أنتظمي ياأنفاسي ..

البارت الثالث

# أنتظمي ياانفاسي

الكاتبه فاطمه عادل

شهاب : كعدت الصبح واشوفن مريتي (مرتي) كاعده وتانيني (تنتظرني ) على ريوك هاا ياست البنات تانيني

سهير : اي شيخي متانيتك

شهاب : جا وين هلي ليش مايتريكون ويانه

سهير : تريكو كلياتهم (كلهم)

الحجيه : هله بالشيخ صباح المبارك يمه تعال ليه احبنك (ابوسك )

شهاب : هله يمه شلونج ابوي ماكو

الحجيه : ابوك سبقك راح للمضيف ويه اخوانك
ولك شهيب شنو هل سهيره ورده الله يحفظها الك

شهاب :ههههههه جا غير انتي اللي منكيتها ( مختارتها )

مرت الايام وانه عايش احلى عيشه ويه مريتي تخدمني وتحبي ومدللتني
وتلكيت منها احلى فرحه طلعت حامل الدنيا موسعتني من فرحتي وجابتلي احلى وليد وسميته كرم وهلي كلهم فرحو بهل خبر وذبحنه الذبايح وسوينه عزيمه بالمضيف والكل اجو وباركولي

دخلت للبيت واشوفن سهيره كاعده ووبيديها الوليد (الولد ) دخلت بست راسها
هلا باام الغالي ربي يحفظج الي يالغاليه ونشوف ابنه احلى عريس

سهير : بسلامتك شيخي تزوجه وتشوف اولاد اولاده

مشت الايام وكرم كبر وصار يمشي

اخذه ويايه للمضيف اريد اعلمنه ابو الشيخ لان جده نطاني الشيوخه وانه بعدني شاب وهوه ماله حيل واخواني يساعدوني ذراعي اليمنة كلهم يحترموني ويحبوني

سهير : شيخي اريد اكلك خبر يفرحك

شهاب : كولي ياست البنات

سهير : هههههه شيخي وليدك صار رجال والثاني بالطريق ودكولي ست البنات

شهاب : شنو كلتي الثاني يعني انتي حامل

سهير : اي شيخي انه حامل واول واحد ابشره انت

شهاب : الحمد والشكر لك يارب الله يحفظج الي ياست البنات ونسويهم عشره

سهير : اييي شيخي انه اريدن اسويهم عشره وكلياتهم وليدات

شهاب : كلياتهم خير وبركه اذا وليد واذا بت

مشت ايام وراحت ايام وانه بين طلايب الوادم وبين زواج اخواني اثنين زوجناهم غسان وقاسم بليله وحده وسوينه عزيمه وذبحنه الذبايح

سهير : شهاب الحكلي ضهري حيطك

شهاب : خيرج ياست البنات اصيحن الحجيه واجيج
يمه كومي سهير دتولد

الحجيه : روح ع ام عيسى انشد ( صيح ) ليها ورد

شهاب : اي حجيه رايح طركاعه ووكعت ع راسك ياشهاب لابس الدشداشه بالمكلوب