#أنتظمي ياانفاسي
الكاتبة فاطمة عادل
وصلنة للمختبر نزلنة احس نفسي ضاق كلش تعبت دخل شهاب مكدرت ادخل وياه وكفت برة ودموعي تنزل رفعت راسي شفت شهاب طلع فتح باب المختبر ويمشي بخطوات سريعة من خوفي خليت ايدي ع اذاني
جر ايدي من اذاني شهاب وباوع بعيوني وعيونة مدمعة ويحجي بصوت يرجف
شهاب : سارة امج تحليلها زين ام احمد الحمد لله زينة
سارة : بجيت بصوت من فرحتي
صدك شهاب ماما تحليلها زين
شهاب : اي صكد ياعيون شهاب تعاي نرد ونبشر الوالدة
سارة : اشترى شهاب كاهي وكيمر وعسل ورحنة للبيت الفرحة مواسعتنة دخلنة بضحكة واصيح ماما ميادة تعالوو
احمد : سارة نصي صوتج ميادة متخربطة اغمى عليها وبس تبجي مااعرف شبيها
سارة : خليها تجي بعد ماكو بجي كلة فرح وضحك ميااادة
دخلت ركض للغرفة اشوف امي كاعدة ع الفراش وميادة نايمة ع صدرها وعيونها حمر من البجي اول مدخلت رفعت راسها ميادة وباوعتلي
حجيت بفرحة وابتسامة ماما استلمنة نتيجة التحليل والحمد لله والشكر زينة وبعد ميحتاج كيمياوي وعلاج رح ترتاحين ان شاء الله ميادة حضنت امي وتبجي
اباوع ع وجه امي بس ساكتة متعرف شنو ترد كامت طلعت من الغرفة راحت ع شهاب
شهاب : الحمد لله ع سلامتج يلغالية
سعاد : صدك شهاب اللي كالتة سارة
شهاب : اي صكد حجية
سارة : اجة شهاب باس راس امي وحضنها ضلت تبجي ع صدرة من الفرحة
ونبجي وياها اني وميادة
شهاب : بسج بواجي كومو انه عازمكم نتغدة اليوم بالمطعم بهاي المناسبة الحلوة
محمد : اي عمو خلي نروح للمطعم
شهاب : يلة نروحن يابعد عمك
سعاد : لا ابو كرم رحم الله والديك طابخة غدة
شهاب : خلي الغدة ونطلع
سارة : اخذنة شهاب لمطعم والكل فرحانين حتى عزم بيت خالو منذر وخالو من فرحتة يبجي ويبوس باايد ماما كلش انقهرنة علية
امي بعدها تعبانة بس طلعت ويانة دكول لخاطر الولد يريدون يطلعون وشهاب جاب كيكة جبيرة ورة الغدة وتونسنة كلش هواية صدك الفرحة مواسعتنة الضحكة مفاركتنة اني وميادة خصوصا
سعاد : يمة شهاب ربي يفرح كلبك مثل مفرحت كلبنة
شهاب : الغالية ام احمد فرحتنة بيج متنوصف ربي يتممها علينة
سعاد : ربي يحفظك
شهاب : انه ترى ماناسي موعد الطبيب مالج العصر نرد الويلاد ونروحن انه ووياج للطبيب
