#أنتظمي ياأنفاسي ..
الكاتبة فاطمة عادل
بغداد
سعاد : طلع باسم اني هم لبست هدومي واخذت جهالي وهل الفلوس الباقية عندي اخذت تكسي لمنطقة الحسينية ورحت ع اخوية هناك عايش طبيت سلمت عليهم هوة هم حالتة فقيرة بس نفسة طيبة دائما يكلي لو عندي مااخليج يم باسم لان يدري بي مرمرني
كتلة اخوية اريدك بشغلة كلي امريني كتلة اريد تشتريلي بيت من فلوس ورثي اللي خالتها يمك مال ابوية كون صغير يلمني اني وجهالي وكون قريب منا كلي عوفي الجهال يلعبون وية جهالي وامشي نروح رحنة للدلال كال اكو بيوت خمسين واكو مية متر ضل يشوفنة بيوت الى ان شفت بيت خمسين متر طابقين كتلة اي اريد هذا
الفلوس معوزة مليونين كلي اخوية لديرين بال اني اداينها من صديقي بس شلون تعيشين
كتلة اصلا هوه معزول الطابق الفوك عن الجوة واأجر الفوك ونعيش اني وجهالي جوة يكفينة غرفة وحدة ومطبخ وحمام واكو مكان بالمطبخ تصير كعدة هول
كال هاهيه اظبط الوضع وية الرجال كتلة توكل
كتلة اني مااكدر اتأخر لازم ارجع اخاف يجي باسم ويعرف احنة مموجودين كلي توكلي واني اكمل الباقي
رجعنة اخذت جهالي ورجعت لبيتي لان اخاف باسم يحس علية همزين مرجع اني بديت الم بالغراض بدون ميدري باسم شلت هدوم الجهال والغراض والملم واحط ورة البيت اصلا ماعدنه هدوم هواية بس هم يراد الملم ثاني يوم اجة باسم
باسم : كلي هاا حطلعين تشتغلين لو لا
سعاد : اي حشتغل من اسبوع الجاي تدلل والفلوس كلها بيدك تصير
باسم : عفية هيج صيري
سعاد : بس هسة اريد فلوس اتسوك ومن اشتغل ارجعها الك كال ماعندي كتلة دبر راح طلع جاب فلوس كلي هاي اداينت من صديقي ضميتها كتلة هل يومين اطلع اتسوك البيت فارغ ثاني يوم هوه بعدة نايم وكفت تكسي شلت هل كم غرض خليتهم لي ورة بالصندوك ونطيتة العنوان مال اخوية كلتة ودي هذولة الغراض ع العنوان وهاي فلوس كال تأمرين خالة وراح
مرت يومين وعلى الموعد كالي اخوية تجيني الصبح حتى نروح نسجل البيت من الصبح اخذت الجهال ورحت لبيت اخوية سوينة المكاتبة ونطينة الفلوس واخوية مداين من صديقة كل شي جاهز كلي باجر تستلمون مفتاح وية تسجيل
نطيت لاخوية فلوس كتلة جيب عشة للجهال ماقبل تعشينة وكملنة ونيمت الجهال ونمت ثاني يوم كعدنة الصبح سجلنة البيت بالطابو ورجعنة كتب اخوية قطعه بيت للايجار
بدت الناس تجي وميقبلون ع السعر مر اسبوع بعدين اجتي عائلة قبلو واجرنا واخذت منهم تلث اشهر مقدم اشتريت منادر فرشتها بالغرفة واشتريت دولاب مستعمل مال هدوم للجهال واشتريت سنك اشتريت بنكة ومبردة كلها مستعملات بقت فلوس طلعت اشتريت كم حاجة لاكل الجهال حسيت نفسي اسعد انسانة بالدنيا واباوع الجهال يلعبون بعيد عن ضغط ابوهم مرتاحين هسة بعد عندي مهمة لازم بناتي يعرفون اني وين كاعدة وميكولون الابوهم وولدي لازم انقلهم ادز اخوية بسيطة
