#أنتظمي ياأنفاسي
الكاتبة فاطمة عادل
كرم : حجالي مصطفى كل شي يخص سارة مرت ابوي شلون جانت تحبن سعد وتروح تشتغل يمهم تخدمهم حتى تتلاكة وية عشيكها
انه تسودنت كلت اذا انهزمت مثل ماامي سوتها ابوي يموت بعد مايتحمل وسارة لازم اعلمها درس ماتنساه طول حياتها وانه اعرفن شلون اخلي الشيخ شهاب ياخذ حكة بيدة من سارة اذا ماكدر ياخذة من امي
اشتريت موبايل وخليت بي كم رقم ولد اصدقائي اتفقت وياهم وواحد منهم سميتة سعد ونزلت لعمارة سويتة رجاج الموبايل طبيت سلمت وكعدت يم ابوي مكسور خاطري بس كلت انه اخذن بحيف ابوي من عيونج ياسارة كعدت يم ابوي كتلة انه رح اكعد يمكم كم يوم فرح بجيتي ونسولف وصعدت لحجرتي ضميت الموبايل بين اغراضي وصحت محمود اخوي فهمتة ع كل شي وكلي انه حاضر ولازم نكسر ركبتها لهل ساقطة ثاني يوم كاعدين كتلة لمحمود اليوم
وكفنة نراقب ابوي طلع من حجرتة ووراه سارة نزلو جوة وانه نزلت يم ابوي واخوي محمود دخل لحجرتهم وخلة الموبايل بين هدوم سارة وطلع ونزل جوة عرفت خلص كل شي وكعدنة تغدينة وكملنة وكل واحد راح لحجرتة
سارة : طبينة اني وعمو للغرفة وكاعدين ع الجرباية كالي تعاي لبسيلي هاي اللي اشتريتها الج وراح للكنتور طلعها دشداشة نوم كلش خجلت
شهاب : ليش تخجلين تلبسيها لية جا انه مو زلمتج
سارة : امممم
شهاب : يلا كومي لبسي خلي امتع نضري بشوفة الكيمر
سارة : دخلت للحمام لبست وباوعت ع نفسي كلش عيب هذا اللبس مستحيل اطلع بي كدام عمو هيج ضليت واكفة طولت دك علية عمو باب الحمام
شهاب : هاا بوية وين صرتي اخافن نمتي
سارة : اي اي طالعة عمو لبست دشداشتي الطويلة فوك دشداشة القصيرة وطلعت
شهاب : هاا بوية وين الوعد
سارة : عمو كلشي متستر مااكدر البسها
شهاب : ههههههههه وين خليتيها
سارة : لابستها جوة دشداشتي وعمو جرني وشالني ويضحك ونزعني دشداشتي الفوك واني اضحك واريد ابعدة مااكدر بقيت باللي لابستة الجوة كلش خجلت طبيت للغطة وتغطيت هوة ضل يباوع علية ويضحك ويجر بالغطة واني مجلبة بي بس عبالك صوت فد شي غريب بالغرفة صوت
شهاب : تسودنت هاي شني الكيمر الجدامي والحلو بيها تضحك ومستانسة وعرفت بيها تعشكني مثل ما انه عاشكها
سمعت صوت رجاج مال موبايل اروحن لموبايلاتي اشوفهن ماكو ميدكن افتر بالغرفة ماكو
يسكت ويرجع يرج تقربت من الكنتور وحسيت الصوت اقترب فتحت باب الكنتور ونبشت الكنتور كلة بالكع واشوفن موبايل ويدك شلتة وباوعت ع سارة
سارة : طلع عمو موبايل من بين هدومي اني تخبلت منين هذا الموبايل نسيت اني شنو لابسة كمت ووكفت كدام عمو واباوع ع الموبايل
