#أنتظمي ياانفاسي
الكاتبة فاطمة عادل
سارة خفت من طاعة شهاب الي وداني لبيت اهلي من الباب وطلع دخلت ركض وبلهفة دخلت سلمت وسألت اول سؤال اللي صار جوابة علية مثل الصعقة وين بناتي ؟؟!!!
ميادة : اجة كرم اخذهم وكال اوديهم لامهم وابوهم
ليش انتي وين جنتي
سارة : كعدت بالكع حيلي نهد اجوي علية امي وميادة
سعاد : اسم الله امي شصاير عليج
سارة : ماما بناتي
سعاد : وينهم احجيلي امي
سارة : سولفتلها التفاصيل
سعاد : ابو كرم خابرنة الضهر وكال اني وسارة طالعين و البنات يمكم وراها دز كرم اخذهم
سارة : موبايلي اخذة شهاب اخذت موبايل امي ودكيت على شهاب
شهاب : هلة بلغالية
سارة : احجي وارجف
شهاب بناتي وين
شهاب : يم ابوهم جا مو يم غريب
سارة : رجعهم شهاب كافي مااتحمل الله يخليك
شهاب : عندج منا لباجر الفجر انه ببغداد وراها ارد للعمارة تحبين تجين ع بنياتج اجي عليج واذا ماحبيتي تعاي وياي للعمارة وكل الهلة بيج وبيتج ينتضرج
سارة : شهاااب رد البنات مااتحمل همة بعيدين علية
انطبك الموبايل بوجهي ادك مرة ثانية مغلق
اكيد يريد يجيرني ع رجوعي اله لا ماانزل راسي واروحلة بناتي لازم اردهم مااعرف شلون
قطع سلسلة افكاري احمد
احمد : سارة اني اروح لعمو شهاب ليش ياخذ البنات ويتصرف هيج تصرفات اني احجي وياه
سارة : نزلت راسي ودموعي نزلت وياها
اعرف محد يكدر يوكف بعين شهاب من عائلتنة
لا حبيبي عوفة هسة اكيد هوة يرجعهم
صار الليل والكل راحت نامت وارتاحت اله اني لوعت كلبي ع بناتي شكت كلبي ميادة كل شوية تجي تحجي وياية لو تنطيني مي مااحس ع دموعي شلون تنزل صار الصبح كعدو اهلي عيوني منفوخة من البجي احاول امثل القوة كدام اهلي التهي بشغل البيت اطبخ انظف طلعت بطانيات برة بالكراج اغسلهم طلعت يمي ميادة
ميادة : سارة فوتي ارتاحي شبيج اني انظف حبيبتي
سارة : لا مرتاحة هيج
ميادة : سارة لتتمرضين فوتي اني اكملها
سارة : مجاوبت ميادة
فشلت ميادة بااقناعي
بدت تمشي الايام الثكيلة يوم يومين تلاثة وبناتي بعيدين عن حظني بديت اذبل واتعب فراك بناتي بين بعيوني الاكل تقريبا مقطوع امي وميادة كاعدين كدامي خايفين علية كلش اني امثل النوم هروب من الواقع
بيوم كعدت بالليل بالصالة الكل نايمين عكفت رجلي ع صدري واني اتذكر بناتي وسوالفهم مرة ابتسم مرة تنزل دمعة مني محسيت اله احد لزم كتفي رفعت راسي بفزة
