات الناس مش لعبه يا نهال، انتي ترضي ان يحصل كده لرباب بنتك،
زمجرت فيه بشراسه قائله :-
- انا اللي يقرب من بنتي، اكله بسناني..
- يبقي اللي متقبليهوش علي بنتك، متقبليهوش علي بنات الناس،
ردت عليه بكل غل وتعالي :-
- بس انا بنتي متربيه، مش زي البنات اللي دايره علي حل شعرها دي، وبعدين لو كانت بنت محترمه، مكنشي شادي عمل معاها كده..
ضرب عبد الغفور كف بأخر يدل علي انه استسلم فهي ستظل كما هي نهال خالد الاسيوطي بكل جبروتها وحقدها علي الطبقي الوسطي والفقراء
ذهب وتركهم بعد مناقشه طويله خرج منها الخاسر وذهب الي مكتبه ليتصل بالمحامي الخاص به "سيد المجد" الذي يدير جميع اعماله لكي يتوصل معه الي حل يرضي الطرفين بدون علم الاعلام لانه حتما سيتضرر في عمله....
ربتت نهال علي كتف شادي وقالت بحنان :-
- اطلع يا حبيبي خد شور ونام، ومتشغلشي بالك بالبنت دي، دي اخرها هتاخد قرشين وتسكت..
ابتسم شادي بفرحه قائلا :-
- بجد يا ماما يعني انا مش هتحبس..؟
- طبعا يا حبيبي مش هتتحبس انت ابن المستشار عبد الغفور سراج يعني محدش يقدر يمسك بسوء
أنت تقرأ
رواية دموع انثي بقلم الروائية :- ايمان الحوفي
General Fictionكلا منا له طريقه في التفكير ولكن ماذا يحدث اذا كان هذا التفكير تفكير عقيم يهدم ارواح ابت للاستسلام ومع ذلك حاربت لتوضح للعالم ان الانثي ما هي الا قوة تمشي علي الارض ولا يمكن تحطيمها بسهولة فلا تقف وتشاهد بل ساعد لتحصل علي الامان
