أنتظمي ياأنفاسي ..

البارت الثاني

#أنتظمي ياأنفاسي ..

الكاتبه فاطمه عادل

البارت الثاني

بغداد

ساره : ماما راحت لبيت ابو قصي اني كعدت ارتب البيت وبده برهوم حبيبي يريد يلعب ويتكلب ع بطنه فرشت بالكع بدلتله وغسلته ونطيته ممه وخليته يلعب واني اغسل اماعين واطبخ البارحه ماما جابت مركه من بيت ابو قصي بكيس مجمده اكيد فضايل الناس ناكلها وطبخت تمن
كعدو اخواني وبديت اريكهم واغسللهم شويه ونفتح الباب رحت اشوف منو لكيت ماما تمشي ع كيفها وتريد تطب للبيت

ها ماما شبيج حبيبتي انطيني ايدج

سعاد : يمه تعبانه مااكدر امشي عبالي شويه واصير زينه تالي ام قصي كلتلي روحي البيتج ارتاحي اليوم

ساره : ماما تعاي فوتي هسه اروح لبيت الممرضه بشارع الورانه اصيحها واجي

سعاد : خليني ارتاح شويه وروحيلها

ساره : رحت ع الممرضه كتلها ماما مريضه تعاي فحصيها اجتي خطيه شافت ماما كالت حكتبلها علاج وخلي ترتاح عدها التهاب مفاصل موزين عليها الشغل كتلها ان شاء الله وتشكرت منها وطلعت

سعاد : شلون مااطلع للشغل لعد منو يصرف عليكم منين نجيب اللكمه

ساره : اليوم احجي ويه بابا
رحت كملت البيت واعتنيت بااخواني وسويت شوربه الماما وجبتها خطيه كوه كعدت شويه شربتها ورجعت نامت اجه بابا صاير حتى الصبح يجي بس يجي شويه مصحصح احسن من يجي وج الفجر حتى ميحس شنو يحجي

باسم : ساره سويلي لكمه اريد ادخل انخمد

ساره : اي بابا
رحت جبت الاكل وخليت الصينيه كدامه وكعدت
بابا اليوم ماما تمرضت واجتي من بيت ابو قصي كوه تمشي ودزيت ع الممرضه كالت عدها التهاب مفاصل وميصير تشتغل بعد وكتبت الها هذا العلاج

باسم : كل شي مابيها خلي ترتاح كم يوم وترجع تشتغل

ساره : متكدر ماما مريضه شوف شغل انت واشتغل بمكانها
بهل حجايه كام بابا عليه لزمني موتني كتل وارافس باايده وابجي

باسم : بنت الكلب انتي تعلميني شغلي انتي تحجين ويايه هيج اليوم اله اموتج وهاي امج العار كل شي ماعليها تكوم غصبا عنها تشتغل يلا ولي من كدامي

ساره : امشي واشهنك واخواني يبجون وخايفين عافني بابا طبيت للغرفه اجوني اخواني كعدو يمي وحضنوني كعدت ماما من النوم

سعاد : الله لا يوفقك باسم شسويت بالبنيه

باسم : تسكتين لو يجي الدور الج

سعاد : دخلت للغرفه تعاي ماما سراوي لتبجي حبيبتي معليج باابوج بعد لتحجين وياه شي

ساره : ماما غير اخاف عليج ليصير بيج شي وهوه بس كاعد وياخذ منج فلوسج