#أنتظمي ياأنفاسي ..
الكاتبة فاطمة عادل
سارة : كال هل كلمتين ونزل واني بقيت صافنة شبي هذا
لبست الدشداشة واشوفها كلش جبيرة ورادنها طويلة لان خواتة سمان وضخمات بس شسوي اخاف يصيح علية اذا البس شي ثاني لبست الشال ونزلت مشيت ع كيف واباوع وينة افتريت ولكيتة كاعد بالمطبخ ويدخن اول مرة اشوفة يدخن ضليت صافنة علية ضخم وشواربة ولحيتة مسويها سيت واحد مو ثخينة واسمر بس حلو شكلة هيبة لابس كلابية بيضة وكاعد اول من فتت التفت علية كلي هيج بعد تلبسين بالبيت كتلة اوكي
شهاب : شني اوكي بوية كولي صار حاضر تأمر
سارة : صار عمو وابتسمت
اني بعدني اعرج برجلي لان الجبس شالو وحطولي لفاف لفوها وايدي الحمد لله صارت زينة وشلت اللفاف بس مااشيل ثكل لو أأذيها ع كيفي يعني نوعا مااا رجعت لحياتي الطبيعية
كليت بيضتين وكتلة مااندل شي بعد
كام صاح جميلة ورجع كعد اجتي جميلة كالت انتي عروس كعدي حبوبة اني اسويلكم طلعت خبز وسوت جاي وقيمر وعسل اني كعدت يم عمو شهاب بدينه نتريك اجتي الحجية
الحجية : صباحية مبارجة (مباركة)
شهاب : هلا يمة يبارك بعمرج
الحجية : يمة شهيب كول لمريتك من يسلمون ترد ماتضل مبحلقة بخلك الله
سارة : انتبهت ع نفسي كاعدة دااكل والحجية واكفة وتباوع علية واني اللكمة بحلكي وصافنة عليها
شهاب : جا ماتسلمين
سارة : كتلها هلو خالة اسفة منتبهت باوعت علية عوجت حلكها وكعدت يمكن ضاجت ماادري ليش
بس اني منتبهت مو قصدي اضوجها اجتي كعدت يمي
الحجية : شهيب
شهاب : امرني يمة
الحجية : البارحة انتظرتك لوجه الصبح وانت مانزلت بشرتي
شهاب : بعدين نتحجة بهل مواضيع
الحجية : نيشان البت وينة البارحة ماجبتة اليوم اريدنة
سارة : اني من المتوسطة تركت الدراسة وماعندي صديقات ومااطلع واطب ابد يعني بهل امور مسامعة احد يحجي كدامي بيها ومن دااتزوج ماما حجتلي بعض الامور يعني معلوماتي كلش قليلة بهل شغلات همة يحجون واني صافنة بس اباوع ع عمو شهاب صار عصبي كلش وصاح حجية بعدين نتحجة بالموضوع وعاف الاكل وكام
الحجية : تعاي لية (يمي او الية ) انتي تحجي شني الصار البارحة خذاج
سارة : وين ياخذني اشو هاي خالة غمتني وكامت راحت للديوان اني بقيت صافنة شبيهم هذولة اني هم كمت غسلت المواعين الوسخة وافتريت لكيت عمو شهاب كاعد بالديوان رحت كتلة عمو اريد احجي وياك بموضوع كلي تحجي بوية كتلة اريد تنام بفراشك واني انام يم البنات خواتك
