أنتظمي ياأنفاسي ..

البارت الرابع والعشرون

#أنتظمي ياأنفاسي

الكاتبة فاطمة عادل

سارة : ندى كاصة شعرها عند الصالون كلش حلوة الكصة عجبتني رحت ع عمو كتلة عمو اريد اكص شعري مثل ندى

شهاب : ليش بوية انه احبنة الشعرج فلي اشوفنة

سارة : فتحت شعري واصل لنهاية ظهري واسود وثخين لزم شعري وشمة وباسة

شهاب : اذا تريدين تأذين كليبي كصي شعرج

سارة : عمو عاجبني اسوي مثل ندى

شهاب : لا بوية انه احبنة هيج اعشكنة عشك المسودن

سارة : هههههههه شنو يعني

شهاب : ههههههه ما سامعة بعشك المسودن

سارة : لا مسامعة كاعد عمو ع الجرباية ومتمدد ويسولف واني متربعة بنص الجربابة واستمعلة

شهاب : يكلك يوم من الايام زلمة حب وحدة كلش رادها مانطوها اهلها جاب شيوخ وعشاير مانطوها مشت الايام وتزوجت البت وهوة بعدة متانيها رجلها مايصير عندة خلفة ابوها طلكها وهم تقدملها وجاب الشيوخ ورادها وهم مانطوها تزوجت واحد ثاني وخلفت اجتي ع زلمتها الصبح لكتة ميت ردت لاهلها وهم رد تقدملها هل مرة ابوها نطاها اله من الفرحة تسودن وبقت ع ذمة المسودن وتزوجتة وكالت لهلها مااعوفنة هذا تسودن من عشكي ومن وكتها صار عشك المسودن

سارة : ههههههههههه الله عمو احجيلي بعد قصص

شهاب : هههههه منين اجيبلج بهل ساعة قصص جا احد كلج علي انه اعرف احجي قصص

سارة : لا عمو مو كلامك حلو والقصة اللي سولفتليها كلش عجبتني

شهاب : تدللين احجيلج ثانية ع العشك

سارة : اي اي عمو احجيلي حباب

شهاب : يكلك فد يوم زلمة عجيز حبلة بت فلعة كمر وهية هم تحبة تعرفين هذول ياهو

سارة : منو

شهاب :انه وانتي هههههههه

سارة : ههههههههه عبالي صدك تحجيلي قصة
اكلك عمو اريد اشتري هدوم علمود عرس كرم وندى

شهاب : تدللين بوية اخذج وكت متحبين

سارة : لا لا اروح وية اميرة وفوزية

شهاب : ماكو طلعة

سارة : ليش عمو

شهاب : طلعة وية غيري ماكو

سارة : اوكي لعد باجر نطلع

شهاب : يصير خير

سارة : طلعنة ثاني يوم واشتريت قفطان واشتريت بدلة بلا ردن وطويلة عمو عبالة البدلة البسها بغرفتي ههههههه لان بلا ردن واشتريت تخم كرستال من المحل وتاج واشتريت حذاء كعب كرستال وخلصنة ورجعنة وصعدنة بالسيارة