أنتظمي ياأنفاسي ..

البارت الرابع

# أنتظمي ياانفاسي

الكاتبه فاطمه عادل

بغداد

سارة : وره يومين اجة بابا

باسم : سارة

سارة : نعم بابا

باسم : رحتي اشتغلتي ببيت ابو قصي

سارة : اي بابا مره وحده رحت كالتلي ع الخميس اروح وهاي الفلوس

باسم : اشو قليل

سارة : هيه نطتني هيج

باسم : حضريلي لكمه اكلها

سارة : اي هسه اصب .. حضرت الصينيه وخليتها بالكع اجوي اخواني وصحت ماما اجتي وبابا هم اجه كعدنه ناكل

باسم : سعاد شوفي بيت ثاني غير بيت ابو قصي تشتغلين عدهم وخلي بتج يم ام قصي تكمل

سعاد : حتى انت تاخذ الفلوس كلها وتخلينه احنه نشتغل خلي ببالك اني بس اكوم ع حيلي بتك تكعد بالبيت اخاف عليها واني اروح اشتغل

باسم : وشكو خايفه عليها هيه رايحه تشتغل شويه وتجي

سعاد : اللي عندي كلته بتي متشتغل بالبيوت

سارة : سكت بابا من شاف ماما تحجي بعصبيه .. كملنه اكل دااشيل الصينيه واندك الجرس طلعو اخواني ودخلو ووياهم مياده وجهالها يالله شكد مشتاقتلها وديت الصينيه بالمطبخ واجيت عليها لكيتها تبوس بماما وتسألها عن صحتها اجيت بقت حاضنتني وتبوس بيه عدها تلث جهال واحد عمره خمس اشهر شايلته والكبار واحد اربع سنوات والاخ تلث سنوات

بابا شاف مياده اجت سلمت عليه عافنه وطلع لان يدري رح تكعد تشكي من الضيم اللي شمرها بي
من يوم اللي زوجها واحد جبير بالعمر ومطلك وعنده اولاد كبار بكدها ومرات رجلها يكتها مرات ولده يموتوها بسط ومن تجي لبيت اهلي بابا يرجعها اي كرامه مضلت عدها كدام رجلها وولدة

سعاد : هاا يمه شلونج وشلونه رجلج وياج

مياده : يمه شلوني حال الضيم حالي هاهيه مااريد اضوجكم هوه اني جايه نص نهار .. سارة انتي شلونج حبيبتي

سارة : الحمد لله كمت اشتغل بمكان ماما باعي ماما شصاير بيها سوده علية وكعدت اسولفلها ع اللي صار وشسوه بابا

مياده : ياربي شوكت يحس ابويه تعبنه من تصرفاته

سارة : هاهيه الحمد لله ..

سعاد : يمه اني حروح انام تعبت فد نص ساعه وكعديني اريد اشبع من اختج شوف قبل لتروح

سارة : ان شاء الله تحتاجيني ماما اساعدج

سعاد : لا حبيبتي مابيه شي

سارة : وج مياده تعاي اسولفلج ع اللي ديصير بيه مااكدر احجي حتى كدام ماما وحجيتلها ع سعد وتصرفاته كلها